الهموم انوااااع

[ابو راكان]

السلام عليكم ورحمة الله وبركاته
اليكم مشاركتي الثانية ارجو ان ترقى الى اذواقكم العالية

يوم شفت ان الهموم انواع والتعبير كايد=والاماني كل ماطال الزمن صارت بعيدة
قلت ياشعري تراني منتظر منك الفوايد=قال لاتزمل وانا موجود والدنيا مديدة
انتهض مثل الحرار اللي تنهض للطرايد=ثم عبر عن شعور القلب ولسانك بريده
شاعر (ن) لاطب بالميدان سجل له قصايد=صفقي له يالحروف وغطرفي له يالقصيدة
لين قام ورفع الاعلام جمهور(ن) محايد= وخضعت له مهرة القيفان لوكانت عنيدة
ياعذولي ياعذولي نم وكبر بالوسايد= الزمن عقبك بلاني لين حقق ماتريده
والسبب ناس (ن) لهم سمت وتقاليد واعوايد= اعرضوا عن تبعها والقرش صارو من عبيده
وكل ماقلت الدروب العوج تورد للنقايد = اعترض ناس تفلسف مثل فلسفة الجريدة
واخلفو كل الحقايق مابقى منها شرايد= وكل شي جا بداله من جهالتهم ضديده
الفرح كنه تعازي والعزا كنه معايد = وصارت الحرجة حلال وصارت الجزلة زهيدة
مير وش حيلة حريص (ن) يرتجي درب الفوايد= يتبع الدرب العوج والا يرد الناس سيده
ايه... انا ادري بالجواب وخابر التحقيق كايد= والاماني كل ماطال الزمن صارت بعيدة