موقعه جـــوده وقصيده عبــــلان..@@

[العجمــــي]

السلام عليكم ورحمة الله

اعتقد مافي احد مايعرف موقعة جوده .
. ولا التاريخ راح ينساها لانها من المعارك اللي غيرت مجرى التاريخ
وهي تعتبر بداية النهايه للدوله السعوديه الثانيه
اللي كانت ماهمها الا العجمان ومحاربتهم . وبدايتها عقب ما حاصروا العجمان الحسا وقام عبدالله بن فيصل باعلان النفير
العام في نجد كلها وارسل جيش جرار من بدوان نجد وحضرها بقيادة اخيه محمد بن فيصل لمحاربة العجمان وآل مره ومعهم اخيه سعود بن فيصل
اللي كان مع العجمان . ويوم دروا العجمان زحفوا صوب عين جوده
لانها طريق جيش عبدالله ولانها ارض السعد.في سنه 1287هـ 1870م.
ودارت معركة قويه واستبسل العجمان و وحصدوا جيش عبدالله بن فيصل
وذبحوا منهم تسعميه ومن مشاهيريهم مجاهد بن محمد امير الزلفي وابراهيم بن سويد
امير جلاجل وعبدالله بن علي آل عبدالرحمن امير ضرما واسر محمد بن فيصل قايد الجيش وارسلوا لسجن القطيف
.. وبعد ما دروا هل الحسا والحساويه فتحوا الحسا كلها للعجمان واستسلموا بدون مقاومه .
. وعقبها قام عبدالله بن فيصل بعد ما درى بجمع امواله وثروته وهله وترك الرياض وراح صوب ابن رشيد في حايل
..وارسل عبدالعزيز ابابطين الى والي بغداد يطلب منه العون والنصره ..

وفي هذي الموقعه قال شاعــر العجمان . عبلان بن سعد المصراني

يالله يا مدرج الافلاك في ساعه ... رب كريم جزيل المد نثني له
يوم على جال جوده ترهق افناعه ... يوم عبوس غشى الصفرا مخاييله
جمع العوارض نطحنا كن نهزاعه ... سيل تحدر على جاري مساييله
بارودهم في الخضيرا كن تنيزاعه ... برقه يرفرف حقوق وان درج سيله
دفنا لهم من كثير الموت واقناعه ... ماغير قو العزيمه والظفر حيله
تسع ميه عسوجي طايل باعه ... كن الخشيع الخشب جثا رجاجيله
وسيوفنا في جماه الروس قضاعه ... كم جوهر دمر وجها لنا خيله
وقديمي في الشواكل عاش صناعه ... ماعاد تجلى الحلا منه صقاقيله
ابو هلا شوق من خوتم صباعه ... يزرع ضمير الحشا لجة خلاخيله
ياشبه عنز المها ماهيب دناعه ... تزهى من المشخص الغالي مثاقيله
ارخى الشنق واهمل اليسرى بمصراعه ... لين استداب المطوع وادبرت خيله
خلي المبيرق يدق الحزم بكراعه ... والراس فاخت حساب يديه ورجيله
وطالبك صفرا من الزلبات تواعه ... كن زيلها العسو لاهزت شماشيله
تلحق بعود قديم بانت اوقاعه ... لا من خطو الردى ماوطن الزيله



تقبلو تحيااتي اخووكم العجمـــــي:))

[سحايب العازمي]

مشكور اخوي العجمي على هذا الموضوع وبارك الله فيك

[راكان المحفوظي]

لاهنت يالعجمي على ذكر معركة جوده الشهيره والتي انتصر فيها العجمان انتصار عظيم تقبل تحياتي

[العرقاء وبس]

بسم الله الرحمن الرحيم
السلام عليكم ورحمة الله وبركاته تصحيح بسيط ان العجمان والمرة كانو بقيادة سعود بن فيصل في الحرب المعروف بين الاخوين سعود وعبدالله والتي تم الانتصار فيها للأمام سعود بن فيصل والتي كانت بعد حرب الوجاج في سنة 1287ونسيت ان تذكر الشيخ والقائد والامير احمد بن خليفة الغتم الذي ساهم وبشكل كبير بجيشه وامداده لهذه المعركة
اخي شكرا على طرحك ولكن لابد من نقل الصورة كاملة وواضح لبيان الحقيقة