وربعك الى بان الخلل فيك عافوك

[الروقي]

أفهم وصـاتي ياعـزيز وانا ابوك= دامك صغير وغـايت العلم يقـراك
تـراه ما ينفعك خـالك ولا ابـوك =لا صـار ما تقضي لزومـك بيمنـاك
وربعك الى بـان الخلل فيك عـافوك =أقـرب قـريب لك من الناس يشــناك
ان كثر مالك صـدقوا لك واطاعـوك =وان قل ما بيديك شـانت سـجاياك
لو تطلب الماء عندهم كان مااسـقوك =ابعـد مـزارك عن وطنهم ومربـاك
ان جـاد حظك صدّقـوا لك وزاروك =وإن بار كل ما يبي غير فرقـاك
وهـرّاجة المجلس الى جيـت وروك =منازل تطـرب نظيـرك بدنياك
واليا قضـوا منك اللوازم وخلوك =تفرقـوا وانت احتمل كـل ماجاك
كنك سـراج البيت للنور شـبوك =واليا قضى الوارد حدا البع طفاك
والا كما ليمونة الحمـض مصـوك =واليا قضى منه الطعم مزغـوا ذاك
واللي يجي من رفقته ريـب وشـوك =احـذر عنه لياك تصحـبه ليـاك
واليا جفوك اهل الوطن واسـتخفوك =قلّع غريســك منه واهـدم ركاياك
تراك لو ترجـع على الرجـل صعلوك =احسـن من اللي تلتجي به وياطـاك
ســـليمان بن ناصر بن شــريم