!!.." يالعيون الساهره " ..!!

[" العبدلي "]

.
.
.



من شكسبير الفيلسوف اللي تناضره العيون
الي سعاد الشاعره والناقده بنت الصباح
.

ومن حروف الحكمه اللي عزها له نابليون
لين ذاك ابن جدلان يوم له معنى سلاح
.

كل ما ضاقت علي وتهت ما بين الضنون
انتخي في سطورهم واحس لي همٍ يزاح
.

لكن انها يوم راحت ما لقيت الا لحون
حرفي اللي صار ينخى قلبي اللي باح . باح
.

ومن يلوم الشاعر اللي تكتبه ضحكه جنون
من يلوم الناقد اللي ما يشوف الا صباح
.

صرت والله مثل هذا من يخايل له مزون
والمطر خيره ورزقه عند من سمى وطاح
.

يالعيونٍ الساهره يا بنت يا قلبٍ حنون
ارجعي للي يعزك ما بقى فيها مزاح
.

خوف يا طرق المعنى تسقط اوراق الغصون
وما تلد الا تشوف . القبر. واسراب الصياح
.

عقبها ما عاد ينفع طرق واحروفٍ تهون
عند صرخة شاعرٍ بانت به اطروق النجاح
.

ابحروف الشعر والله لو يكون اللي يكون
شاعرٍ قبلي كتبكِ صلبه طرقي وساح
.

والا انا حتى لو انه قاسيٍ حرفي يمون
حالمٍ وانت بكسري مالك ابكسرك صلاح
.

اتركيني تايهٍ ما بين لذات الشجون
مره انذوق المرار ومرةٍ عذبٍ قراح
.

لين ينشف ريقي اللي عذبه طرق ولحون
وما تلد الا تشوف القبر واسراب الصياح


.


.
.
.
.

[العلوي الحربي]

تسلم على هالدرر وصح بوحك يالعبدلي

[صقر الخوالد]

صح لسانك شاعرنا الكبير محمد العبدلي. لاعدمناك طال عمرك والطيب مايجيب الا طيب بارك الله فيك ياخونا الغالي

[مسفر]

صاح لسان الشاعرونتمنا نشوف المزيد

[ابو دريع]

صح صح صح صح صح

لساااااااااااااااااااااانك

يالعبدلي

الله لا يهينك

صرت والله مثل هذا من يخايل له مزون
والمطر خيره ورزقه عند من سمى وطاح