<<<<<< ربعي رياح الموت >>>>>>

[الأسد التميمي]

السلام عليكم ورحمة الله وبركاته




حنا المراجل والمراجل لنا سلوم
والسلم عند القرم مثل الحشيمه
حنا الكرم والطيب والرابعه دوم
انقى من المي القراح السليمه
ربعي رياح الموت لاصرت مظلوم
تشهد لهم كل العلوم القديمه
تشهد لهم سبع الاراضي والغيوم
ويشهد كلام المصطفى من صميمه
ويشهد عظيم الفعل بالسيف زيزوم
وتشهد رماح الموت منهو زعيمه
وإن كان تجهل يارفيقي بك النوم
انشد سلايل اللي هدو نعيمه
وانشد تراب القادسيه والحزوم
وانشد هبايب نجد دون الظليمه
وليدنا يولد على الفطره يشوم
عن كل نزوات الردى في غريمه
وإن كنت لاذيبٍ ولاصرت شغموم
مالك على درب المراجل غنيمه
عن مثل شكلك يالطفيلي ترى نصوم
راع العلوم الناقصه والذميمه
لاواحسايف خوتي فيك يابوم
خوتك يالناقص تراها جريمه
عزالله إنك كفو ساره ومريوم
والا الشجاعه ماتساق لهليمه
عزالله إنك تالي الناس والقوم
مثل اللي يحكي ويسوى بهيمه
الطيب يبغاله زيازيم وقروم
والا الردى كل النتايج وخيمه
والعز نادر ماتهيّا بالحلوم
وسهلن على منهو علومه عظيمه
وانا على درب الشهامه لي علوم
ساسي تميم الفعل ربي يديمه
وإن كان تبني فعل ربعك على يوم
افعالنا من عهد كسرى مقيمه
وإن كان تاريخك مسمى ومعلوم
ماتنوزن نجم الثريّا بغيمه



الشاعر: دواس بن عبدالمحسن البراهيم التميمي


منقول

[ابن فوزان]

صح لسانه مليوووووووووووون

لاهنت يبعدي،،

تحياتي