عز العرب
10-09-2006, 03:28 AM
قصيدة أكثر من رائعه للشاعر عبد الله بن راشد آل رمضان الزعبي رحمه الله
القلب ياخالـد ضـرب فيـه دولاب=دولاب هاجوس همومـه مراديـف
والبارحـه جنبنـي النـوم جنـاب=كلن رقد ودمـوع عينـي ذواريـف
اعوي كما سرحان واجيب ماجـاب=وألاحي الورقا بـروس المشاريـف
واليا نشدني داله ويـش الاسبـاب=اقول مالك من سبيلـي مصاريـف
اشـوف لـي دنيـا تقلـب تقـلاب=بوّاقـة بعهـودهـا والمحالـيـف
دنيا ليا اقفت تسقي المـر بأكـواب=وان اقبلت مثل العسل والنواشيـف
عقب الطرب خلتني اذهـب تذيهـاب=ينسف علي الموج من ساحل السيف
كني حبيس سكـرو دونـه البـاب=في حبس روم ماتعرف المعاريـف
أتوق توق موحّش فـوق مرقـاب=تذكر المعبار وسهيـل قـد شيـف
ناض وتنهّض واطرف الريش عياب=ووقع وناظر في حياتـه تكاسيـف
قمت اتلـزا خابـث فـي ماطـاب=تقفي وتقبل بي همـوم وعواصيـف
شفنا سهيل وغرّب القيض بحسـاب=والصيد هبت له هبـوب النفانيـف
لا والله الا صـار للبـدو جــذاب=جاهم من الوسم المبكـر طواويـف
طووا عصير وشلّعو باقي الاطنـاب=وحبالهم تلوى بـروس العصاريـف
وغدالهم مع طلعة الفجر ضبضـاب=وأقفو وتاليهم على العـد ماشيـف
ماكنهم دقو علـى العـد منسـاب=مرحانهم تنسف عليهـا النواسيـف
وصبرت لي صبر يشيب بالاشبـاب=وايامنـا راحـت علينـا تزالـيـف
ابديت ماكنيت واحضـرت ماغـاب=والجم جابتهـا الدلـي والغواريـف
ياربعنا دنّو لنـا خضـع الارقـاب=قطم الفخوذ وكامـلات التواصيـف
نجايـب يعطـن بنـا كـل ملهـاب=تسبق مراويح القطـا والشواحيـف
يلفن بنا من ديرة اجناب لأصحـاب=قلبي لهم وقلوبهـم لـي مواليـف
ترثة زعوب نجمهم مابعـد غـاب=لطامـة العايـل بشلـف مراهيـف
ربعي (هل الحيزا ) اليا كلّح النـاب=وغوانـم عنـد الركايـب نواتيـف
ياماحلا شداتنا في بعـض الانـواب=لامن جذبنا برق وسم على صيـف
الطرش يجهم والمظاهيـر هـرّاب=والطير يطرد والسلف له غطاريـف
ترعى بنا رعي الطنف كل حنـزاب=وترعى بنا شقح البكار المشاعيـف
بدو علـى عاداتنـا جابنـا جـاب=على سلوم اجدادنـا كيفنـا كيـف
وسلامتكم
القلب ياخالـد ضـرب فيـه دولاب=دولاب هاجوس همومـه مراديـف
والبارحـه جنبنـي النـوم جنـاب=كلن رقد ودمـوع عينـي ذواريـف
اعوي كما سرحان واجيب ماجـاب=وألاحي الورقا بـروس المشاريـف
واليا نشدني داله ويـش الاسبـاب=اقول مالك من سبيلـي مصاريـف
اشـوف لـي دنيـا تقلـب تقـلاب=بوّاقـة بعهـودهـا والمحالـيـف
دنيا ليا اقفت تسقي المـر بأكـواب=وان اقبلت مثل العسل والنواشيـف
عقب الطرب خلتني اذهـب تذيهـاب=ينسف علي الموج من ساحل السيف
كني حبيس سكـرو دونـه البـاب=في حبس روم ماتعرف المعاريـف
أتوق توق موحّش فـوق مرقـاب=تذكر المعبار وسهيـل قـد شيـف
ناض وتنهّض واطرف الريش عياب=ووقع وناظر في حياتـه تكاسيـف
قمت اتلـزا خابـث فـي ماطـاب=تقفي وتقبل بي همـوم وعواصيـف
شفنا سهيل وغرّب القيض بحسـاب=والصيد هبت له هبـوب النفانيـف
لا والله الا صـار للبـدو جــذاب=جاهم من الوسم المبكـر طواويـف
طووا عصير وشلّعو باقي الاطنـاب=وحبالهم تلوى بـروس العصاريـف
وغدالهم مع طلعة الفجر ضبضـاب=وأقفو وتاليهم على العـد ماشيـف
ماكنهم دقو علـى العـد منسـاب=مرحانهم تنسف عليهـا النواسيـف
وصبرت لي صبر يشيب بالاشبـاب=وايامنـا راحـت علينـا تزالـيـف
ابديت ماكنيت واحضـرت ماغـاب=والجم جابتهـا الدلـي والغواريـف
ياربعنا دنّو لنـا خضـع الارقـاب=قطم الفخوذ وكامـلات التواصيـف
نجايـب يعطـن بنـا كـل ملهـاب=تسبق مراويح القطـا والشواحيـف
يلفن بنا من ديرة اجناب لأصحـاب=قلبي لهم وقلوبهـم لـي مواليـف
ترثة زعوب نجمهم مابعـد غـاب=لطامـة العايـل بشلـف مراهيـف
ربعي (هل الحيزا ) اليا كلّح النـاب=وغوانـم عنـد الركايـب نواتيـف
ياماحلا شداتنا في بعـض الانـواب=لامن جذبنا برق وسم على صيـف
الطرش يجهم والمظاهيـر هـرّاب=والطير يطرد والسلف له غطاريـف
ترعى بنا رعي الطنف كل حنـزاب=وترعى بنا شقح البكار المشاعيـف
بدو علـى عاداتنـا جابنـا جـاب=على سلوم اجدادنـا كيفنـا كيـف
وسلامتكم