قصيده الشاعر عزيز المويهان الظفيري [الأرشيف]

الزلفاوي

10-24-2004, 08:59 AM

يالله طلبتـك ياعويـن وياسميـع(ن) للعبـاد
تغفر لي الزلـه اليامـن خـط بكتابـي قلمـي
يارب أنا شاعر واعرف أنـي أهيـم بكـل واد
وادري أصيب أحيان وادري أحيان يارب أنعمي
يالله مالـي بدنيتـي ياكـود شيبانـن أعـواد
هم راس مالي ياألآهي وضحكهم هـو بلسمـي
وطفله صغيره يآألآهي خلفـه فـارس جـواد
عزيز أبوها وأمها من قوم غصبـن تحشمـي
يالله شاعر , عاطفي , حساس , له قلب وفؤاد
يلعب بقلبـي جاهـل(ن) الياضحـك متبسمـي
مخلوق من دم ولحم مؤمـن وجنتـك المـراد
يالله طالـب رحمتـك وسـط القبـر الأظلمـي
اليا سئلني سائل(ن) يسئـل يـارب الأجتهـاد
يارب يـارب فزعتـك أتحـط أجابتهـا بفمـي
يالله أنـا طلبـك الشهـاده ياألآهـي بالجهـاد
في ساعة(ن) يصرخ بها الأسلام وين المسلمي؟
في ساعة(ن) تحشد بها الكفـار للأمـه عتـاد
وهذا اللي حاصل ياألآهي وانت أدرى وأعلمـي
أرواح تزهـق والنسـاء قـدام أمتنـا تـقـاد
وبيوت تهدم والعرب بالخارطـه هـي تحلمـي
يالله يارافـع سبـع بـلا حبـال ولا عـمـاد
يمنزل آخـر مـن بعثتـه بالرسالـه يختمـي
يالله أنا طلبك النصر بالقـدس يـارب الشـداد
يوم الشهاده واللقـاء فيـه الشجـر يتكلمـي
يالله عجـل بالنصـر يالله مـن عنـدك وكـاد
ماغيرك أحد(ن) ينصر الأسلام... ويارب تحمي
مكه وقبر(ن) للرسول يالله مـع باقـي البـلاد
دونه نموت ونرخص الغاليـن يـارب ودمـي
يالله عفوك ياكريم(ن) بالبعـث يـوم الميعـاد
يـارب تغفـر زلـة لسانـي وكفـي وقلمـي
يارب أنا شاعر وأعرف انـي أهيـم بكـل واد
وأدري أصيب احيان وأدري احيان يارب أنعمي [/poem][/poem]