معلقه العريني

[تمران]

(((بسم الله الرحمن الرحيم)))

هذه القصيدة قلتها في قبيلة العرينات من بني عمر من سبيع وان الذي دفعني لقول هذه القصيدة سبب يتظح من خلال هذه القصيدة وارجو المعذرة فالقصيدة قلتها ليس تعصب لقبيلة العرينات عن باقي قبائل سبيع واقسم بالله اني افخر بسبيع جميع وليس عندي تحيز لفخذ عن الاخر انما لاسباب دفعتني لذلك.اما مايخص العرينات لهم افعال اكثر من ذلك بكثير بالاضافه الى مشاركة العرينات بجانب بقية قبائل سبيع في الكثير من المعارك الم تكن جميعها لكن هذا مااستطعت ان اخرج به من خلال هذه القصيدة ولعلي اظيف عليها مستقبلاً شي اخر.وتقبلو فائق تحياتي((تنبيه)) القصيده الان تبلغ مايقارب 160 بيت لكن هذا ماقمت بنشره في المره الاولى وانا كما قلت اذا وجدت شي اضيفه على القصيده سوف اذكره في وقته

يقول ألي تهيض وان تهيض يبـدع الطـاروق
يجيب القاف عقب القـاف يعجـب كـل لعابـه
مثـل نـوٍ تزبـر دن رعـادة وفيـه أبـروق
يجيب السيل وسط الليـل ونجـد سيـل شعابـه
وينبت عقب و دانه جميع النبـت والـرقروق
تقـل مقلـع ازبيديـه بخـده ضـرب مشهابـه
اناالشاعر واناالراوي وأنا اللي يحسن المنطـوق
أنا ألـي ماشكـاه ابـداً بعيـد القـوم وأقربـه
أدل الزين ما دليـت والكـاذب عليـه احقـوق
اعرف النير من سنجار واعرف اطويق وهضابه
واناالي بضعته تسوى ذهب لاطب وسط السـوق
إلى طبت ابوسـط السـوق تقهـر كـل جلابـة
وانا لوضاع لي وحدة خذيـت الطابقـه مطبـوق
واعرف الطيب حيث الطيب والناموس عشنا بـه
وانا ولد الذي ما حاش مالـه داخـل الصنـدوق
ولاخبـره عـن الضيفـان يومـا قافـلٍ بابـه
عريب الجد ماقـد لـد عينـه للـردى والحـوق
على راس الشـرف والطيـب عـداه وتعلابـه
ولاياتل قلبـي تـل محـالٍ علـى زرنـوق
إلــى درج رحــاه ورده فالـجـم جـذابـة
غراب البين له فوق الديـار الغاليـات انعـوق
على اثـربقـت هليـت دمـع العيـن سكابـه
ألا يا جفن يالي صار من دمـع جـرا مغـروق
دخل في غبتً واغـد مكانـه ويـن يـرسابـه
أشوف الماضي اللي من على عيد النخل مشنـوق
ولا كنـه نـزل ذاك المكـان ويـوم دجنـابـه
وأنا لمن سمعت افعول ربعـي يالرجـال أتـوق
أفاخـر وافتخـر فـي فعـل ربعـي واتغنابـه
وأنا بفخر وأنا ربعي حمات الغرس وأهل النوق
مليعـة العـدا يشهـد هـل التاريـخ وكتـابـه
ولا صالت وجالت وابتدأ شره ونشف أريـوق
على الجمات نوردهـا ابرمـح كـم وردنابـه
ولان ذكر توخرنا عن الفزعة ولـو بـه عـوق
ولاياكـم يومـاً يرعـب الساطـي وقفنـابـه
سعدعين الثكالا الي مـن الغبنـه تهـل المـوق
الى خافت بنا تامـن ونصبـح حسبـة اقرابـه
عرينات سنام المجد شامـوا فـي سنامـه فـوق
تساووا فوق مشراف الفخـر فـي راس مرقابـة
ولا نرضا الطمينه والوسط منزالنـا الشاهـوق
سبـاع نزبن الخايـف وللباغـيـن غـلابـه
وحنـا مزبـن الزابـن وحنـا علـة المطفـوق
وحنـا لاعطينـا عهـد مارحـنـا وبقنـابـه
ولا بان المزين وانجلا الغطوه عـن ام الطـوق
الا ياردي حـظ الـي نطحنـا عنـد مطلابـه
ولاراح النهـار ولابقـاء ياغيـر حـد شفـوق
شعمنـا النـار للخطـار ونجـرن دن جلابـه
يبين الها بوسط الليل الى نـام الهـدان شعـوق
ويجذب نورهـا رجـلٍ بعيـد اديـار واندابـه
ويبشرعندها سمـن وسميـن بمجلـس مدلـوق
الى الطـرق وللمحتـاج زيـن القـول تلقابـه
ولانوذي قصير البيت ولانرضا عليـه البـوق
ولانشرعليـه ابعيـب لاوسـطـا وسبـابـه
ومن ربعي هل التوحيد ربع هرجهـا مصـدوق
على نهج النبي الي بعـث بالخيـرواصحابـه
شيوخ العلم واهل السلم واهل المذهـب الماثـوق
شيوخ احبار تخشى النـار اهـل ديـن تقوابـه
ترا ستة عشر قاضي بوقت الجهل وقت العـوق
هذاك احمدولـد يحيـى ونجـد تعـرف اكتابـه
ومنا صاحب التحفه غزيـر العلـم والمنطـوق
اسماعيل ابن جبر الـي قـرا التنزيـل وافتابـه
ومنا ولد شمس والسويلم مـع علـي الحـاذوق
وصالح راعـي الزلقـي فقيـه مثبـت الجابـه
وغيره باقي عشـرة شيوخـن هرجهـا ملبـوق
ومـن يبغـا دلايلنـا كتـاب الديـن جدنـابـه
وحدر سيلها وادرج وسـال الـوادي الممشـوق
وكلً مـن معيـن الخيـر بـه دارس وكتابـه
ويوم الدين حورب في بلد الغرب وارض شروق
خرج منا ليـوث الحـرب كـم ليـثً فخرنابـه
وباع العمرلاجل الدين مع نـاس بعـاداعمـوق
جزم شال العلم بيـرق سنـام الديـن واومابـه
فتى الاسلام ولاقـدام مرعـب رايـة الزنـدوق
الا يالله يارحـمـن تـرحـم والــد جـابـه
عن الامة رفع سيف الجهـاد ولالحقـه اعقـوق
وحط السيف في يمنـاه كبـر وكسـراجرابـه
سعئ للموت في وسط الوغاء للحورحب وشـوق
ذاخطـاب المجاهـد قادهـا مـدفـع ودبـابـه
عذاب الروس عندالدوس وقلب الطاغيه محروق
ضربهم فـي معاقلهـم وهـزالكفـرواطنابـه
وحنا اهل العددواهل المددلاحتاجنـا المزنـوق
هـل النخـوه هـل النجـده وللعـدون حرابـه
دحمنا الصلب والصمان غصب ابسيفنا الفالـوق
نزلناهـا ولـو تزعـل حرارالقـوم وغـرابـه
ولاومر السحاب الي من المنشاء ثقيل اصـدوق
نسوق الظعن لين الطرش فـي ماطـاه يرعابـه
وانا ياشوق قلبي ديـرةً شـرقٍ عـن ام شقـوق
عسى سيل الوسم لاطاح يسقي الخشـم وترابـه
ويسقي دارها والحزم ويسقي في ذراها اعـروق
ولاربـع محاريهـا يطيـب الكيـف واهنابـه
تخالط بالشمطري والنفل والـروض والذعلـوق
وريح العشـب والنـوار ينعـش مـن تنشابـه
انا عقلي بها يرتاح من عقـب الهمـوم يـروق
يسـرك جوهـا يرتـاح مهـمـوم تمشـابـه
وحنا من كسر جيـش العناقـر والبـدو بتفـوق
وسيف ًلاولاراعي الطماعـه يقطـع اصلابـه
يقول امطوعه شـدوا ترانـي ناصـح ماثـوق
حميـه منـه يـوم العهـد ماخانـه ووفـابـه
تراكم بالعـدد قلـه وجيـش المعتديـن يفـوق
وانا شوري لكـم تـرك البـلاد وزبنـة اللابـه
وعينـا وقلنـا لا وبيـت الـذل فيـه اخـروق
في يومً شر طيرالسـو رفرف بـه وغنابـه
عقرنا السابق الي وصفها بيضاء كمـا الغرنـوق
تحت شيخ عريـب اجـدود لاسبـه ولاهزابـه
وردينا العدا عقب الطمـع والخايـب المملـوق
يجر الذل عقـب العـز فعلـن ربعـي اسبابـه
ومنا اللي بنا قصره على منزال خمس اطـروق
هذاك ابن سرور الي شهر والطيـب يحضابـه
يذكر قصرناً العامر برغبه فـي زمـان العـوق
بوقت القل وقـت العـوز و الصكـات يلفابـه
ويوم ان الظفيري والوشم واسديـر دون حقـوق
تعاهدنا على الموت الحمر مـن يـوم هشنابـه
وسلطان السويط الي يذكـر فلوطـا مصعـوق
عذاراهـم ينوحنـه ويبكـن عقـب ماصـابـه
ويوم امطيرشبع الطير من جثي الجثث برقـوق
نضد اللي طمع فـي دارنـا ونغلـض احسابـه
ويوم ان الدويش انحا الفروي رمحـه الـزاروق
طنا جدي حقن دمه برمـح ماضـي اذبابـة
حلف يحمي دخيل البيت وانـه يقطـع المعلـوق
رجع يـروي علـى ربعـه برجـل ماتهقوابـه
ويوم جاء على جدي في ما بين الصفـروعـروق
على سبعـة عشـر رجـال فـك الذودوقفابـه
ذبـح عقيدهـم ساكـت ولارده كـلام الشـوق
حلـف لوكـان عصفـور بـداره ماتعشـابـه
وعلى دار القصيمي يوم سون والعمـرمطبـوق
تجلا فعل ناصر مثـل سبـع المـوت مخلابـه
ظنا جدي حما البيرق وفي كفـه غـدا منتـوق
نطل تحته عشر روسً بيـوم المـوت يفجابـه
وجدي راعي الطاعه وله بالطايـلات اطـروق
غزا خمس المغازي يوم عشب الغـارماجابـه
على حرب اليمن وام رضمه وسقوط حايل فوق
ويوم الخبت عقبـه والرغامـه يـوم مرقابـه
ويوم ابن معمر جاء يجرالحرب وقت اشـروق
على الـدرب الوعـر سقنـاه والتلعـه تسمابـه
وعلى روس المهارى دوستن دلي الدمي مدفـوق
ولولا الحكـم كـان الخصـم فرقـه يضحابـه
ترامنا الشجاع الـي تـرك دم العـدا مريـوق
نجارينن تـدور عنـد ربعـي كسـب وانهابـه
ذبح سبـع وثلاثيـن وخشـم المعتـدي مدقـوق
رماهم حظهم فـي كـف ليـث الـدار والغابـه
على العطار يومً ثار ريح الشـر بـه منشـوق
ذبحنا به جلاجـل يـوم حبـل المـوت دلابـه
خذينا في فقـارة نجـد دارالحسـن دارالـذوق
ويبشر من طمع فيهـا بمـوسً يحلـق اشنابـه
حمينا غرسها النايف وعذقه مانقـص شبـروق
وللطرقـي وللمـرار والـواجـب رخصنـابـه
لنا في نجد خمس أميه وزود الف اواظنـه فـوق
ملكنـاه ولاحلنـا ويشـهـد نـجـد وتـرابـه
ملكنا سبع فالعارض وخمسً فالقصيـم اتشـوق
كمـا الجنـه بساتينـه زلال الجـم مشـرابـه
ومنا كل ليـث عابـسً شـرا علـى الممحـوق
الاشبت شبـوب الحـرب كثـر القـوم ماهابـه
فعل ثواب ابن خالد قديم العهـد هـرج اوثـوق
زمـان الحرملـيـه والعييـنـه شرواحـرابـه
بقا ذكـره كمـا العيلـم وفعلـه بـان للحـادوق
ومن ينكـر فعولـه مرجـع التاريـخ يقرابـه
ذكرت المصخ يوم الزخ يكم قومن طربها العوق
هجـدوادي حنيفـه باقـي الغلـبـاء تقـدابـه
الاياصفحة التاريخ عودي واخبـري الصعفـوق
سولـف مطلـق الاول ووقـتً قـل كتـابـه
ومنا مطلق الثانـي وفعلـه فالعـرب مفـروق
يشاهبـه لاذكـر حـرا تعـلا فـوق مرقابـه
وله يوم السبيه فعـل يبقـا ليـن نفـخ البـوق
الا كم جتثتن طاحـت ولـى ولضبعـه تعشابـه
وهومن حط في صف الجيوش الواقفات اشقـوق
وهو من حد بنـت الشيـخ تنشـدعنـه بعجابـه
وهو من ليع العادي كمـا حـرا كفـخ بسبـوق
جزم والموت جرا الصوت طنبـح فـي تلهابـه
ويوم العتش عشينا النسـورالفـارس المطلـوق
ابـن عـروج ساقتـه المنايـا والقـدرجابـه
على ذبحه مصيبـة لام زادت والبـلا مطبـوق
تـرا فنجالنـا مـرً يـذوق المـوت شـرابـه
ويوم الحرمليـه كـم قومـن حظهـا ممحـوق
تنطحنا وجيه الخيل الـى اذعـن كـل مزلابـه
ومن الشيخ اخووعله الى ردت لقطـب احلـوق
فعـل فعلـن يهذريبـه كبيـر القـوم لتـرابـه
تنشد عنه صبيان الدواسـر مـع مطيـر وروق
ونشـد سربـة العجمـان يـوم همـل اركابـه
على ابو نجوم يومً شوم قص العظم والطقطـوق
وابن وقيان نسل حصان ميـر الحـظ وش جابـه
ويوم سطره فدغوش شيـخ القـوم بـه معتـوق
لجل راسه تسما عبـد وانشـد سربـت اعتابـه
وفي يوم العريق الي يذكـر ماقـفً مصـدوق
يشيب فيـه ورعـن دالهـن ماخطـت اشنابـه
وفي السهباء الـى منـه تعـلا سابـق بالـوق
ظنا عرجـاء بلاويـه تشابـه خشـم الغرابـه
ومنا فهيد شوق الغيد وفعلـه واضـحً مطلـوق
تنشد يام واهل الغرب خنـدف وايـضً اشبابـه
ويوم ابن رشيد ارها بكسـب العـادي السبـوق
علـى التنهـات عيينـا بسيـفًً يقطـع اشبابـه
زكاة القوم حصلهـا وحنـا لـو يبـي دانـوق
يكود السيف عجل الطيف ورمحن بان مضرابـه
وصارت دوستً والمعتدي راحت عربه اشنـوق
عقب ذاك الطمع عـود يجـر الـذل واسلابـه
وردينا العدووالذل فـي وجـه العـدوملـزوق
عواصيـف الليالـي ماخفتـه لـو دار دولابـه
سندعبدالله الفيصل وعمراامعانـده مسحـوق
الى مـن قـام ماينـظـام رجــال تعـزوابـه
وبن ميزركسب سيف المطيري عقب ساقه سوق
نزع صارمه مـن يمنـاه في يوم سـوفزنابـه
عقب رده عليه امسـئ يحبـه حبـة المشفـوق
علـى رده حلـف راس الحمـر لازم يدربابـه
ولنا فلمستوي ميقاف يـوم ان الرجـال احنـوق
فعـولٍ تطلـق اللحيـه وتسكـت كـل كذابـه
وعلى الحيسيه ارغمنا الخصوم واحـدصعفـوق
كتايـب لام ماراحـت وجـاء لشـرشبـابـه
رواعيب المنايا ولدت الحسـره بـدون اطلـوق
تقاسمنـا المنايـا والعـدو ماعـنـه مجنـابـه
وغربي الغزيز النصرعند طويلـة السمحـوق
محاويس القبايل والرمـك بانـت علـى ترابـه
تراحتيش لو يجحـد وينكـر واحـد خرقـوق
ومن هرج النميمـه والحسـد بالنـاس يسعابـه
ويوم اوليد والبيضان مزينهـم علـى زبـروق
لحقهم فزعت البيضان مير البوش رحنـابـه
ويوم سدير يوم ان العنوز ارهو يبـون النـوق
تـرا مـن دور الطمعـه يعـود ماتهنـابـه
وعود صفهم عقب الطماعـه والزمـرممـزوق
ردعناهـم بسيفـا شامـخ الهامـة تفـرا بــه
وانا وان قلت ابونايف اوليد ابقافـي المطـروق
انا موفيـه كيـف اوفيـه بحبـرً خـط بكتابـه
الاياراعـي الفعـل المميـز مطلـق الموثـوق
عتقته عقب شاف الموت وامسى الهـم يرعابـه
وكم دقن تحت يمناك من جاهـك قـدا معتـوق
ترا اكثر من ميـة رجـال فكـه مزبـن اللابـه
وتراك انت الذي وفـا بعهـدن مادخلـه دنـوق
حفظت العهد ماصاحبـك يـوم الغيـرموفابـه
وفعلك ياكبير الجـاه طيبـك مايجـي ملحـوق
وتعجز عنه شيخان العرب حاضـره واعرابـه
وتراك انت الشجاع الي ليا جاءللعريني سوق
الا ياكـم شيخـن حـط وسـط اللحـدباسبابـه
وفعلك فاليمن مذكور يوم الجيـش راح شنـوق
ركبتا سابقك وارجعـت جيـش القـوم لعقابـه
واقول انت الذي لمن سعى في شي صاراوفـوق
ولاصكـت بنـا الايـام صـك شيـن لذنابـه
وذا ماجد وذاشنوف اهـل فعـل عليـه اتـوق
شيوخ العـز واهـل الطيـب للنامـوس كسابـه
ومنا كل شاعر يبـدع بحـوره بكـل طـروق
واقول محمـد وناصـر وابـن مجلـد وسكابـه
وحنا ذودنا بين العرب واهـل الفخـرمفـروق
حمينها ابوقت الخـوف حـد السيـف وحرابـه
وفي يوم المزاين ماخذيـن المركـزالمرمـوق
ثنين اللـون خذناهـا والاول عندنـا انصابـه
الاول فالشعل مثل الشفـق لـون يشوقـك شـوق
تحت شيخن من اهل الطيب ابـدمـاردطلابـه
صحن يوم الشحن مادور الثانـي مكانـه فـوق
خذ الاول عقب حـول بطـرش هايـل جابـه
والاول في مغاتير الـى جـت مشيهـا برفـوق
لبن فنيسان راعى الطيب في طـرش توصابـه
الا ياحلو نشره مثـل حبـات البـرد منسـوق
الى مرت هدا الجمهور غصبـن تاخـذ البابـه
وهذه عادة اربوعي ووجـه الحاسـده مصفـوق
شهادتنـا مركزهـا دليـل يقـطـع الجـابـه
وهذا بعض ماسجلـت فعلـن مثبتـه بصـدوق
ينومسنا ونفخربـه ونرقـاء المجـد وهضابـه
وانا ماهمنـي عشبـت مغـارة فوقـها زملـوق
اشوفـه تالـي الدنيـا يهـددنـي ابمشعـابـة
تهدد وانت من غلك وحقـدك يالـردي مشنـوق
ومثلـك لووصـل ملـك الحكومـه مادرينابـه
هفا جـدك ولازادك وفـي قلبـك بلاوحـروق
وهو يشرب هماج الماء يحسبـه حلـومشرابـه
وعرفك دائمً سفلـه وهرجـك يالهدانـي حـوق
ولو تنقـص امـن العربـان مثلـك مادرينابـه
والا يادمعي اللي فوق خـدي ياعـرب مدفـوق
ولا ياقطع قلبي قطع خوص(ن) تحـت مشذابـه
زمانن شيخ الهافي وعـزادريـس والزقـزوق
وخلا الحر عيشن ضر وشاخ امضيـع انسابـه
وانا ماقلت هذي مقصدي مـده وجـاه وسـوق
ولا قلته وان قصـدي رصيـدً يدخـل احسابـه
احمد الله ابخير ولا لحقني فـي زمانـي عـوق
غني النفس قبـل المـال والمقسـوم نرضابـه
عسا ماقلت يااهل الطيب ياجعله الولـي لوفـوق
ترا مانيب انـا معصـوم فالطـاروق والجابـه
وانـا بميـز المطلـق وانـا بميـزالماسـوق
وشيـن قـد درينـا بـه وشيـن مادرينـا بـه
ولا يامبيـن الصاحـي ولايامبيـن المبـهـوق
ترا طرق الـردا والخيـر ابـد مايـوم تتشابـه
وانا ماني رفيق الي ياشبـه شـارب التريـوق
الامنـه لقـا العـوج تشوفـه ترمـش اهدابـه
وانا مسلم واخـاف الله ولادوركـلام افسـوق
ولكـن مـن تعـرض لـي بشـرا باتغـدابـه
وانا قافي قدح زنـدي ولاشـاري ولامسـروق
ولا مني بغيـت ابـدع هجوسـي ينفتـح بابـه
وذا قولي وانا ابن سعود قولن مادخلـه اعقـوق
ابن عبـدالله الـي للشـرف والطيـب ماغابـه
ولد عبد العزيـز الـي تومـر يومهـا بحقـوق
على ربعه سعى بالطيـب واهـل القـل تندابـه
وانا جدي حمد ولـد بزيـع الـي بالفعـل يفـوق
ولد فايز مـن ال شريـان علـة كـل حرابـه
عريني سبيعيـن مـن الغلبـاء كـرام اعمـوق
هل الفعل الذي يطلق ويفخـر مـن تعزوابـه
ومرجعنا بروس اهلال حـق والنسـب موثـوق
علـى عامـر مناسبنـا رفيـع المجـد عدنابـه
وانا مانيب ناسي لابتي في طرقـي المطـروق
تراهم محزمي لاراس تاج وطـاس واعصابـه
ابفخر واتنومس في سبيـع ولا علـي امـروق
رجال المجد واهل الطيـب غبنـة كـل هزابـه
سبيع اهل الشجاعه والندى منـزال مجـدفـوق
هـل العيـات ماتطمـع بحـد لـو سكانـابـه
سبيع اهل الديار الي كما عشق علـى مشعـوق
تمكـن حبـه وسـط القلـوب وحسنهـا ذابـه
سبيع المجد يشهد نجد ويشهـد رملهـا وبـروق
ويشهد من قديم الوقـت راس الضلـع واطوابـه
سبيع اهل السخا واهل الوفا واهل والنقاءوالذوق
دخلنا المجـد والتاريـخ فعلـن باوسـع ابوابـه
ويوم ان القبايل نزحـوا بالماضيـه مـن فـوق
ديـرنـا ماتركنـاهـا بـريـف واجـدابــه
وجدنـا ماترديناخذيـنـا فالرفـيـع اطـبـوق
ولا نرتاع من جـون مخيـف تعـوي اذيابـه
ترا ولد العجوز الـي تصـر المـال بالطابـوق
يغيظه ماذكرتـه يـوم فعـل الطيـب محرابـه
عميل الذل واهـل الغـل ولا الحيـة ام شـدوق
تموت ابغبنها من جبنهـا مـن فقـده اعصابـه
ونا مازاد همي واحرق ابجوفـي وتـل عـروق
هوى خلن تركني عقب حـب(ن) وش يسوابـه
ملكني مثل ملك القاهرة عصـرا علـى فـاروق
وشيد في ضمير مثل قصر التـرك فـي طابـه
وانا لي عند مدعوج العيون الواسعـات احقـوق
يـرد الـي عطيتـه لايزيـد الجـرح بعطابـه
ولا مني بغيت ادله علـى حبـه يـردالشـوق
وكنـه قـدم عينـي واجتلـد مهمـوم بغيابـه
ولا ياربعي الفزعه ترا حضـي غـدا ممحـوق
وانا حاولت احيلـه ميـر راح العمـربنشابـه
واقول اعمرانا مرجاعها ياهل العقـول انفـوق
الا ياحـظ رجـالاً قضـا عمـره ابمحـرابـه
وصلوا عد ماهب الهواء وعداد شيـف ابـروق
على الهادي محمد خير كـل الخلـق واصحابـه

الشاعر عبد العزيز ال حمد العريني السبيعي

[ابو سبيع]

ابفخر واتنومس في سبيـع ولا علـي امـروق=رجال المجد واهل الطيـب غبنـة كـل هزابـه
سبيع اهل الشجاعه والندى منـزال مجـدفـوق =هـل العيـات ماتطمـع بحـد لـو سكانـابـه
سبيع اهل الديار الي كما عشق علـى مشعـوق =تمكـن حبـه وسـط القلـوب وحسنهـا ذابـه
سبيع المجد يشهد نجد ويشهـد رملهـا وبـروق=ويشهد من قديم الوقـت راس الضلـع واطوابـه
سبيع اهل السخا واهل الوفا واهل والنقاءوالذوق =دخلنا المجـد والتاريـخ فعلـن باوسـع ابوابـه
ويوم ان القبايل نزحـوا بالماضيـه مـن فـوق =ديـرنـا ماتركنـاهـا بـريـف واجـدابــه
وجدنـا ماترديناخذيـنـا فالرفـيـع اطـبـوق =ولا نرتاع من جـون مخيـف تعـوي اذيابـه

مشكور أخي تمران على ابراز هذه المعلقه
لشاعر متزن معروف في قصائده روعه وفي ابياته عذوبه
عبدالعزيز الحمد
شاعر من شعراء سبيع البارزين
تحياتي لك ومشكور ولك تقديري