فواز الغسلان
06-29-2007, 07:55 PM
بسم الله الرحمن الرحيم
قصص الكرم والطيب اللي سووها الجماعه طيور شلوا كثيره جدا يشهد بها القاصي والداني الا ان الناس
اشتهرت عندهم ثلاث اشياء وهي (شيلة الشلقان لخويهم) وكذلك (معشي الذيب) وكذلك لقب
(اهل اللحيسه) ويكتفون عن ذكر الباقي حتى خشيت ان تضيع بعضها خاصة التي لم نجد لها اشعارا
قديمه تضمنها0 ولذلك نظمت هذه القصيده ببعض سوالف الطيب والفخر اللي سووه الجماعه غير الثلاث
المشهوره ولعلكم تقرأون القصيده وبعدها سأشرح لكم القصص التي ذكرت بالقصيده00
يقول رجلن حروف السحر في قافه=مثل الجواهر ودهن العود في سوقه
تذكر فعايل رماح المجد وشلافه=اللي فخرها شبيه المزن وبروقه
وماكل رجلن يهوم المرجله حافه=لاشك ربعي تجيب الطاق مطبوقه
افعال شمر تشوف المجد باطرافه=بكفوف ناسن تعيب الغدر والبوقه
جذره بحايل تعلى فوق مشرافه=ومن وين سارت يسير الطيب بعروقه
شمر هل النيب ساس الطيب برفافه=تشبه رياضن زهى عشبه وزملوقه
مثل ابن عايش كريمن بان ميقـــافه=مع جاره اللي حماه وقام بحـــقوقه
خاف المظامي ونجم الليل ماشافه=والدرب يودع شياه الجار مشنوقه
خلا العشاير بدرب الجار سلافه=والشاة تشرب حليب المجد من نوقه
جيران شمر بوقت الحرب ماخافه=علمن شعاعه بغرب القاع وشروقه
وسمير منا وريث الطيب باوصــافه=يمنع نياقه ويسقي طرش مخــلوقه
حولة ظعونن وشمس القيظ متلافه=اسقى طروشن تسد الريع وفلوقه
رمت نياقه وشال الموت خطافه=وخلا نياقه عن الميراد مصفوقه
طيب ابن طارش يفوق السلم واعرافه=خمسان زبنك بضيق الوقت وفتوقه
وسالم ابا الرمل محدن باـلكـرم طــافه=عجز القبيله كفاها الجوع مع ضوقه
لانام رجلن يريد الشوق واردافه=يسهر وكوبان يشخر حاضنن شوقه
يرسل طعامه لعجز الناس وعجافه=ماهي قريبه ولا بالقلب معشوقه
عاف المزاود ودمع العين ذرافه=من شان يشبع عجوزن شاب معلوقه
من روس الاسلم كرام الناس واشرافه=اهل اللحيسه لكبدن جاه ساروقه
وهذا مكازي معشي زابنن ضافــه=ذيبن لقى من غبون الكبر خازوقـه
جاب الذبيحه لذيبن جاه رجافه=فعلن عليه افخر الاطياب مدفوقـه
وشيلت مجيدع وقاع القوم ميهــافـه=ماهي على طيب كل الخلق ملحوقـه
شلقان غلبا نجوم المجد واسيافه=والقيظ يشوي جنوب الزمل بحروقه
خمسة عشر يوم والمكسور باكتافه=وقاست خطاها لرجلن بالنعش فوقه
لو هو رفيقن لناسن ضاعت اشوافه=سووا لحوده وفوق اللحد طابوقه
ماهي هروجن تجينا كذب وحيافه=الا علومن بطيب الفعل مطقوقه
ياساس الامجاد والعمدان ونجافه=لاشفت ناسن عن المقلاط مصفوقه
ياورد الاجيال عشب الجال واريافه=والله فلاهي بكل الخلق مسبوقه
بالحرب شلفه لوسط الروح قطافه=وللضيف تلقى جنوب الحيل مشلوقه
من ذاق قربه يعاف الناس ماعافه=ومن ذاق ضربه يشوف الموت من ذوقه
ربعي عسل كل خلق الله وهتافه=ولاهي مع الضيق بالهرجات مطفوقه
ارجي لياسار صوب الروح قصافه=ادفن بحايل واشوف التمر بعذوقه
ومن فضل ربي كثير الخير وانصافه=جبت البطاقه وحايل فيه مرفوقه
هذه القصيده وقد اضفت عن الثلاث المشهوره ثلاث اخريات وهي كالتالي:
(1) مطلق بن عايش من التومان كان عند جار وحلاله وغنم ويوم وصل القيض وبغوا يرحلون لمواردهم
احتار بغنم جاره لانها لاتستطيع المشي ومجارات الابل فعرض عليه ان ياخذ الغنم من الجار ويعوضه
عددهن من الابل وهو مكسب خيالي لكن الجار رفض بحجة انه يغليهن غلا وعند ذلك قرر ان تسير الغنم
مع الرعيان من تالي الليل ويلحقون بهن على الابل وعند المغرب يحطون المشرب ويحلبون نياق مطلق
للغنم تشرب (بدلا من الماء) حتى **** الغنم يشرب معهن حليب عطايا الله وبقوا كذا ايام وليالي يسقي
غنم جاره حليب نياقه0 عساه للجنه اللي تدس عظامه000
(2) سمير بن طارش الصلعاء الخمساني جوه حدرة الروله مع بن دغمي على قليبه (رطيان) فمنع ابله
عن الماء علشان حلال الحدره وهن يحنن من العطش وسوى روحه مايدري من راع الابل العطاشا علشان
مايشتكون وقال لهم اطردوهن هذي همل لين يجيهن راعيهن 0 وبقيت اباعره عطشا لين مشوا الحدره
وكانت النتيجه ان لقحاته رمن اللي ببطونهن من العطش علشان يتجمل باللي طبوا عليه الله يرحمه00
(3) سالم ابا الرمل من الطواله من الاسلم ويسمونه ابا الرمل والرملا اللي مالها احد لازوج ولاوالي فكانت
زوجته متعوده انها تطبخ كل عصر عشاء يشبه عشاء العزيمه وتوزع عقب المغرب عليهن لدرجة ان بعضهن
ترسل ماعونه من العصر لبيت سالم وكأنه شي مفروغ منه وواجب لانهم تعودوا على ذلك سنين0
وذات يوم جاء واحد يطلبه دم واختفى برواق البيت ويوم بغى يرمي سالم لاحظه يوزع اللحم بمواعين
فانتظر ليرى ماهذا وكانت زوجته تاخذ المواعين وتروح توزعهن على العجز وطالب الثار يراقب0
وعندما انتهت زوجة سالم احضرت عشاه ويوم بغى ياكل رفع يده وقال فلانه ليش ماشفت لها ماعون؟؟؟
قالت زوجته فعلا ماشفت له شي؟ قال خوذي عشاي هذا لها اخاف انها مريضه0 فوجدتها فعلا مريضه
فساعدتها على النهوض من الفراش وتعشت العجوز0 ويوم رجعت زوجته قالت فعلا ياسالم لقيتها على
قولك مريضه0 ثم قالت ابي اصلح لك عشاء قال لا راح الوقت الان تكفيني القهوه0
فقام طالب الثأر المختفي يبكي من هذا الموقف لين سمعوا بكاه ويوم ابعدوا الرواق لقوه جادعن باروده
ويده على عيونه يبكي ويقول ياسالم ان ذبحتك من يشبع هالعجز ومن يهتم بهن ؟؟؟ ياسالم اشهد بالله
ان ذبحك حرام وانك عتيق بسبب عشاء العجوز اللي حرمت نفسك منه علشانها000
الله اكبر الله اكبر يحق لشمر وللاسلم خاصه وللطواله اخص ان يطاولوا برؤوسهم السماء لهذه القصه
ولو لم تفعل شمر والاسلم والطواله غير هالسالفة فهي كفيله بوضعهم عاليا مع النجوم في السماء0
(((الان بعد الشرح ارجعوا للقصيده تلقون لها طعم غير))) يابعد روحي انتم يالعزوه تحياتي000
قصص الكرم والطيب اللي سووها الجماعه طيور شلوا كثيره جدا يشهد بها القاصي والداني الا ان الناس
اشتهرت عندهم ثلاث اشياء وهي (شيلة الشلقان لخويهم) وكذلك (معشي الذيب) وكذلك لقب
(اهل اللحيسه) ويكتفون عن ذكر الباقي حتى خشيت ان تضيع بعضها خاصة التي لم نجد لها اشعارا
قديمه تضمنها0 ولذلك نظمت هذه القصيده ببعض سوالف الطيب والفخر اللي سووه الجماعه غير الثلاث
المشهوره ولعلكم تقرأون القصيده وبعدها سأشرح لكم القصص التي ذكرت بالقصيده00
يقول رجلن حروف السحر في قافه=مثل الجواهر ودهن العود في سوقه
تذكر فعايل رماح المجد وشلافه=اللي فخرها شبيه المزن وبروقه
وماكل رجلن يهوم المرجله حافه=لاشك ربعي تجيب الطاق مطبوقه
افعال شمر تشوف المجد باطرافه=بكفوف ناسن تعيب الغدر والبوقه
جذره بحايل تعلى فوق مشرافه=ومن وين سارت يسير الطيب بعروقه
شمر هل النيب ساس الطيب برفافه=تشبه رياضن زهى عشبه وزملوقه
مثل ابن عايش كريمن بان ميقـــافه=مع جاره اللي حماه وقام بحـــقوقه
خاف المظامي ونجم الليل ماشافه=والدرب يودع شياه الجار مشنوقه
خلا العشاير بدرب الجار سلافه=والشاة تشرب حليب المجد من نوقه
جيران شمر بوقت الحرب ماخافه=علمن شعاعه بغرب القاع وشروقه
وسمير منا وريث الطيب باوصــافه=يمنع نياقه ويسقي طرش مخــلوقه
حولة ظعونن وشمس القيظ متلافه=اسقى طروشن تسد الريع وفلوقه
رمت نياقه وشال الموت خطافه=وخلا نياقه عن الميراد مصفوقه
طيب ابن طارش يفوق السلم واعرافه=خمسان زبنك بضيق الوقت وفتوقه
وسالم ابا الرمل محدن باـلكـرم طــافه=عجز القبيله كفاها الجوع مع ضوقه
لانام رجلن يريد الشوق واردافه=يسهر وكوبان يشخر حاضنن شوقه
يرسل طعامه لعجز الناس وعجافه=ماهي قريبه ولا بالقلب معشوقه
عاف المزاود ودمع العين ذرافه=من شان يشبع عجوزن شاب معلوقه
من روس الاسلم كرام الناس واشرافه=اهل اللحيسه لكبدن جاه ساروقه
وهذا مكازي معشي زابنن ضافــه=ذيبن لقى من غبون الكبر خازوقـه
جاب الذبيحه لذيبن جاه رجافه=فعلن عليه افخر الاطياب مدفوقـه
وشيلت مجيدع وقاع القوم ميهــافـه=ماهي على طيب كل الخلق ملحوقـه
شلقان غلبا نجوم المجد واسيافه=والقيظ يشوي جنوب الزمل بحروقه
خمسة عشر يوم والمكسور باكتافه=وقاست خطاها لرجلن بالنعش فوقه
لو هو رفيقن لناسن ضاعت اشوافه=سووا لحوده وفوق اللحد طابوقه
ماهي هروجن تجينا كذب وحيافه=الا علومن بطيب الفعل مطقوقه
ياساس الامجاد والعمدان ونجافه=لاشفت ناسن عن المقلاط مصفوقه
ياورد الاجيال عشب الجال واريافه=والله فلاهي بكل الخلق مسبوقه
بالحرب شلفه لوسط الروح قطافه=وللضيف تلقى جنوب الحيل مشلوقه
من ذاق قربه يعاف الناس ماعافه=ومن ذاق ضربه يشوف الموت من ذوقه
ربعي عسل كل خلق الله وهتافه=ولاهي مع الضيق بالهرجات مطفوقه
ارجي لياسار صوب الروح قصافه=ادفن بحايل واشوف التمر بعذوقه
ومن فضل ربي كثير الخير وانصافه=جبت البطاقه وحايل فيه مرفوقه
هذه القصيده وقد اضفت عن الثلاث المشهوره ثلاث اخريات وهي كالتالي:
(1) مطلق بن عايش من التومان كان عند جار وحلاله وغنم ويوم وصل القيض وبغوا يرحلون لمواردهم
احتار بغنم جاره لانها لاتستطيع المشي ومجارات الابل فعرض عليه ان ياخذ الغنم من الجار ويعوضه
عددهن من الابل وهو مكسب خيالي لكن الجار رفض بحجة انه يغليهن غلا وعند ذلك قرر ان تسير الغنم
مع الرعيان من تالي الليل ويلحقون بهن على الابل وعند المغرب يحطون المشرب ويحلبون نياق مطلق
للغنم تشرب (بدلا من الماء) حتى **** الغنم يشرب معهن حليب عطايا الله وبقوا كذا ايام وليالي يسقي
غنم جاره حليب نياقه0 عساه للجنه اللي تدس عظامه000
(2) سمير بن طارش الصلعاء الخمساني جوه حدرة الروله مع بن دغمي على قليبه (رطيان) فمنع ابله
عن الماء علشان حلال الحدره وهن يحنن من العطش وسوى روحه مايدري من راع الابل العطاشا علشان
مايشتكون وقال لهم اطردوهن هذي همل لين يجيهن راعيهن 0 وبقيت اباعره عطشا لين مشوا الحدره
وكانت النتيجه ان لقحاته رمن اللي ببطونهن من العطش علشان يتجمل باللي طبوا عليه الله يرحمه00
(3) سالم ابا الرمل من الطواله من الاسلم ويسمونه ابا الرمل والرملا اللي مالها احد لازوج ولاوالي فكانت
زوجته متعوده انها تطبخ كل عصر عشاء يشبه عشاء العزيمه وتوزع عقب المغرب عليهن لدرجة ان بعضهن
ترسل ماعونه من العصر لبيت سالم وكأنه شي مفروغ منه وواجب لانهم تعودوا على ذلك سنين0
وذات يوم جاء واحد يطلبه دم واختفى برواق البيت ويوم بغى يرمي سالم لاحظه يوزع اللحم بمواعين
فانتظر ليرى ماهذا وكانت زوجته تاخذ المواعين وتروح توزعهن على العجز وطالب الثار يراقب0
وعندما انتهت زوجة سالم احضرت عشاه ويوم بغى ياكل رفع يده وقال فلانه ليش ماشفت لها ماعون؟؟؟
قالت زوجته فعلا ماشفت له شي؟ قال خوذي عشاي هذا لها اخاف انها مريضه0 فوجدتها فعلا مريضه
فساعدتها على النهوض من الفراش وتعشت العجوز0 ويوم رجعت زوجته قالت فعلا ياسالم لقيتها على
قولك مريضه0 ثم قالت ابي اصلح لك عشاء قال لا راح الوقت الان تكفيني القهوه0
فقام طالب الثأر المختفي يبكي من هذا الموقف لين سمعوا بكاه ويوم ابعدوا الرواق لقوه جادعن باروده
ويده على عيونه يبكي ويقول ياسالم ان ذبحتك من يشبع هالعجز ومن يهتم بهن ؟؟؟ ياسالم اشهد بالله
ان ذبحك حرام وانك عتيق بسبب عشاء العجوز اللي حرمت نفسك منه علشانها000
الله اكبر الله اكبر يحق لشمر وللاسلم خاصه وللطواله اخص ان يطاولوا برؤوسهم السماء لهذه القصه
ولو لم تفعل شمر والاسلم والطواله غير هالسالفة فهي كفيله بوضعهم عاليا مع النجوم في السماء0
(((الان بعد الشرح ارجعوا للقصيده تلقون لها طعم غير))) يابعد روحي انتم يالعزوه تحياتي000