لقيتها

[إبن الخنساء]

أحبتي

أحببت أن أنقل لكم هذه القصيدة أتمنى أن تعجبكم .


لقيتهـا في حـاجـز الـوهـم والخـوف = من بـعـد مـاضـاقـت علـيّـا سنـيني

نظرتها من سـاسـهـا لهـامت الشـوف = وميـزتهـا على أنهــا هـي تبـيـنـي

حـسـيتهـا بالزين زايــد بهـا نـوف = وحـسـيتهــا عـطـفٍ علي وحـنـيني

حـسـيتهـا اللي تفـهـم الحـال وتروف = تبعـد همـوم الـقـلب وتنهـي ونيـني

أنا اعـترفـت بحبهـا صـرت مكشـوف = وهـي علـمـتـني قالـت تمـوت فيني

تمـيزت بالحـب فـي داخـل الجــوف = من دونـهـا مـاشـافـت الـزين عيني

تمكنت وفي سجنهـا صـرت مـوقـوف = وسـجّــانـتي يالــلاسـف تهـتـويني

تـهـوى بي التعـذيب واظـل مكتوف = تـمـوت وتبعـدني عـن اللي يبـيني

كني الغريق الحي يلعـب بـه الطـوف= سـاعـه تبعـدنـي وسـاعـه تجـيـني

تـقـول عـيني ماتبي لغيرهـا تشوف = تقـول كـلّـك في غـلاك احتـويـني

تـدرون عاد ولـو حـصل منها خـوف = تبقـا حياتي ونبـض قلـبي وعـيـني

[صقر الخوالد]

تسلم على هالدرر يابن الخنساء بارك الله فيك
مايغلبني في القصائد الا انت كل ماجبت قصيدة طيبة جبت احسن منها.
انا واياك نجتمع في تذوق القصيد النبطي

[سحايب العازمي]

ابن الخنساء بارك الله فيك على هذا الجهود المميزه


ولك كل تقدير واعتزاز

دايم لك ميزه بالاختيار تخلي القاري


يتجول بين حروفك وحروف اختيارك



لاعدمناك

[سحر]

يااااااة

وش هالروعة .. صح لسان كاتبها وسلمت يمين ناقلها

كل الشكر لهذا العطاء المميز

كن بخير