الناصري التميمي
05-04-2006, 05:53 PM
هذه قصيده لشاعر الكبير شاعر بني تميم
الشيخ عبدالله بن علي بن صقيه الوهيبي التميمي ،وقد نشرها في ديوانه السابع .
|| هامة مضر حنا ليا زام من زام --انشد جموع مسيلمه واليمامه ||
يقول فيها ابوعلي التميمي حفظه الله :
الله يكفي شر ميلات الأيام = وليلٍ غطا الضلعان يوقظ نيامه
العام وسنين عديده ورى العام= موت الإهانه صايباتٍ اسهامه
سنين خلت راعي الخلف قدام= الحر قل من الدبور احترامه
وقتٍ به المخدوم للخدم خدام= بالناس اخس الناس يسمع كلامه
النذل مفطر و الأجاويد صيام =عصرٍ ترقت بالنمايم لئامه
هذا زمانٍ فيه من طاح ماقام= يهلك ظمأ والمي موجود أمامه
دنياً كفا الله شرها كلها أوهام =مسكين من طاريه هيض غرامه
المستحي من حيفها ورده حيام= والمفتري تشرب قراح حيامه
يادار وين مقطعة روس الأصنام= أهل السيوف الحدب وأهل الزعامه
أخبارهم نسمع بها مثل الأحلام= الكل منهم بالياتٍ عظامه
وجدي عليهم وجد مضهود الأيتام =أبوه ميت ومتوليه ضامه
يا لايمي في ذم الانذال ما نلام=اللوم يلحق كاسبين الملامه
خطو العرب بالمجتمع مثل النعام = فيهم سخافاتٍ وفيهم غشامه
تعيف ماتلقا للأسرار كتام= دراشمٍ كلٍ بدبرة مدامه
يابايع الليمون من كم الاقيام =الليم سعره زاد مدري علامه
خلايق ماعاد تحصى بالأرقام = أبا العيوب اليوم هبت ولامه
الخابر الله عالم ما بالارحام = منهم رجال الحرب عند التحامه
هامة مضر حنا ليا زام من زام =انشد جموع مسيلمه واليمامه
لا فللت يوم اللقا خضر الاعلام= ماغيرنا في مارثة مضر هامه
الطاغي الباغي ندوسه بالأقدام= من غره الشيطان حنا كعامه
رجالنا دايم على راسه وسام= يومٍ كثير الناس ضيع وسامه
ماهي هرابيدٍ على قرع دمام=غنا بها المملوك يرضي عمامه
ياعالمٍ في جوها طيرها حام= تبغي السلامه مار مامن سلامه
لابد ما يحكم عليها بالاعدام =في ساعةٍ كل يلبس خطامه
سهيل جنح الليل نور على الشام=ياخارفين الغرس قرب صرامه
عقب الهدير وزوم نفسٍ ودرهام =رغى البعير اللي طويلٍ سنامه
تدبير خلاقٍ لأسرار علام=دار الفلك لك زرفلي يا نعامه
ماطاب لك يالادمي ذاك مادام =لابد من قبرٍ وحيش ظلامه
أوسع اذراع فيها تكفن من الخام= وايحاسبك مولاك يوم القيامه
الدايم الله واحد ماحد دام=كل مرده لو بقى لانعدامه
أكبر خطا وأكبر غلط وأكبر اجرام= خلط الحلال اللي حلال وحرامه
ترى الجهل لبيوت الاجواد هدام= يتيه دايم صاحبه بالمهامه
كم جاهلٍِ حطوه للسطح مرزام= الاتبخنته لقيته فدامه
ياصاحبي لا يخدعك كبر الأجسام =مافاد بالخرتيت كبر الجسامه
المشتبه صاحي تحطه لك احزام =محزمك شيال الفشق في حزامه
تراك في وقتٍ هله فيهم هيام=من طاح يوكل مادري به جلامه
الا توطاك الدهر رزوا اعلام= وحطوا على رجم التشمت علامه
امخادعيه تاخذ المكر بالزام =بهم على الدنيا الدنيه بحامه
جيلٍ بعضهم للمفاريد مريام =من ركب كور العاج عاف المسامه
الحر لامن شاف مايكرهه شام=والبوم ماله نيةٍ عن هدامه
ياللي بسوق المجد للجود روام= انذرك عن بيت الردى والرخامه
احرص على الدسمه إلاصرت سوام= والا الهلامه ماتفيدك هلامه
خلك على طرق الجزيلات جزام= مايكسب الهزلات من به شهامه
الغرسه المستنسله ذات الأكمام= أحرص على تلقيحها ياوسامه
تلقا نماها عند تنكيس الاعلام=إلا اختلط وبل الرصاص وعسامه
ياعارف الحا لاعدمناك واللام= الخبز مبطي طافح في ايدامه
يذكر كبار الحوت بالبحر عوام= واللي يحرس العيس غلق دوامه
الذيب غب حيافته للغنم نام=يامواسله وش جاه طول منامه
ياحارس البستان عن كل صرام=من طاول اطول منه طويت خيامه
حجام ساباطٍ تولاه حجام=شهادته في دراسته للحجامه
ياضامر السرجوف يامرودع وشام=عليك من شارات ساره علامه
ريميةٍ ترعى نواوير الاوسام=بالعنق خناقه وبالخد شامه
بالليل صور لي خياله بالأحلام=عرضه نقي مافك زولٍ لحامه
بنت الذي جده على الحرب مقدام=وأبوه مروي بالملاقا حسامه
ليثٍ بطل على الطوابير هجام =إلاغطا الشم النوايف كتامه
شم عن ردي الناس ياصخيف الاقدام=ياكامل الأوصاف زاهي زمامه
ذا قول من قيله ينشف للأقلام=من كادي اصلي ومسك ٍ ختامه
هذا وصلى الله على سيد الأنام=محمد المختار مامطر غمامه
وسلامتكم
تقبلوا تحياتي لكم
ابوعبدالعزيز بن صعب الناصري التميمي
الشيخ عبدالله بن علي بن صقيه الوهيبي التميمي ،وقد نشرها في ديوانه السابع .
|| هامة مضر حنا ليا زام من زام --انشد جموع مسيلمه واليمامه ||
يقول فيها ابوعلي التميمي حفظه الله :
الله يكفي شر ميلات الأيام = وليلٍ غطا الضلعان يوقظ نيامه
العام وسنين عديده ورى العام= موت الإهانه صايباتٍ اسهامه
سنين خلت راعي الخلف قدام= الحر قل من الدبور احترامه
وقتٍ به المخدوم للخدم خدام= بالناس اخس الناس يسمع كلامه
النذل مفطر و الأجاويد صيام =عصرٍ ترقت بالنمايم لئامه
هذا زمانٍ فيه من طاح ماقام= يهلك ظمأ والمي موجود أمامه
دنياً كفا الله شرها كلها أوهام =مسكين من طاريه هيض غرامه
المستحي من حيفها ورده حيام= والمفتري تشرب قراح حيامه
يادار وين مقطعة روس الأصنام= أهل السيوف الحدب وأهل الزعامه
أخبارهم نسمع بها مثل الأحلام= الكل منهم بالياتٍ عظامه
وجدي عليهم وجد مضهود الأيتام =أبوه ميت ومتوليه ضامه
يا لايمي في ذم الانذال ما نلام=اللوم يلحق كاسبين الملامه
خطو العرب بالمجتمع مثل النعام = فيهم سخافاتٍ وفيهم غشامه
تعيف ماتلقا للأسرار كتام= دراشمٍ كلٍ بدبرة مدامه
يابايع الليمون من كم الاقيام =الليم سعره زاد مدري علامه
خلايق ماعاد تحصى بالأرقام = أبا العيوب اليوم هبت ولامه
الخابر الله عالم ما بالارحام = منهم رجال الحرب عند التحامه
هامة مضر حنا ليا زام من زام =انشد جموع مسيلمه واليمامه
لا فللت يوم اللقا خضر الاعلام= ماغيرنا في مارثة مضر هامه
الطاغي الباغي ندوسه بالأقدام= من غره الشيطان حنا كعامه
رجالنا دايم على راسه وسام= يومٍ كثير الناس ضيع وسامه
ماهي هرابيدٍ على قرع دمام=غنا بها المملوك يرضي عمامه
ياعالمٍ في جوها طيرها حام= تبغي السلامه مار مامن سلامه
لابد ما يحكم عليها بالاعدام =في ساعةٍ كل يلبس خطامه
سهيل جنح الليل نور على الشام=ياخارفين الغرس قرب صرامه
عقب الهدير وزوم نفسٍ ودرهام =رغى البعير اللي طويلٍ سنامه
تدبير خلاقٍ لأسرار علام=دار الفلك لك زرفلي يا نعامه
ماطاب لك يالادمي ذاك مادام =لابد من قبرٍ وحيش ظلامه
أوسع اذراع فيها تكفن من الخام= وايحاسبك مولاك يوم القيامه
الدايم الله واحد ماحد دام=كل مرده لو بقى لانعدامه
أكبر خطا وأكبر غلط وأكبر اجرام= خلط الحلال اللي حلال وحرامه
ترى الجهل لبيوت الاجواد هدام= يتيه دايم صاحبه بالمهامه
كم جاهلٍِ حطوه للسطح مرزام= الاتبخنته لقيته فدامه
ياصاحبي لا يخدعك كبر الأجسام =مافاد بالخرتيت كبر الجسامه
المشتبه صاحي تحطه لك احزام =محزمك شيال الفشق في حزامه
تراك في وقتٍ هله فيهم هيام=من طاح يوكل مادري به جلامه
الا توطاك الدهر رزوا اعلام= وحطوا على رجم التشمت علامه
امخادعيه تاخذ المكر بالزام =بهم على الدنيا الدنيه بحامه
جيلٍ بعضهم للمفاريد مريام =من ركب كور العاج عاف المسامه
الحر لامن شاف مايكرهه شام=والبوم ماله نيةٍ عن هدامه
ياللي بسوق المجد للجود روام= انذرك عن بيت الردى والرخامه
احرص على الدسمه إلاصرت سوام= والا الهلامه ماتفيدك هلامه
خلك على طرق الجزيلات جزام= مايكسب الهزلات من به شهامه
الغرسه المستنسله ذات الأكمام= أحرص على تلقيحها ياوسامه
تلقا نماها عند تنكيس الاعلام=إلا اختلط وبل الرصاص وعسامه
ياعارف الحا لاعدمناك واللام= الخبز مبطي طافح في ايدامه
يذكر كبار الحوت بالبحر عوام= واللي يحرس العيس غلق دوامه
الذيب غب حيافته للغنم نام=يامواسله وش جاه طول منامه
ياحارس البستان عن كل صرام=من طاول اطول منه طويت خيامه
حجام ساباطٍ تولاه حجام=شهادته في دراسته للحجامه
ياضامر السرجوف يامرودع وشام=عليك من شارات ساره علامه
ريميةٍ ترعى نواوير الاوسام=بالعنق خناقه وبالخد شامه
بالليل صور لي خياله بالأحلام=عرضه نقي مافك زولٍ لحامه
بنت الذي جده على الحرب مقدام=وأبوه مروي بالملاقا حسامه
ليثٍ بطل على الطوابير هجام =إلاغطا الشم النوايف كتامه
شم عن ردي الناس ياصخيف الاقدام=ياكامل الأوصاف زاهي زمامه
ذا قول من قيله ينشف للأقلام=من كادي اصلي ومسك ٍ ختامه
هذا وصلى الله على سيد الأنام=محمد المختار مامطر غمامه
وسلامتكم
تقبلوا تحياتي لكم
ابوعبدالعزيز بن صعب الناصري التميمي