قصيدةالشاعرمحمدالطويان في حفل اسرة القصير لأميرمنطقة القصيم ونائبة

[حفيدابن الوليد]

قدم الشاعر محمد الطويان (ابوزايد) قصيدة رائعة كعادته في حفل العشاء الذي اقامته اسرة القصير تكريما لصاحب السمو الملكي الأمير فيصل بن بندر بن عبدالعزيز وصاحب السمو الملكي الأمير الدكتور فيصل بن بن مشعل بن سعود بن عبدالعزيز نائب امير منطقة القصيم في يوم الاثنين 25/5/1428هـ

سلام الله على مكة وطيبة والغدية نجد = سلام الله على الدمام يوصل ليا بحر جدة
سلام الله على عرعر وحد الجوف وآخر حد = سلام الله على نجران واللي من ورى حده
سلام الله على اللي قد ولاها بأربعين الجند= على صقر الجزيرة من شعوري خاطر قده
ولاها يوم وقت السرج هو الرمح ومهند= زمان بيح العارض كنينه وانبرى سده
سلام الله سلام جيت أمده في يمنى مد = بعد ماقال هاجوس المثايل من غلا وده
باسم كل الخوالد لابتي ومعربين الجد = سلايل هبس وحزامي ودرع الجنب في الشده
وهلا يا مرحبا ترحيبة من زعفران وند = بفيصلنا ولد بندر بكاديها مع نده
هلا يا مرحبا بك يا حفيد المملكة والمجد = هلا يا مرحبا كبر البحر والموج في مده
تراحيب المطر والربيع الأخضر الممتد = تشابه مع خطوط الطول هي والعرض ممتدة
هلا بك يا حفيد الملك والحكام وموحد = هلا بك والقلوب تزيد بالتراحيب وترده
عليك نسوق فنجال الغلا يامير ومقتد = تفضل واطرد عماس الزمان ووصله حده
وهلا يا مرحبا بك يا لأمير الفيصلي القذ =هلا باللي غلاه من الجدود ومن غلا جده
هلا يا فيصل المشعل تحية من هنا وأبعد = من حددوا السحاب اللي يلوح البرق في خده
ووطنا يا وطنا لو عيون الحاسدين تلد = ترى ماللحسود إلا على علياه مع خده
وطنا سر غلاك تزود ماينقص علينا بند = وواجبنا طريق أهل الخزي ننصاه ونسده
تريح يا وطنا في يدين أهل الشرف والجد = سلاطين الزمان اللي تهين الضد وتضده
تحت رأي أبو متعب وسلطان الوفا والعهد = وطنا شامخ فوق البسيطة ماحد قده
واللي منك بديت الفسد والإفساد يا لمفسد = تخاوى مع طريق إبليس والشيطان يانده
تجي كنك يهودي من ورى حيفا وصحراء اللد =تعيش بفكر صهيوني ونفس الشوف لا لده
خزاك الله هذي يا عميل الشر لعنة جد = ماهي بإرهاب يالخاين تجي للقصر وتهده
ترى مانحسب حسابك ولا يا لمعتدي تنعد = ولا بالوقت من يذكر عدد يمكن نعده
وهلا يا مرحبا ترحيبة من زعفران وند = بكل حضورنا الليلة بكاديها مع نده
باسم كل الخوالد لابتي ومعربين الجد = سلايل هبس وحزامي ودرع الجنب في الشدة
http://honedl.jeeran.com/photos/463105_l.jpg
http://honedl.jeeran.com/photos/463133_l.jpg

[الحياله]

صح لسان الشاعر ومن جابها

واصل معنا يالحبيب
...

[صقر الخوالد]

حياك الله يالخالدي . والنعم فيكم جميع الطويان والقصير واهل حنيظل كلهم.

[حفيدابن الوليد]

صح لسان الشاعر ومن جابها
واصل معنا يالحبيب
...
تسلم يالغالي
مشكور على المرور والرد
بارك الله فيك

[حفيدابن الوليد]

حياك الله يالخالدي . والنعم فيكم جميع الطويان والقصير واهل حنيظل كلهم.

تحيا وتسلم يالغالي

ما عليك زود بارك الله فيك

شرفني مرورك وردك

وفقنا الله واياك لما فيه الخير

[ياسر الخالدي]

\صح لسان الشاعر ومن جابها
...

[العُقيلي]

والنعم بالجميع

وباركوا لي خلصت اختباراتي وبتخرج من الثانوية وأدخل الجامعة.

[ابن سويحه]

صح لسانه
وسلمت يمينكـ على النقل