من يم نجد٠٠وشرق مكه٠٠وطيبه

[الباسلي]

من يم نجد٠٠وشرق مكه٠٠وطيبه=لين الديار اللي ٠٠جنوب القريات
جيت بخفوقي شوق ٠٠ماينحكي به=اكبر من حروف الشعر٠٠والكتابات
شوق(ن) ماهوشوق الحبيب لحبيبه=شوق (الطنايا للكرم والجمالات)
ولو قالوا ان الدار ماهي قريبه=بقول : يعني ماتهون المسافات
ماهم بربعي بااليالي الصعيبه=أجل وربي ماحسبت المشقات
(شمر) ليا صك الصليب ٠٠بصليبه=أهجد ياجن وأنس٠٠لاهل الطويلات
يرضخ لهم هاالطيب حشمه وهيبه=ويرفع لهم بالعز٠٠بيرق ورايات
ومن مرهم طرقي٠٠بياخذ ضريبه=فنجال(اشدا من خضاب الخوندات)
والموقده٠٠تشهد براس الرقيبه=ومن طيبهم ما ينزلون الطمانات
(والشمري) من طيب راسه وطيبه=به ميزة(ن) عدة حدود المروات
لاثارت الفزعات٠٠لاتنتخي به ٠٠!=لانه يثور من(الطنا دون فزعات)
الله خلقهم للمصيبه ٠٠ مصيبه= وللنار نار٠٠وللمعالي ريادات
وللموت موت ٠٠وللهيبه لهيبه= وللطيب طيب٠٠وللمراجل سيادات
لكن : بهم حاجه٠٠ولاهي غريبه=يمكن يخون بها الشعر والعبارات
اليا بطشوا: خلوا المضارب عطيبه=واليا عطوا: ما مدوا الا الجزيلات
ما ارفع مكانتهم بشعر(ن) اجيبه=هم يرفعون حروف شعري مقامات
واخر ما اقول بالشعر وانتهي به=بحطها بقوسين واربع علامات !!!!
(الشمري ! عيبه ! وعيبه ! وعيبه !=اليا ارتكي للحمل شال الثقيلات

والف نعم

وتقبلوا تحيتي

[الجــادل]

يعطيك الف عافيه ونعم فيك اخوي



بني صخر اللي على الخيل صلفين*******كم سابق بالكون عاقوا جهدها

للضيف لطفين وللضد عســـــمين*******جيرانـهم ما مرحوا في لهدها

نطاحة الكايد على العسر والليــن*******وأهل البيوت ألمن تجلو قصدها

[الجــادل]

لاجـار عـليـك الـدهـر والمقـادير**** تلـقـى ربـيـع النفـس خـرشـان وجـبـور
بني صـخـر حـمـر النواظـر مناعير****عـز الدخـيل اللـي التجالـك من الجـور

[ولد السناعيس]

لا يسعني كمشرف قبيلة شمر ونيابه عن جميع اعضاء المنتدى الا ان اعجز عن الشكر للاخ المبدع المنصف البطل
الباسلي

[الباسلي]

الجادل اقبل ارق واجمل تحيه من اخوك الباسلي على ردودك الرائعه

ولد السناعيس لاهنت يالقرم

[ابوحاكم]

صح لسانك يالباسلي وصح لسان الشاعر ابن ساقان القحطاني حيث انه القى هذه
القصيده في حفل رالي حائل ولاعدمناك يالباسلي

وتحياتي لك