استفسار عن اسرة يحي العساف

[القرطبي]

انا من اسرة يحي العساف واجدادنا كانو يسكنون في مدينة نخيب بالعراق وقد عدنا قبل سنين طويله الى المملكة وبعضنا ساكن بالرياض وبعضنا بعرعر ولا نعرف وش قبيلتنا لكن حنا اصيلين ولا نتزوج ولا نزوج الا قبيليه فاللي عنده معلومات لايبخل عليناوجزاه الله خير

[القصيمي]

ابشر اخي القرطبي , انا بحثت عنكم ولقيت ان عايلتكم ينادونها يحي العساف او بعض المرات حيا العساف ومثل ماقلت بعضكم ساكن بالرياض وبعضكم بعرعر وفيه واحد منكم اسمه محمد لواء مدير شرطة الشرقيه وانتم قبيلتكم الدليم وهي من اكبر القبايل من العراق وجيتم للملكه قبل سبعين سنه . وانتم ماتربطكم علاقه او نسب مع العساف اللي بالقصيم لكن تشابه اسماء وارجو اني اعطيتك المعلومات التي تبيها

[آل دغيثر]

أقول أخوي القصيمي أنا أعرف يحيى العساف اللي عندنا بعرعر هم يقولون أنهم من قبيلة عنزه وياليت أخوي القرطبي يضيف ايميلي عنده ودي أكلمه بموضوع
mm.6.mm@hotmail.com

[القرطبي]

شكرا اخي القصيمي على انك وضحت لي قبيلتنا ونسبنا جزاك الله خير

[ابن عويمر]

يحيا العساف اللي ساكنين بعرعر والرياض من الدليم وجو من العراق مثل ماقال اخوي القصيمي قبل يمكن ستين اوسبعين سنه وكان واحد منهم ضابط مدير المخدرات بالرياض اسمه عثمان

[الواقدي]

صحيح كل الذي ذكروه الاخوان انهم دليم ويوجد واحد اعرفه اسمه ابراهيم من عيال يحيا العساف وهو ضابط بالحرس الوطني

[القصيمي]

اخ الواقدي الضابط ابراهيم ماهو ولد حيا العساف بل يصير جده لان ابو ابراهيم اسمه عبدالله حيا العساف

[ابن قزلان]

الحقيقه انا بحثت بكل عوايل القصيم عن العساف وطلعت بنتيجه وحده مثل ماقال اخوي القصيمي ان عائلة يحي العساف اللي بعرعر اصلهم من نخيب بالعراق ولا لهم اي علاقه او قرابه بعوائل العساف سواء اللي بالرس او بعيون الجوا او بقية مدن القصيم . وجدهم كان يسمى ألملا يوم كان بنخيب وهو لقب يطلق على اللي يعلم الناس القراءه والكتابه وهم يعودون لقبيلة الدليم بالعراق واول ما جاء جدهم من العراق استقر بعرعر وجدهم توفى من سنين طويله الله يرحمه

[نوح العجمي]

ونعم والله بالعساف وبالذات ابو خالد سعادة اللواء محمد بن يحيى العساف
مدير شرطة المنطقة الشرقية فالشهادة لله انه من خيرة ظباط الامن العام
ومن خيرة الظباط الذي تم اختيارهم لادارة شرطة الشرقية فهوا الاب والاخ
لجميع ظباطه وافراده ومهما تحدثنا عنه لا نوفيه حقه نعم الرجل ونعم الاسرة
اسرة العساف

[منديل السرحاني]

انا بحكم اني من اهل بسكاكا اعرف ان يحي العساف اول ماجا من قرية نخيب بالعراق سكن بعرعر وهم من قبيلة الدليم مثل ماقالوه اللي قبلي وهم اسره طيبه ومحبوبه

[الزين نجدي]

السلام عليكم

ارجو التكرم والرد على استفساري بخصوص عائلة اليحي العساف اهل عرعر
حيث يربطنا بهم نسب وقرابه ..
في احد الاخوان قال انهم من قبيلة الدليم العراقيه بس اللي نعرفه انهم عنوز وحبلان وبعض منهم يقول انهم دهامشه؟؟؟؟
ومن سكان القصيم في عيون الجوا
ماعدا الجد يحي جد العساف كلهم هو الوحيد اللي سكن عرعر ومازال اولاده يسكنون فيها والبعض منهم انتقل الى الشرقيه؟؟؟

مع الشكر الجزيل

[عطني المحبه]

اخونا الزين نجدي .

الاعضاء بينوا نسب اليحيا ومنهم من اهل القصيم والرياض وكلهم قالوا انهم يرجعون لقبيلة دليم القبيله الاصيله . منين جبت قبيلة عنزه الله يهديك . وحيا العساف ماله اي علاقه بالعساف بالقصيم سواء اللي بعيون الجوا او اللي بالرس . وودي اقول لك شيء تراهم رجال طيبين والف نعم فيهم وهم قبيليه واصيلين ومزوجين ومتزوجين من كل العوايل . اقرا ردود الاعضاء .

[آل دغيثر]

ونعم بأسرة يحيى العساف من الأسر المحبوبه لدينا بعرعر 0

لكن صحيح أخوي هم نفسهم بعرعر يقولون أننا من قبيلة عنزه0
وبعدين أنا سمعت من أحد شيبان القصيم أن يحيى كان بعيون الجوا وبعدها انتقل للعراق مع ابن هذال ومن ثم انتقل الى عرعر 0

هذا والله أعلم

[القصيمي]

يال دغيثر وش ذا الكلام اللي تقوله , اذا كنت تقصد بابن هذال محروت بن هذال او عياله ذولا ماطبوا المملكه ابد هذولا بالعراق من اكثر من ثلا تمائة سنه وشلون يصير حيا العساف راح مع ابن هذال يعني حيا عمره اكثر من ثلاثمية سنه وش ذاالكلام . شوي الله يخليك ياال دغيثر ركز معانا . حيا العساف من اهل نخيب ولا لهم علاقه بعساف القصيم او عيون الجوا وكان يعرف بالملا في نخيب يعني يشابه مدرس او معلم بالوقت الحاصر . واما قولة انهم يقولون ويدعون انهم من عنزه هذي ماتترقع وياكثر اللي غيروا قبايلهم بذا الزمن من شان تتطابق مع مصالحم ومن شان مااحد يجيب طاريهم وصدقني يااخي انهم من قبيلة دليم . وهم ناس طيبين وخلوقين ولا احد ينكر هذا الا انسان ظالم لنفسه

[ابن قزلان]

وش جاك ياالدغيثر ماغير تردد الكلام حيا العساف من عنزه ..... حيا العساف من عنزه ... يااخي انا من القصيم وسالت من البدايه عنهم وقالوا انهم من نخيب بالعراق ومن الدليم . وهم اخذوا اسم العساف لتشابه اسماء العوايل مع بعض اسماء العوايل عندنا بالقصيم وقالوا حنا اساسنا من عيون الجوا . ارجو انك فهمت

[عرفا الوائليه]

السلام عليكم ورحمة الله وبركاته

أولا **أرحب بجميع الاعضاء



ثانيا ** العساف من عنزه العريقه وتتشرف القبيله بهم ويشرفون القبيله وهم مع الحبلان من عنزه (وبالاخص مع الهذال شيوخ عنزه )وهم بالاصل يرجعون للسراحين
من المواهيب من السبعة من عنزه. وهذا ما سمعته من كبار السن

أخيرا ** أقسم بالله العظيم أنه لا تربطني بهم صله حتى لا يساء الظن بي

والسلام