اسئل عوارف العجمان

[ولد السناعيس]

اسئل عن القصيدة التي يقول فيها راكان

سلام اخو نورة واجب علينا

[خيال الغلباء]

بسم الله الرحمن الرحيم

القصيدة
يافاطري ذبي خرايم طمية وتنحري برزان زين المباني
ومنها
اشره على الطيب ويشره علي وراه ياخذ عشقتي ماتناني
ومنها سلام اخو نورة لزوم عليه0000000000000
واعتذر لاني لست من عوارف العجمان والسلام

[ولد السناعيس]

فيك الخير ياراع الغلباء

[نوح العجمي]

مشكور ياخيال وهذي القصيدة قالها الشيخ راكان رحمة الله عليه بعد مارجع من الاسر ووجد حرمته ماخذها الدويش

[سالم العظيمان]

هلا والله فيك يا ولد السناعيس


هذه القصيده قالها الشيخ راكان بن حثلين بعد عودته من المنفى


وكان قادما من المدينه المنوره متجها لقبيلته ومر الامير محمد بن عبدالله الرشيد في حائل على طريقه

وذكره من ضمن هذه القصيده

والقصيده فيها ذكر احداث حدثت بعد زيارته لابن رشيد


القصيده يقول راكان :


يالله يامخـرج مـن المكرهـيـه
مدك ومعروفك وفضلـك كفانـي
ياعالم اسـرار(ن) علينـا خفيـه
ياواحد(ن) ماله شرك(ن) وثانـي
يافطـري خمـي جوانـب طميـه
يوم اشرهبت مثل خشم الحصانـي
خبي خبيب الذيب مـع جرهديـه
وان طالع الزيـلان واليـل دانـي
خلـي طميـه والديـار العـذيـه
وتنحري بـرزان زيـن المبانـي
تنحـري لطـام خشـم السريـه
فرز الوغا لاجا نهـار الوحانـي
محمـد لزمـن علينـا مجـيـه
قبل الحبيب وقبل قاصي(ن) وداني
واليا قضيـت الازم الـي عليـه
الازم الـي ماقضـاه الهـدانـي
تذكـر المشحـون ديـران حيـه
مسوا احبال اكوارهـن بالمثانـي
الجدي حطه فـوق ورك المطيـه
وبنحورها يضهر سيـل اليمانـي
نمشي براي الله علـى كـل نيـه
وبالقدر ناصل عقب عشر وثماني
نبغي ندور طفلـت(ن) عسوجيـه
ريحة نسمهـا كالزبـاد العمانـي
لي صاحب(ن) مانيتي عنـه نيـه
واثره قظاله حاجـت(ن) ماتنانـي
ليته صبر عاميـن والا ضحيـه..
والا تنبا غربتـي ويـش جانـي
اشره على الطيب ويشـره عليـه
الـي خـذا عشقتـي مـا تنانـي
خري وانا راكـان زبـن الونيـه
مايشرب العقبـات كـود الهدانـي
تباشروبي عقـم ثامـن ضحيـه
وانا علي ابـرك ليالـي زمانـي
قالو لفـا راكـان زبـن الونيـه
من غربته يصهل صهيل الحصاني
واشفق على شوف الربوع الدنيه
سم الحريب وهيف حيل(ن)سماني
ربعي هل الناموس واهل الحميـه
هل سربة(ن)تروي حدود السناني
في وردهم كم طفحوا من سريـه
وساع الطعون مقدميين اليمانـي
حريبنـا لهـدا علينـا هديـه...
راعي الجماله ينجـزا بالحسانـي
يرده جموع ترد حـوض المنيـه
بيارق(ن)تاطـا الغبـا والبيانـي
لابد مايفجـع صبـاح(ن) بهيـه
ويصوي كما يصوي مجدع لذانـي
شتات شمل الضد حتم(ن) عليـه
فرض(ن) علي مثل صوم رمضاني
في ساعة(ن) كلن يهمـل خويـه
لاشاف ضرب مصقلات السنانـي
من القطيف اليا النفـود محميـه
محد(ن) نزلها الا خوي(ن) وعاني
وقول(ن)بليا فعل عيـب وخطيـه.
وقولي علىصدق(ن) وفعلي بياني