تسلسل من هوازن والحقيقة ماعليها غبار

[خبير الجزيرة]

مدام ان المعاني في الظماير والهجوس أحظـار

نويت أسري على البابور وانقى الحص من قوره

قناديل المثايـل قـدم عينـي كنهـا المقطـار

على كيفي تجـي وتـروح منهيـه ومامـوره

أنا اللي لابغيت الشعر مدفع مـن وراه ايجـار

آسوق القاف وهجوسـي بعـون الله منصـوره

أهيم إبغبتـن ظلمـا تهيـج وترهـب البحـار

يموج الموج والحيتان فـي القيعـان مغمـوره

تلقف للغشيـم اللـي تخيـر فالـدروب أيسـار

على قول المثل كلـن بعرفـه يقنعـه شـوره

فلا ياراعي القرطاس سجل بالحروف أسطـار

عسى يمناك ياابن الناس محفوظـه وماجـوره

تذكّرت الزمان اللي مضى يوم السنيـن أجـوار

لحوح الوقت مايرحـم وفيـه القـوم مجبـوره

يطير النوم من عينـي ودمعـي ينتثـر همـار

يصب الدمع فوق الدمـع والاوجـان محـروره

على ربعن تضد القوم لـوإن الجمـوع أغـزار

لها تاريـخ ماينسـى ولـو غابتبـه أعصـوره

صناديد الرجال أهل المكـارم محتميـن الجـار

هلا الناموس فضخ الروس لا لارقاب باتـوره

قبيلـه بالمراجـل والمعالـي مالهـا حـكـار

تعلت في سنام المجـد واخـذت بالفلـك دوره

تعيش أبعز ماترضى بغير العـز مهمـا صـار

وبين النـاس بالوقفـات مخبـوره ومشهـوره

تسلسل من هوازن والحقيقـه ماعليهـا غبـار

ولا منك جهلت أنشد عن اللـي تطفـي الثـوره

تبى تنبيـك ناسـن فالقدايـم تنشـر الاخبـار

تهرج في زمانٍ فـات يـوم الجـوع ودهـوره

عتيبه روس قومٍ تعـرف الميـراد والمصـدار

على روس الطواغي تهـدم البنيـان وقصـوره

سلاطيـن المجالـس فالمعـارك دمهـا فـوار

تضد الضد بقسى الضـد والعـدوان مدحـوره

على نجد المسمـى شبـت النيـران فالمحـدار

راحتن تطحـن واعلامهـا بالنصـر منشـوره

ترستبه وصـار الخيـر منهـا والفلـك سيـار

على كل الشقى تصبر وشهـب البيـد معبـوره

ولا منه زبنهـا شاكـي الاوجـاع والاضـرار

تشوف الغبن بعيونـه وصوتـه بـح حنجـوره

يصير بوسط عيطاً محتمينـه حاكميـن الشـار

تداحملـه جموعـاً تـارد الميـراد منـعـوره

وفينا طبـع فالخـوه ماننسـى خـوة الاوقـار

ولا نغـدر ولا نظلـم ونكـره راعـي البـوره

لا حيث ان الخوي حقه علينـا مايبـي معـذار

ونفـسٍ تنتويلـه بالـردى ماهيـب مـعـذوره

خوال المصطفى الهادي محمد شمعـة الاخيـار

تشرفنا وزاد النور فـوق النـور مـن نـوره

حليمه بنـت سعديـه تراهـا ربـت المختـار

تغذى من لبنهـا كامـل الاخـلاق والصـوره

كسبنا العـز تلـو العزولنـا فالعـرب مقـدار

وبنينا البيت في صلبٍ وساسه داخل أصخـوره

يقول ابن الخلاوي والخـلاوي عـارفٍ سبـار

يعد أوصـاف ماجـوده ومكتوبـه ومذكـوره

نعتنا بالوصوف اللـي صداهـا ثابـتٍ بقـرار

وكـلٍ ماخـذإ قسمـه بميسـوره ومـقـدوره

ترد العايـل العامـي بشلـفٍ ظربهـا جـزار

ليا صابت شجيع القـوم تفـري قادمـة زوره

مثل فارس ولد سحمان يـوم إن الرحـى دوار

تشوف القوم من رمحه علاوي ظلـم وطيـوره

واليا جاها توال الليـل والا فالضحـى خطـار

تهلي بالطراقـي مـن خواطـر دوم مسـروره

تقدم من قراهـا كيـف بنـن ينتشـي ببهـار

وزودن فوق هـذا بالصيانـي حيـل منحـوره

عزاز نفوس ماتصدى وفاليمنى تنـول أشعـار

تسوق الرجل دون العز لـو الرجـل مكسـوره

عليها من دروب الشر بذن الله حجـى وستـار

تشوم عن الردى ماهي على الهزلات مامـوره

على سلم الشـرف ماتلتفـت للخايـن الغـدار

سوات الظلع ثابـت مايهـزه نقـر عصفـوره

سراج الديـن والدنيـا عبـاد الواحـد القهـار

على المله ودين الحق تمشي حسـب دستـوره

بظل الشيخ زبن الطيب والميقـاف راع الكـار

على العدوان سـمٍ يندعابـه لاسطـى جـوره

أخو شرعا ليا من الملـح وسـط الملاقـا ثـار

يشيل السيف في يمناً يخلـي الكبـد مفطـوره

ومسلط حر ماينسـى وفعلـه ساطيـنٍ جبـار

تقادح من سطر راسـه سعاطيـرإ لهـا فـوره

كريم الجـاه والمقـدار للافـي يشـب النـار

وداره بالرجـال أهـل الشكالـه دوم معمـوره

وبن هندي كبار القوم عنده يصبحـون أصغـار

بيـومٍ هايـلٍ منـه العـرب جفلـه ومبهـوره

مثل يـوم العوينـد والرحـى والسـر ياستـار

بروق الشلف لعاجه وسحـب الـدم ممطـوره

واخو هملا ولد شيبان مايرضى بلبـس العـار

عليه البيض تنخالـه بصـوتٍ عالـيٍ طـوره

وابن حجنه شبيب القرم دونه يقصـرن أشبـار

شديد البـاس والنبـراس فالعليـا بنـا سـوره

واخو نوره خزام الخيل فارس فالقـى مغـوار

على دربه تشوف الذيب مايرجع علـى سـوره

وعفاس المحيـا طيـر حـر فالسمـاء عقـار

قصير الطول لآكنـه جحيـمٍ يطبـخ أزفـوره

وابو سجدي مناحي شيخ مايبغى جديـد أذكـار

طويل الشبر ماتلحـق عليـه أشبـار مشبـوره

وولد الضيط سالم راسيٍ كنـه جبـل سنجـار

من فعولـه تبـى تبـرى كبـودٍ دوم مقهـوره

واقول ابالعلا سلطـان بحلـوق العـدا مسمـار

ومنه أكبود مسروره ومنـه أكبـود مسمـوره

وبن جامع عريب الساس يكسب ديمه المـدرار

تجيه أرقاب مخنوعه علـى الكيعـان ماسـوره

وبن ماعز بخيت اللي يفرقع زمـرت الاشـرار

عنيدإ مايبالـي فـي سبـاع الظلـع ونمـوره

ولاني ناسٍ شيـخ المراجـل ناصـر الشغـار

يشيل البيرق اللـي يرهـب العـدوان طابـوره

ومحسن من نسل قـومٍ تسمـوا شلـوة الكفـار

زحازيـحٍ نهـار الكـون منعـوره ومسعـوره

وناصر بن عقيّل فوق شهب الخيل لامن غـار

يخلي الروس دون أجروم تمشي كنهـا الكـوره

وبن عبود سيفٍ ساطيـنٍ بيـن العـرب بتـار

تحّشرله نفـوسٍ بالقسـى ماهيـب محشـوره

ومقعد في نهار الكون يحفـظ رميـة المعيـار

على صم الصفاء ياطى ولا همه مـن عسـوره

وقشعان المسمى يقشع الفرسـان قشـع أجـدار

ولـو العـدا كـلٍ عليـه أستـاق مظـهـوره

شيوخٍ مانشت بالضعف تمشي في ضحى وجهار

على كثر الفعايل فالعـرب ماهيـب مغـروره

تقافـوا ونتحـوا والكـل منهـم ساكنـلـه دار

ولاكن دار غيـر الـدار مابـه نـار ونجـوره

ياكود الثوب الابيض والنصايب للبشـر تعبـار

الايالله تجنبهـم عــذاب القـبـر وسـعـوره

يارب البيت ياعـلام ماتخفـى عليـك أسـرار

تشيل الكرب عنهـم يـوم كـلٍ يحتـري دوره

وانا شاعر واصوغ البيت مثل النحت فالاحجار

وبه عـرّاف نقـاده تعـرف اللـب وقشـوره

وهذا مانطق فكري وغيـري للرجـال أفكـار

وكلٍ في سماء عرفه يسوقـه زيـن منظـوره


الشـــــــــــــــــــــــــــــــــــــــــــــــ ـاعر ناصر العطاوي

[داعس الغامدي]

ونعم بعتيبه وفي هوازن كلهم على قولة واحد خويي عتيبي هو مهايطي شوي يقول

( هوازن لاركبنا الموتر توازن ) واسترو على ماواجهتم وترا ياخبير يوم حنا نتناقش في مسأله الهيلا لمن

ترا هو نقاش عادي ولا القلوب صافيه . يعني العذر والسموحه .

تحياتي لكم .

.

.

[خبير الجزيرة]

أولاً ماعليك زود وخويك العتيبي خله يهايط على قول وفعل

على هونك يا داعس قلبك صافي شنو توك موضبه :)

على طاري (( لمن )) قاموس لهجة غامد فيه كلمة (( لمن ))

الخبير خبير
<<<<<<<<<<<<< الهياط خصله من النجاح فلا تتركه قد تحتاجه لبعض (( لمن ))

عاش (( لمن ))

تدل الخفجي <<< كلمة خبير

[داعس الغامدي]

قاموس غامد . سامع في قاموس غامد انت . رح شفه وانا عمك

لكن من ناحية هياط حنا نهايط لكن قدها في بعض البشريه هياط لكن ماهوب قدها حكمه وانا عمك .

تحياتي لك ... وعلى طاري كلمة لمن . ترا كلمة عند البشريه كلهم ماتخص القبايل .

وعلى طاري القلوب صافيه . شكلك ماقد سمعت في ذا الكلمه . لكن يالله ياستــّـار افلحو بس

تحياتي لك ...
.

.

[هادي القشيري]

يقول ابن الخلاوي والخـلاوي عـارفٍ سبـار

يعد أوصـاف ماجـوده ومكتوبـه ومذكـوره

نعتنا بالوصوف اللـي صداهـا ثابـتٍ بقـرار

وكـلٍ ماخـذإ قسمـه بميسـوره ومـقـدوره

مشكور على الطرح الراقي ,,

ونعم والله بسلالت هوازن


أخي وابن العم يمكن توضح ليه ذي الأبيات ....


وشكرن لك ,,,

[خبير الجزيرة]

قاموس غامد . سامع في قاموس غامد انت . رح شفه وانا عمك
لكن من ناحية هياط حنا نهايط لكن قدها في بعض البشريه هياط لكن ماهوب قدها حكمه وانا عمك .
تحياتي لك ... وعلى طاري كلمة لمن . ترا كلمة عند البشريه كلهم ماتخص القبايل .
وعلى طاري القلوب صافيه . شكلك ماقد سمعت في ذا الكلمه . لكن يالله ياستــّـار افلحو بس
تحياتي لك ...
.
.

يااااااااااااااسلام صدقني تعجبني مداخلاتك لأني أرى صغر حجمك فيها

فأنت أصغر من أن تكون لي عم :) وأنا أبعد من أن أكون لك عم

لكن تدل الخفجي هناك دور يمينه ويساره تجد دمك وتعرف قدرك

(( لمن )) يا عزيزي تحاول أن تستغل أسم قبيلة غامد فلن تستطيع ودور أحد يصدقك لكن بينك وبين نفسك تعرف أسمك الحقيقي وقدرك الحقيقي ولهذا السبب تحاول الاحتكاك بمن هو أسمى منك يااااااااا ( لمن )

يعيش وتشوف

لكن لا تحرمني من ردودك ومشاركاتك فأنا عليك خبير

سلم على ضواحي الخفجي

[خبير الجزيرة]

مشكور على الطرح الراقي ,,
ونعم والله بسلالت هوازن
أخي وابن العم يمكن توضح ليه ذي الأبيات ....
وشكرن لك ,,,

هذا البيت يعني العارف والشاعر راشد الخلاوي

وتلقيبه لقبيلة عتيبة بذباحه الحايل لطامة العايل

حياااااااااك الله

[داعس الغامدي]

قسم بالله انك مهوي الخفجي اجل.. لبا والله قلبك

وش جاب الخفجي ونا عمك .. وراك تقول انت منت غامدي تراني غامدي من غامد الهيلا يالمهوّي

وانت تقول لمن .. وراها كلمت لمن ماهيب عاجبتك ولا وش السالفه تراها كلمه عاديه شايعه عند البشششششششريه

لكن انت تحاول انك تنكت شوي لكن .. العب على غيري ودوّر على غيرها ..

انت سامع في كلمت لمن . لكن الله يهديك .. حنا نقول لمن لكن انت وربعك تقولون لمين.. وحنا ماعندنا الهرج ذا

ماقول الا . سـلام يارجال واعقبي يامره ..

تحياتي لك يالمهــــــــــــــــّوي
.

.

.

[خبير الجزيرة]

داعس الخفجاوي هذا قدره وهذا علمه لا يحذف ولا يجيب حصاه

اسلوبه واحد غايته الفتنه ولا يطبع إلا من دون في دون

منتسب لغير قبيلته لان معلوماته فقيره جداً عن من هو منتسب إليهم ألا يحق بأن يكون الخفجاوي أسمه الحقيقي

عزيزي القارئ هذا العضوا داعس الخفجاوي ضعيف في خلقه فلا تستغرب من محاورتي له فأنا أستطيع التنزه عنه ولكن لكي يعرف بأن هذا المنتدى لديه مشرفين يكشفون حجمه من خلال المحاوره والنقاش .

فما أراه إلا ساقط على ظهره والحكم يعد واحد ثنين ثلاث

اعرف بأنك موجود في الصفحه شارك ورد بكل قوة أسلوبك لا تخاف

[داعس الغامدي]

خلووووووووووووووووووووووها

.. يالحبيب لبا والله قلبك . تبي ارد بالقوه هاه . وانا عمك انت مثقف عندك هرج ثقافه ترا مانيب فاهم شي لك

بس انت تقول خفجاوي الله يخلف على من جابك ونا عمك دام انت تقول انا خفجاوي اجل انت حساوي

ياخبيـــــــــــــــر الحســـــــــــــــاوي . ترا المشكله ونا عمك انك حساوي من الهفوف تحاول تصير العتيبي

لكن كشفناك يالحساوي .. تحياتي لك ياخبير الحساوي ...

.

.

.

[خبير الجزيرة]

هاهاهاهاها وصلتك لما أنا أريد أنظر إلى خبرت الرجال وكيف يتعاملون مع غيرهم

الان هنا الفاصل بيني وبينك والخصمه والحق والبيان لمن يقراء وتعمم هذه المشاركه

الان أنا أقول

لعنت الله علي أن كنت أنا أنتسب إلى غير قبيلتي قبيلة عتيبة .

أطلب منك ان تقسم نفس القسم وانتبه فأن اللعنه تبقى مع ابن ادم والله ما ودي تاخذك العزه بالاثم

الان أكتب هذي الجمله ولا تلف وتدور اكتب كما أنقل لك وانتبه (( لا تاخذك العزه بالاثم))
اكتب : لعنة الله علي أن كنت أنتسب أنا داعس الغامدي لقبيله غير قبيلتي غامد.

لا تاخذك العزه بالاثم

[داعس الغامدي]

علي الطلاق اني غامدي ولعنة الله علي ان كنت مانيب غامدي


ونا عمك انت كل ما انا اسكتك بالهرج تجي تقول الان الفاصل يخوي انت ماعندك الا فواصل

هههههههههههههههههههههههههههههههههههههههههههههههههه هههههههههههههههههه

وش فاصله الله يهديك . بعدين انا غامدي .. وليه ادخل باسم ماهوب ينتسب لي مريض انت


ســلااام ياخبير الحساوي.

[خبير الجزيرة]

الان بعد حلفك أعتمد على محاورتك كأحد أبناء غامد وشرهة غامد على ولدها

والحلف لكي اتقي من من هم يدخلون بأسماء ليست لهم ويخلقون الفتن بين القبائل

والان انت محسوب على قبيلة وانا محسوب على الرد عليك بمثل ما تبدي باسلوبك

[داعس الغامدي]

الله يهديك . يالحساوي الشرهه على العتبان انهم زبنوك عندهم

[خبير الجزيرة]

عتابه تفخر بعيالها لأنهم يمثلونها خير تمثيل رجال ما يجي بينهم ضعيف ولا يجي بينهم مزورين ولا يجي بينهم نمام حيلته على قده يعرفون أدب الاسلام وطيب النطق وقول وفعل هؤلاء عتيبة الهيلا طحاطيح الرجال خير من ناقل القيل والقال ضعيف المبدء أكثر ما يتحرك فيه لسانه بقول الزور يسود وجه ربعه وقبيلته اللي هو منها أمثالك يا داعس الغامدي حرفنه في الانتر نت تنتقل من موضوع إلى موضوع شاهد قناة الساحه وقول ما شاء الله وفي عين الحسود عود .

[داعس الغامدي]

تم التعديل من قبل مشرف قبيلة عتيبة الهيلا


هذا العضوا لا يحترم نفسه ولا تعتمد مشاركاته في هذا المنتدى