يلقي الدلال اللي بها البن منثور =وصياني فيها لحوم الفطيره

[فواز العويضة]

قصيده للشاعر/ حمد بن طعمه الجباب قالها مادحا بالزيد من العلى من بني خالد.



ياراكب من عندد نا من حمى الزور = مسطور قطاع الفيافي ظهيري

يمد من عندي علي فجه النور = والعصر يلفي له علي جال حيري

يلقى الدلال الي بها البن مثور= وصياني فيها لحوم الفطيري

لقيت شورك يالبناخي هو الشور = مالي بغيرك بالملا مستشيري

سكنت عند الزيد شبابه النور = نعم الرجال اللي تعز القصيري

من ديره اليابس اليا قصر منصرر = ومن قصر ابو مشعل لقصر الضميري

قصيرهم يمشي بعز ومسرور = وانفوس الين من فراش الحريري

ماهم جماعتكم هل المكر والزور = لاصمت لا ذمه ولاقول خيري

رجالكم ينفخ كما نفخ الثور = والياتغدا من رغيف الشعيري

انا بعز وخير بالله مسرور = وبينت لك هرج طلع من ضميري

وصلاة ربي نافل عن هل الجور = يشفع الخلقه في نهار عسيري




******************************
1)-اليابس :حي في اللقائط وهوأخر مكان للقرشه من الشرق
2)-قصر ابن منصور :منصور الباسط وهو أخر مكان للقرشه من جهة الغرب
3)-قصر ابو مشعل: أخر حي من جهة الشمال للقرشه.
4)-قصر الضميري :أخر مكان من جهة الجنوب للقرشه
وبذلك يكون الشاعر حدد موقع القرشه من الجهات الاربعه.



اخوكم
فواز بن نايف بن موسى العويضة

[صقر الخوالد]

تسلم طال عمرك على هالمشاركة ووالله ان كل مشاركة تمدح واحد من بني خالد كانهم مادحيني وعزالله ان شيابنا رحمهم الله مايعوضون وجعل الخير في ابناؤهم اى يوم الدين
تحيات اخوك صقر الخوالد

[ابن سويحه]

الرسالة الأصلية كتبت بواسطة صقر الخوالد
تسلم طال عمرك على هالمشاركة ووالله ان كل مشاركة تمدح واحد من بني خالد كانهم مادحيني وعزالله ان شيابنا رحمهم الله مايعوضون وجعل الخير في ابناؤهم اى يوم الدين
تحيات اخوك صقر الخوالد





هذا اللي بقوله
سبقني له كاعادته صقر الخوالد
للطيب سباق