@ شريط العمر @

[سعد غازي]

بسم الله وكفى
والصلاة والسلام على النبي المصطفى

أحبتي ..

مصافحه لقلوبكم الطاهر

في هذا الصرح الرائع الذي اتمنى له الرقي


نسأل الله لنا ولكم العمل الصالح ...

(

)

(


شريط العمر
.
.
شريط العمر لا جيت أعيده وقف ياعبيد=على جال ذكرى والزمن يقصر الجالي

وعمر ٍ مضى قفابه الوقت فوق البـيد= أبـد ما يعيد الوقــت نفســه من التالي

ترى الادمي عمره مسير على تحديد=مسجل على لوحه ضروفه والاحوالي

شقين يعيش العمر والا يعيش سعيد=هذي قسمته ما ينقص الكـيل مثقالي

طفــوله بعـدها شـبة ٍ وأنفـتالت أيـد=بعدها شـباب ٍ يقطع المـر بالحـالي

ورجوله لها بالعمر ميزان حلم وجيد=ولا شاب راسك انحنى الجسم من عالي

وأنا واللـه أني ماخبرت اللـيال تبيد=لاكن الحـياه ابها رحـيل ٍ ومنـزالي

حياة ٍ تزول ولو حصلك بها تمديد=مرد الشباب يشيب والحيد ينهالي

ولا واهنيه القمر كل شهر ولــيد=تقلب مراحل ثم يبدي به هــلالي

ماهو مثل أبن آدم ليا طاح مابه فيد=تهب الهبايب كن ما كان رجــالي

يمر العمر ما نحسبه غير يوم العيد=تذكر بيوم العـيد كنا به اطفــالي

نحسبه مع الاعياد في كل عيد يعيد=زمان مضى قفا على كل الاجيالي

لكِن اللـه أنه يغفر الذنب قبل يزيد= ذنوب أبن آدم ترتجي رحمة الوالي

عسى خاتمتنا صالحه مابها تصعيد= على ذكر ربي بختم القول طوالي
.
.
سعد غازي


دمتم بخير

[صقر الخوالد]

صح لسانك يابو غازي
تسلم على هالقصيدة

[المستشار]

الاخ الكريم سعد غازي
السلام عليكم ورحمة الله وبركاته
اشكرك ايها الشاعر الرائع على هذه القصيدة الرائعة التي تدل على الموهبة الشعرية لديك . والقصيدة بدأها الشاعر بأن عدد مراحل العمر وجعلها اربع مراحل هي: مرحلة الطفولة ومرحلة الشباب ومرحلة الرجولة ومن ثم مرحلة الشيخوخة وهي مرحلة اشتعل فيها الرأس شيبا ومن ثم الهلاك وهو الموت وهو مصير كل حي وختم الشاعر قصيدته بأن سأل الله ان يغفر الذنوب . فشكرا لك يااخي سعد مرة اخرى والسلام عليكم

[وادي جوبة]

يمر العمر ما نحسبه غير يـوم العيـد=تذكر بيوم العيـد كنـا بـه اطفالـي

نحسبه مع الاعياد في كل عيـد يعيـد=زمان مضى قفا علـى كـل الاجيالـي



تسلم يابن غازي على هالقصيدة الرائعة

[سحايب العازمي]

الاخ الفاضل سعد غازي العتيبي



الشاعر

الجزل





الشهاده فيك مجروحه ياعزيزي

اذا كتبت... حركة القلوب معك

الله يحفضك ويرعاك هذا اقل ماقوله

لك تقديري وحترام





الوحيد الذي يأتي دائماً بباقه من الروائع هو انت

حتى يعجز القاريء فيخرج بدون رد وله العذر


بارك الله فيك
اخذتنا بهذي القصيده
الجميله


كما اشكر الاخ المستشار
على هذا تعليق الوافي بارك الله فيه



ولك مني كل وداد وتقدير ياستاذي الفاضل نحن تلاميذك يا سعد غازي