ياللي زعلت ازعل

[طارق السلمي]

قصيدة أتمنى أن تعجبكم

ياللي زعلت إزعل ولاني مراضـيك = أشرب كدر ماي البحر كانه أرضـاك

لا تحسب أني عقب صدك بداريـك =بأعز نفسي عنك مـدراك مــدراك

أربـع ســنين وأنا متحمـل تغليك = راضي بتعذيبك لأجـل قلبٍ أغـلاك

وخليتني واليــوم والله لأخـليـك =وأدوس قـلبي لينـه يقـول خـلاك

قبـل توريني الحسـاير بأوريــك= ليمن يقـال فـلان هانـك و ورآك

كـانك تحداني فأنـا أقبـل تحـديك = وأنسى الغـرام اللي مـضى وأتحداك

مـاني بقايـل لك عسى الله يهنيـك = الله يحـرمك كـل مـا كان هنّــاك

عـسى العمـى ياخين العهد يعميـك = فوق الغرور اللي عن الماضي أعماك

وعسـاك ما تسمـع قريب يناديـك = حيثك تجاهل صوت محـروم نـاداك

وعسى الشلل يعـوق رجـلٍ تمشيك = لـينك تنـدم ليـه غـيرت ممشـاك

وعسى حياتك بس فرحـة لشـانيك = يلقى بها الفـرصـة عدوك ويشناك

وعسى الليـالي اللي تجيني بطاريك = يصبح عليها الصبح ويموت طريـاك

وعسى المنـام وكل راحة تجافيـك = آمين حتى اللي تمنــاه يجفـــاك

وعساك ما تفـرح وتكثر بـلاويـك =وأمك تشـق الجيب من عظم بلـواك

وإلى مت جعلك في جهنم تصـاليـك =نار الجحيم ونار دنياك تصـــلاك

الله يكـره فـيك حـتى دوانيــك = غشـاش خـاين من من الناس داناك

هذه النهايـة روح والله يجازيــك=أمسـك ويومـك عنهم الغد يجـزاك

[سحايب العازمي]

طارق السلمي اختيارموافق انشاء الله
كما اشكرك على نقل هذي القصيد الجميله
وهي قصيده الشاعر الكويت المعروف طلال السعيد
ابو بندر


ياللي زعلت إزعل ولاني مراضيـك=أشرب كدر ماي البحر كانه أرضاك

لا تحسب أني عقب صدك بداريـك=بأعز نفسي عنـك مـدراك مـدراك

أربع سنيـن وأنـا متحمـل تغليـك=راضي بتعذيبك لأجل قلـبٍ أغـلاك

وخليتنـي والـيـوم والله لأخلـيـك=وأدوس قلبـي لينـه يقـول خـلاك

قبـل تورينـي الحسايـر بأوريـك=ليمن يقـال فـلان هانـك و ورآك

[طارق السلمي]

الاخت العزيزه
سحايب العازمي
شكراً جزيلاً على تعقيبك الجميل على مشاركتي

اخوك
طارق السلمي