الشاعر الكبير عايد رغيان الشراري

[عطني امل]

دارنا ملك الجدود الاوليني

لوقريت من الكتاب بساس دينـي
كان عفت من الحيـاة الانتظـارا
شيب عيني من زمانـا مقتفينـي
لو تعجرف يودع لحالـي مـرارا
موعدي مع الملك كشوف عينـي
لحظة من يـوم مامنهـا فـرارا
مابغيتـه ميـر ساعـة يشتهينـي
مايـرده لاجــدار ولاسـتـارا
وراس مالي عقب موتي مايجينـي
ليت ماأعذب على شانـه بنـارا
ميزتـي مايمدحونـي وارثيـنـي
حيث مااعقب لهم كبـر الـزرارا
طالبا ربي على الحـق يهدينـي
يملك الغفـران وذنوبـي كبـارا
دام انا حيا وربـي هـو ظمينـي
وكاتبـا رزقـي بقـوة واقتـدارا
سجتي فيها شفى القلب الحزينـي
تبري الاوهام ساعـات اقصـارا
يارفيـقـا نمتنـيـه ويمتنيـنـي
مـن تمتـع بالمعـزة والوقـارا
حدد الموعـد ترانـا جاهزينـي
فوق من يقطع مواهيـف الزبـارا
موترا في سوقنـا نوعـه ثمينـي
والثمن ماهو على مثلـه خسـارا
من مصانع عبد بوذا اصفر جبيني
مرخصا نوع الشفر صنع النصارا
موتري لو لفـت السكـه يمينـي
اضرب القرشع ترى دربك يسارا
من شمال السيب مع خشم العريني
شرقي الثايـات قبلـي السمـارا
من شراوا وشرق بالممشى يزيني
غربي (ابا القور) بالأرض القفارا
ونقرة اللبة جنـوب الضيرتينـي
ومن شمال ارض القرية بالجوارا
للكتب لطريف للهبـر الحصينـي
ولملمت عرعرجنوب من المنـارا
للهزيـم وبيـن الازرق اريتينـي
وسهلة الصوان من شرقي مغـارا
من يمر الوقف شـاف العبرتينـي
الحصى وقاف و أحيوفـاً تـرارا
مرهـا وبـل الثريـا مرتـيـن
تذرف الخبرا وبالروض الخضارا
مزهرا نبت الكـدادة بالشطينـي
بيذراها نحتري شـوف الحبـارا
عينها تغـزل لخـرب بالكمينـي
لمحة نحو السما تخشى الحـرارا
الروامـا مرتعـات بالبطيـنـي
والخشوف البيض بالمولـد بـدارا
وان قضينـا ليلتيـن وليلتيـنـي
مر خوعا دربها من عنـد قـارا
ينفرز برمـال عالـج فرزتينـي
خل بالخل الجنوبي لـك مسـارا
مع نفودا في تلون وجـه صينـي
شرقي اعليم الظمأ ثـم استـدارا
تنحرف صوب الشمال وساعتيني
ثم تل اصماخ يبدي لـك اجهـارا
في طواريف الغضـا لاتستهينـي
خب حلمـه دس عليـه ولاتـدارا
ان قطعت العرق لقزوزه رطينـي
والمراوح ترتقص رقص السكارا
بالغـرازه يرفعنـه جوزتيـنـي
برشمت في هيكله باربـع تبـارا
ان لهزته ثالث التـرس المتينـي
كسفينة نوح في عرض البحـارا
كن دق البلـف بيـن الحالتينـي
منكمنجة مطربـة ليـل السهـارا
شرق تل مليح يـوم انـه يبينـي
والنفود ايسار مـع راس القـرارا
سمح دربه مع شهاب ام الشنينـي
والعوادم فرعهـا يقـدح شـرارا
مر بالخنفه واهلهـا حاضرينـي
دلهوا شقـح العشايـر والبكـارا
اللبـن تلقـاه عنـد الطيبيـنـي
من عطوف تنحرف يم الحـوارا
عـادة يشهـد بهـا الشاهدينـي
ويشهد التاريخ واعطاهم اشعـارا
ومر به هـداج تيمـا والقطينـي
وشرق حسما باليميـن الانحـدارا
بالطبيق المعترض وقف هجينـي
ابيض التربة على حمرا الحجـارا
في شخانب غانمه وسم الغصينـي
صكها في ملتقى سـرد المهـارا
في قراها اخـوان شـرا نازليـن
مابـدوا لوجيتهـم بالاعـتـذارا
باللبن والهيل والكبـش السمينـي
يكرمون اضيوفهـم لوهـم فقـارا
والكرم طبع الرجال المستحينـي
والصخا عند العرب والبخل عارا
بعدها نبغـى طبرجـل عايدينـي
حروة السبعين من غربي شغـارا
موتري عجـل ترانـا واردينـي
كت ريع الخيل في تالي النهـارا
قمة الغينـة شمالـك فرسخينـي
وتل اخويمه كنها بـرج المطـارا
ضاربا سكة طريـق المرشدينـي
وان تجاوز صار خطه مستعـارا
بيوادي سرحان يسكن به خدينـي
درانا يـوم ان كـلا لـه اديـارا
صك ماضينـا عليهـا ساكنينـي
ويشهد الحاضر على طلع البـذارا
مارحلنا يـوم شـال الراحلينـي
يوم يجدب قاعهـا كنـه عمـارا
خيلنا تنطح انحـور الطامعينـي
وبالنهايـة توجـت بالانتصـارا
الله المعطي وخـاب الحاسدينـي
ولاوضـع ذريـة ادم مستشـارا
بالجهالة ويـن كـان المدعينـي
سربة الاحلام في ذكرى الاثـارا
يدعون ان ملكهم بقصيـر طينـي
اسسوه التـرك وحطوبـه خفـارا
يوم شافوا راس مال المشترينـي
انطلق ساق القعود مـن الهجـارا
ياجماعة كيـف ورث الوارثينـي
افهموا جملة كلامـي باختصـارا
كان عنتر في طلب عبله غشينـي
هل في ذيـك السنيـن الاعتبـارا
لو هي بالماضي وخبر الخابريني
اليهود الهم على خيبـر اجـدارا
ارضنا بكر قبـل عـدة اسنينـي
يوم حنا وحدنـا قبـل الحضـارا
كنه الوشمه على عفـرا الجبينـي
غربلة في رملها عيـال السـدارا
دارنـا ملـك الجـدود الاولينـي
كل طيه فوقهـا رسمـة شـرارا
لابـة ماهـي الجـداد المبتدينـي
ساس جرهم من ضنا يعرب خيارا
بالكرم هـو والمراجـل نافلينـي
وبالعدد كثـر الدبـا بالانتشـارا
لوحة التفصيل للرجـل الفطينـي
ملك ابوه وعرفها فهـم وشكـارا
في كروكي واضـح للدارسينـي
لو رسب به صاحب العقل الثبارا
يذكر الحكمـة كتـاب الفاهمينـي
خلفوه من الكبار الـى الصغـارا
الكلام اللـي ذكـر حقـا يقينـي
حيث مانرجي من المقفي قـرارا
يعرفه من كان سيـد العارفينـي
يوم جدي حي مـن جـده تثـارا
الله اعلم فـي نوايـا الصالحينـي
وين نلقى لصاحب الذمـة مـدارا
تذهـب الايـام والقاسـي يلينـي
والذيابـه بينـت لوهـي تـوارا
قلت قـولا صامـلا والله عوينـي
يوم شفت غليص في طبعه غيارا
صيغته من شذرة السيف الردينـي
للأسـد والحـر تكفيـه الاشـارا
التحـيـة زفـهـا للسامعيـنـي
والسلام ختام مضمـون العبـارا
الشاعر عايد بن رغيان الورده الشراري

[شمالات]

صح لسان الشاعر .

قصيدة كبيرة في مضامينها ، وكبيرٌ من هو يفهم مفرداتها ويستوعب تلك المضامين .

قصيدة تحكي تاريخاً ، تتحدث عن الماضي ، وتفند بعض الترّهات التي تتعلق بقشة ،

والحاضر جميلٌ ؟ .ولما لا ؟ ، وهو نتاج غرس الماضي الذي قدم من خلاله الكثير

لهذا الحاضر الجميل .

في ذلك الزمان لم يترك أحداً رحمة ، فالقوي يتسلط على الضعيف ، وذلك التسلط

جعل الضعيف ضعيفاً ، ولا زال . ومن احتمى حماه ولم يهن ولم يضعف بقي شامخاً

وبقى كمهابته كحدوده الواسعة الشاسعة .

قصيدة جابت حدوداً يفخر بها ويستاهلها أهلها .

شكراً للشاعر ، فقد اعطى ، والواقع في الماضي كان أم في الحاضراجمل ولا يمكن

للشعر استيفاءه .

شكراً أخي عطني امل .

[عطني امل]

أخي شمالات

صح بدنك

مرورك اسعدني

لك فائق الاحترام والتقدير

[طبرجل]

صح لسان الشاعر الكبير عايد بن رغيان والله يعطيك العافيه اخوي عطني امل على النقل والشاعر عايد رغيان هو مرجع لكبار المؤرخين من خارج قبيلته لما يتسم به من الصدق وعدم المجامله وفق الله الجميع

[عطني امل]

مرورك اسعدني اخوي طبرجل

تحياتي لك

[حموووود]

القصيدة ممتازة جدا جدا
ياليت تعطيني امل بقصائر اخرى لنفس الشاعر الكبير عايد الشراري
اشكرك على القصيدة الاكثر من رائعة
تقبل تحياتي اخوك حمود الجوابره

[محمد الشراري]

صح لسان الشاعر الكبير عايد بن رغيان والله يعطيك العافيه اخوي عطني امل على النقل وفق الله الجميع

[خالد الورده]

صح لسان ابن ورده

ويعطيك العافيه اخوي عطني امل

[ذهــــــــب]

شكرااااااااااااااااا على القصيده
الحويان

[حميدان]

صح لسان الشاعر

[الصـAـارم]

صح لسان إبن ورده ويطول بعمرة ويحفظة

ألف شكر لك اخوي عطني أمل على هذه الرائعة

[ابو راشد]

صح لسان الشاعر وشكرا على النقل

[عزمي]

والله ونعم ويعطيك العافيه

[امير الذوق]

ليس غريب على ابوسعد هذه الجزاله وهذه الحكمه وهذا التنسيق

وهذا التنقل السلس بين البيت والاخر

وصف رائع فهل هناك من يفهم؟

شكراً لك عطني امل

[عطني امل]

اخواني حمود ومحمد الشراري وخالد الورده وذهب والصارم وحميدان وابو راشد وعزمي وامير الذووق

اسعدني مروركم

تحيااتي