اخر معارك العجمان وبني خالد مريخ

[نجم الخوالد]

بسم الله

اخر معركه كانت بين بني خالد والعجمان

هي معركة مريخ والتي انصر بها بني خالد على العجمان

انتصار جعل العجمان لا تقوم لهم قائمه بعدها

ولم يكن في المعركة غير فخذ واحد من بني خالد وهم الصبيح

مع العلم ان اكثر الصبيح كانو في الغيص

لكن الله وقف مع بني خالد وجعلهم يقتلون العجمان ومن مهم

مع العلم ان العجمان من القبائل القويه والتي تحسب لها كل القبائل الف حساب

ونحن لا نقول الى الحق

ونعم في العجمان

لكن هل يوجد لدى العجمان قصائد في هذا الوقعه

[محمد الغفيلي]

وش مرجعك بارك الله فيك اخي نجم الخوالد يوم تقول ان بني خالد انتصروا على العجمان ولا عاد قامت للعجمان قايمه . اللي اعرفه ان العجمان هم اللي ردوا بني خالد وكسروهم . واذا عندك مرجع عطنياه

[صقار الصقور]

ونعم في العجمان وبني خالد..........كلهم اشهرمن نارعلى علم

[غريب الوصف]

اول مرة اسمع بهذي المعركة

ارجوا من الاخ الكريم انه يجيب المصدر لأن هذا تاريخ مو خرابيط

[عجمان يا تعبان]

والله والنعم بالعجمان والخوالد شـكــ وبارك الله فيك ـــرا لك ... لك مني أجمل تحية .

[عــبار]

بسم لله الرحمن الرحيم ...
اخوي نجم الخوالد ,,
الله لا يهينك على اثارة الموضوع الجيد بس اخي مغالاطات فلموضوع كثيره
..
ومريخ هو عد (بير) يقع شمال ابو حدريه تقريبا قبله من ازور ..
اولا هي بين بني خالد ومعهم فئه قليله من العوازم وشاركوا العوازم لوجود ثار بينهم وبين العجمان وكانت اول ايام عيد الاضحى سنه 1333هـ 1915م
ومن بني خالد ليس اصبيح فقط ( سالفت اصبيح يوم كانوا بلغيص اخرى وألتبست عليك اخوي) وكان الصبيح والعماير ..ومقوله الشيخ فارس الحسن فيها المشهورة
عندما ارسل ضيدان شيخ العجمان مرسول الى الشيخ حماده العقل و الشيخ فارس كعادته ارسل الى كبار الجماعة و قال لهم ماذا تقولون العجمان ناوين يغزون الصبيح يتزودون بهم و يطلب منا الابتعاد عنهم و انهم لا ينون غزونا ( لان كان بين العجمان و العماير حلف ) .
قالو من حوله اللي تشوفه ياخو زهيه قال لعبده شب النار و رما الرسالة بالنار مؤكداً عزمه على الحرب و رفض طلبه و قال للمرسول كلمته المشهورة قل لعمك من تغدى بصاحبي تعشابي والله ما اخلي الخالديات يسلبن و قيل ما اخلي الخالديات يصيحن نهار العيد .

وهذا معروف لدى بني خالد ولجميع القبايل ..
بعد معركة مريخ و انتصار بني خالد على العجمان و كسر شوكتهم و ذاع صيت فارس الحسن و اخذ يتداول مثل : ( جعل سيفك ماهو سيف فارس ) و خاصة بين العجمان انفسهم .


ثانيا/ اطرف اثاني العجمان وبقيادة ضيدان بن حثلين ومعه فهد بن سعد ال سعود (العرافا) والذي قتل على يدا احد رجال قبيلة العوازم ويقال انه علي الشحيتاوي من فخذ المساحمه .


وانتصر بني خالد ( الصبيح والعماير ) والعوازم على ضيدان بن حثلين وربعه (العجمان)


يقول اشاعر مسلط ابن عصمان العميري بقصيدته وهو يمتدح فعايل ربعه وشيوخ العماير ..

انساح بالي يوم ردلي خبر
من ربعي اللي بالوهيله حاضرين
ماذكروا بالهيه نهار المحتضر
كود العماير اهل الجمع الرزين
سلام يازيزوم يالوجه الخضر
*شبيب يالممدوح يالوجه اليمين
هو شيخنا لا جا من الحاكم غير
ريف الركايب لا قبلت بالغانمين
*حربي كما حر ليا منه شهر
طير السعد قناصته متنومسين
*وفارس الممدوح من زود الفخر
ماضي الفعايل شيخنا ذكره يبين
زيزوم ربعه شايلهم زود الظفر
وردو حيااض الموت قرم العايلين
يوم الجنوبي جاك شايله الوجر
جمع جنوده بحتمال حايلين
ضيدان يبغى الطايله ولا قدر
هذي تدابير الولي ياذاهنين
يانحمدلله والجنوبي ماانتصر
عقب المعزة راح ضيدان حزين
قم يانديبي فوق نابيه الظهر
وجن الهميم ومنوة للمنتوين
ملفاك ابو تركي ورد له الخبر
قله كسرنا عز شيخ الحاربين
دمامهم خذناه وبيرقه الخضر
في ساعة به لابتي متنومسين

*من شيوخ العماير وهذا دليل على مشاركه العماير وشيخ فارس وشيخ حربي وشيخ شبيب اشهر من نار على علم بفروسيتهم وكرمهم ..
++
وهذه ايضا يقال انها قصيدة ابن عصمان


لابـتــي صـفــو وصـيــرو زافـتـيــن
واجـهـلــو لــلــروح تـالـيــه الـفــنــا
لابـتــي صـيــور مـاغـطـي يـبـيــن
والـردي محـدن عـلـى عيـبـه كـنـا
لابتي يشكى لكم صافي الجبيـن
وعــقــب الــلــي لا نـخـنــه مـاثـنــا
وافـــرحـــي يـــادارنــــا لاتـكــرهــيــن
وازهمـي مـن كــان سـايـده الطـنـا
واطـمـحــي والـغـيـرنـا لاتعـشـقـيـن
كـــود مـــن ســبــل وســــوا مـثـلـنـا
يــااهــل الــعــادات ردو لـلـسـنـيـن
مـايـفـك الـــذل مــــن يــومــه دنــــا
في نهار(ن) يودع القاسي يلين
عسكـر الـدخـان والسـيـف احتـنـا
لا لـعـيـنـاكـم كـعـمــنــا الـعـايـلـيــن
والـمـعــادي بــيــت عــــزة مـابـتـنــا
ليت ابو تركـي وربعـة حاضريـن
فــوق جــال مـريـخ ينـظـر فعـلـنـا
صــاروا العـجـمـان فـيـنـا بـايـريـن
بــالـــلـــوازم مــاعــطــونــا حــقـــنـــا
قـبــل هـــذا لـبــو خـالــد مـرفـقـيـن
حاسبين (ن) جندهم مـن جندنـا







يقول شاعر مسلط في قصيده اخرى ..

يالله وانا طالبك ياعالي الشاني
يافهيم وسد الغيب تريبه
عز ربعي على من زارهم عاني
صايل بالضغن والجمع يزميبه
واستوى فوق جال العد عكلاني
حام طير الهوى من طايح الريبه
يوم جانا صلاه الصبح ضيداني
مثل سيل تحدر من محانيبه
والتقوا للحماقه بام سيلاني
باعوا الروح في حزة مواجيبه
ساعه واستوى للملح دنداني
الدخن ساكب والعج يومي به
كيف ضيدان فينا يقطع العاني
عقب مافات هذا اللي يجازيبه
ماذكر هيه الوفرة بالاكواني
يوم جات الشلايل مع مناديبه
حنا عطيناه حقه يوم جاء عاني
علط الارقاب نحال مقاضيبه
كان ذيب الردايف بات جيعاني
بشروا دار عد عاوي ذيبه
بشره بالعشى خيل وصبياني
يوم سوق الغلا باعوا جلاليبه
كم هنوف هواها كل ديغاني
عقب عشيقها كثروا خواطيبه
تمحش الدمع من منقوش الاوجاني
عقب جرح جديد فاري جيبه
شوقها طايح للخيل ميداني
توها مع نكيف القوم تدريبه


ويقول ايضا الشاعر عبدالعزيز المشعل

حنا الصبيح ومريخ عين البراهين=يوم ان بعض الناس ذاق الهزيمه


ويقول الشاعر سعد بن راشد القاطع الصبيحي في مريخ

بديت باسم الواحد الفرد الرقيب = والدين دين الله ومن يشرك كفر
الخالدي مبداه بالقول العجيب = مثايل يشتاقله راعي النظر
قم يانديبي فوق عجلات الخبيب = حيل مراديم رعن نبت الزهر
هن منوة المشتاق بالدرب الصعيب = ومكلفات في مراسيل الخبر
تلقى بني عمي اكعام للحريب = لارزت الرايات والنشر الخضر
خوالد ترد المعارك ماتهيب = وردوا حياض الموت يوم الله ومر
بامتوجات ضربهن ضرب عطيب = ومشوكات ضربهن يفري النحر
وسيوف هند تكسر العظم الصليب = مضرابها لاصاد عظم ماجبر
من ضرب جمع لانطح جمع الحريب = يوم الملاقى ماتتقي وإعتذر
يوم إمتلى الميدان شبان وشيب = ارعد رصاص سيله الدم الحمر
ياذيب ياللي بالخلا تقنب قنيب = تصبح من الشوان تنحاك الجعر
ابشر بصيد من بعيد ومن قريب = عقاير تاكل بها دب الدهر
ياهيه يالمجمول ياعين الربيب = ياللي تحط الروس بالجلد العفر
لاتعشقين الا مصليت الحريب = اللي فعايلهم يشد بها الظهر
من فوق جال مريخ شرقي القليب = حل المثارا واشتعل سو القهر
يلعب بها القاطع سعد لعب عجيب = بأفعــال ربعه شايف منها الدجر







الشاعر فهد بن جافور العازمي


نـحـمــد الــلـــي عــزنـــا يـــــوم جــونـــا عـايـلـيــن يـــــــوم جـــونــــا وارديــــــــن لـطـمــنــاهــم حــــيــــام
مــارد حـنـا عـلـى الكـبـد شـيــن مـــن سـنـيـن نــلــطــم الـعـيــيــل والـــشــــره يــنــشـــق الــكــمـــام
واظـهــروا لـــه لابـتــي مـــا تـنــوا لـــه بـحـيــن واحمـضـوا ربـعـي وربــي جلاعـنـا الـوخـام
يــــــــوم جــــانــــا جــــــــاه كــــمــــا رش الــغــشــيــن مـن مخابيـط القـريـزي مشبـضـت العـظـام
كـل شغمـوم نهـار الملاقـي صيـتـه يبـيـن جـمـعـنـا الــــدلال بـالـصـيـف يــــارد الــعـــلام
كـــم صـبــي طـــاح بنـحـورنـا جــــر الـونـيــن مــن تـقــدم طـــاح فـــي وجـــه هـدتـنـا وشـــام
يـحـسـبـنــا يــــــوم شــفــنــا الــبــيــارق خـايــفــيــن مــــا درى ان خــــوض الـمـنـايـا يـــــوم حـــــام
لابتـي يــوم المـلاقـي هــل الجـمـع الـرزيـن كـــان وقـفـنـا المظـاهـيـر جـــا هـــرج وتـمــام
دبـــــــروا يـــــــوم الــقــريـــزي لــــبــــاروده رنــــيــــن ليا مشوا لين جمعهم مثل دولات النظام
خـابـريـن افعـولـنـا مــــن عــصــور الاولــيــن مـــن سـنـيـن مـاضـيــه محـتـمـيـن هـالـجـهـام
انطـحـوهـم لابــتــي عــنــد حــلــوات الـشـنـيـن والــعــمــار مـجـلــبــه مــالــهـــا ســـــــوق تـــســــام
ثـم صـارت عرصـه شيبـت بالمرضعـيـن نـومـســت ربــعــي وعـدوانـهــم راحــــو عــــدام
مــن حـضـر منـهـم تـعــذر وســـد الغايـبـيـن حــــق ربــعــي بـالـمـلاقــي الـفــقــاره والـســنــام
نـعــم فـــي جـمــع العـمـايـر كــعــام العـايـلـيـن كاسـبـيـن الـطـيـب والمـرجـلـه يــــوم الــزحــام
يــــــــوم تــــمـــــت هـــلـــلـــو كـــلـــكـــم يـامـسـلــمــيــن ع قبـهـا عـلـى مـحـمـد صـلاتــي والـســلام0




وهذه قصيد شاعر من العجمان يمتدح بني خالد (العمـاير) ويقال انه اسير ووجد حسن اطيب وهذه عادات العرب قال هذه القصيده :

والله ماجينا من جنوب صايلين

كــود ناوين للــهواجر بالفنا

ونطحونا ربعنا اللي خابرين

العمايـر مرويه عود القـنــا

العماير مرويه السيف الصقيل

لــيـت جنــهم مــن جـــنـدنــا



والعجمان من القبائل القويه في شبه الجزيرة والحرب كر وفر سبحان الله انكسار بني خالد قبل كان من العجمان وقبل توحيد المملكه اقتصوا بني خالد منهم ,, وحمدلله على نعمت الامن ولامان ..
تقبلوا تعقبي وان اصبت فمن الله وان اخطئت فمني ,,,