قصيدة للشاعر/ محمد بن فهد أل وافي

[المجذمي]

السلام عليكم ورحمة الله وبركاتة

مسائكم الله بالخير

( الدنيا الدنيه )


قصيدة للشاعر/ محمد بن فهد بن وافي أل سوي


تعبنا منك يا الدنيا الدنيه والعلوم إجلال
*************** ولو نكتب علوم ٍ فيك ما نوفي صحايفنا
*
سقيتنا مرار ولو شكينا منك وإلك الحال
*************** ما رديتي صدى صوت الشكاوي عن حسايفنا
*
نكون بحال وأحسن حال ونجدد معك الآمال
*************** ونهديك العمر وأغلى سنين العمر ما حفنا
*
شباب ولا خذينا منك غير الحل والترحال
*************** سفر ويا السنين العوج واللوعات تتحفنا
*
ولا ناخذ ولا نعطي ونطرد مع سراب اللال
*************** ونطمع منك تعطينا عطاك اللي معك شفنا
*
وعطيتنا مرار الوقت وصدوف الزمن وأهوال
*************** وشفنا منك يا الدنيا الدنيه شوف ما عفنا
*
وصبرنا وإمتحنتينا بصبر ٍ ما يهد جبال
*************** يهد اللي على الدنيا معك يفنا ولا نفنا
*
وتحملنا وقلنا لو يطول الصبر ما نحتال
*************** وعقدنا العزم ما نترك مواقفنا ولا خفنا
*
وطوعنا مماشينا على خطو الرجال محال
*************** تزل الرجل عن خطو الرجال وعن مواقفنا
*
ورضينا وإرتضينا بكل ما يقسم وشكوى الحال
*************** على الله والله اللي ما جهل فينا وعارفنا
*
كريم يبدل العسر بيسر ويزين الأحوال
*************** وتفنا دنيته من حيث ما يرغب ولا يفنا


وسلامتكم
أخوكم/ المجذمي

[محمد بن سحوب]

صح لسان ابو فهد قصيده جميلة وجزلة من شاعر جزل يستحق الثناء والمدح

ولا هان ناقلها


اخوك / محمد السحوب

[ابن مفحل]

ورضينا وإرتضينا بكل ما يقسم وشكوى الحال************ على الله والله اللي ما جهل فينا وعارفنا

صح لساااااااااان الشاااااااااااعر ابن وافي .

ولاهان من نقلهااااااااا وسلمت انأاااااااااااااملك الي ماتنقل الا كل جزل .


اخوك: ابن مفحل



_____ ___________ _____

[المجذمي]

السلام عليكم ورحمة الله وبركاته

ياهلا ويامسهلا يابن سحوب ويابن مفحل والله يبيض وجهكم

ولاهنتوا على مرورك يالغالين وصح ابدانكم

تقبلوا تحياتي واحترامي