الله يعينكم علي

[صدمات الجروح]

السلام عليكم ورحمة الله وبركاته

الصراحه انا ضيفة جديده ولا بعد من البلاغه بي عندي اسئله عن قبيلتنا سبيع

وعن فخذي بني ثور :sm113: خذو هالورده ولا تبخلون علي بأجوبتكم


عاد لاني جديده ماادري وين اجدع موضوعي فيه وبأي قسم بس

من الذهانه اللي بي قلت مهنا الا هالقسم عشان كل استفساراتي بوه :sm1: <<اعجبكم تراي سنعه ههههههه


الموهم مالكم بالطواله الصزز انا قريت الفروع اللي ترجع لبني ثور والصراحه

كفيتوا ووفيتوا بس اللي ابي اعرفوه وشي الفروع اللي طلعت من رماح

واستقرت بعنيزه

ولا علمتون اعلمكم وش انا ابي لاني ابي واحد طويل بال ورايق يتحملن ويتحمل كثر

اسئلتي :tongue:


ولا يهنون الباقين بهم الخير والبركه

[ابو سبيع]

هلا بك ياصدمات الجروح
تحياتي لك ومرحبا بك في منتدى ربعك
اهلا بك ونتمنى مشاركاتك
وقبيلة بني ثور قبيله كبيره
تسكن الخرمه
ولها 24 فخذ تقريبا
وهم هل الوادي العوج ( وادي الخرمه)
وقد نزح منهم عدة اسر ولا تزال لهم اصول
وبينهم علاقه معروفه مثل ال سليم من العتايقه بني ثور
وهم امراء عنيزه
واي سؤال ابشري بالاجابه


ومعنا اخينا خيال الغلباء
لديه معلومات عن بني ثور
ابشري بالسعد

[صدمات الجروح]

مشكور على مرورك وما قصرت ولا يهونون الباقين
بس اللي بقوله والمشكله عندي ان جدي صالح بن سبيع
توفى ولا لي علم من اي فرع من فروع بني ثور
واذا ما عليك كلافه اذا وصلنا لجدي راح نعرف من اي فرع حنا
بخصوص جدي صالح بن سبيع من ضمن الاربعين اللي دخلو مع الملك عبد العزيز
رحمة الله للرياض (الدرعيه) وبعد ذاك لازم جدي بن سليمان وزير الماليه بذاك الوقت
وبما ان ابن سليمان كان وزير الماليه دخلوا عليه بليله من الليالي رجال يبون
يغدرون في ابن سليمان ويسرقونه بس تصدى لهم جدي رحمة الله عليهم اجمعين
وبذاك الوقت ما كان فيه صتمه كان فيه بارود وتلقى جدي الطلقة بفخذه
مما سبب له غرغرينه بالرجل كله وما قصر ابن سليمان تولى علاج جدي
حيث تطلب سفره للعراق الين مااستقر في لبنان وتوفى هناك
وهذي كل السالفه اذا تقدرون تفيدوني وتساعدوني اعرف من اي فرع نرجع
من بني ثور واي سؤال واي استفسار انا موجوده ادري بكم يا عيال عمي ما تقصرون

[خيال الغلباء]

بنت العم بعد التحية والذين دخلوا الرياض مع الملك عبدالعزيز رحمهم الله 14 او 16 سبيعي فايهم جدك رحمه الله والسلام

[صدمات الجروح]

هلا يا ولد العم ما تقصر وانا اختك

انا قلت لك جدي اسمه صالح بن سبيع وانا قد قريت اسمه من ضمن اللي كانوا

مع الملك عبدالعزيز الله يرحمه بمهرجان اقاموه بالخبر عندنا


وبعد كذا انا وضحت لكم انه صار مع ابن سليمان وزير الماليه ويالله عساك على

القوه :sm113: وذي ورده لك وسع صدرك به الله يجزاك خير

[ابو سبيع]

من الذين دخلوا الرياض مع المؤسس الملك عبدالعزيز
صالح بن ابراهيم بن سبعان
وقد رافق الملك من طفولته ايام دراسته في كتابالشيخ محمد بن مصيبيح
بجوار مسجد الشيخ عبدالله في دخنه وانتقل مع الامام عبدالرحمن
من الرياض عام 1308هـ
وشارك مع الملك عبدالعزيز منذ خروجه من الكويت عام 1319 لاسترداد الرياض
وهو من الذين اختارهم الملك للتسلل الى بيت عجلان
وهواخو زوجة عجلان من الرضاع 00 لذلك اختاره الملك لدخول منزل عجلان
شارك في اقتحام قصر المصمك
ومن الذين يعرفونه
الراوي عبدالله بن خنيزان
توفي عام 1358
له عدد كبير من الابناء والاحفاد في الرياض
0

0
يعني ان الذي شارك في فتح الرياض هو صالح ابن سبعان
وهو من حاضرة الرياض
والكره في مرمى اختنا صدمات الجروح السبيعيه
وليس صالح ابن سبيع

[صدمات الجروح]

ابو سبيع ما صرت على هالافاده وانا اختك


بس اللي ابيك تتأكد لي منه

هو ان جدي لازم ابن سليمان وزير الماليه بعد كذا ابي بس تتأكد ان هاللي

جبت الافاده عنه هو جدي ولا تشابه اسماء لان جدي اسمه صالح بن عبد الرحمن مهب صالح البراهيم اللي انا اخبروه <<< تخيل تشابه اسماء من وين جت ذي

وعشان ترتاح وارتاح بعد انا

واذا مهنا كلافه عليك ابي تدور عن اسماء اللي كانوا ملازمين ابن سليمان

لان جدي بعد ما توفى ارسل ابن سليمان لأعمامي يطلب يجي الكبير منهم

يستلم سيف جدي

وعندي سوعال صعنطوط<<<يا كثر هرجك هههه تحملون

ما فهمت وش قصدك بأللي كتبتوه يا اابو سبيع الجزء الاخير اللي الكورة بملعبي ؟؟

<<<< مجيم مخه


وعساكم على القوه

[نجم الغلباء]

الله الله بالركاده يعيال سبيع وان منكم

[إحســـاس نجـــد]

والنعم فيك وبجدك انشا الله اذا عندي معلومات عن جدك رايح اجيبها لك
تحياتي لك ياصدمات الجروح

[ياسر السبعان]

صالح بن ابراهيم بن سبعان وش يرجع ارجو الافاده:sm2:

[قريشي وربي الله]

قصيميه سبيعيه كيف تجي ..!!!

بوه ولا مابوه ماعفوه << الله يعز هرجنا بس