تواصوا هل الحيزا وكل عليها غار....وردّو شريف القوم مانال مطلوبه

[عز العرب]

للجار عند البدوي العربي الأصيل حصانة تفوق الحصانة الدبلوماسية في زمننا هذا ... وللبدو الكثير من الملاحم التاريخية في حماية الجار وإكرامه وحسن معاملته ... ولقد جاوَر (ولايزال) شاعرنا سالم بن صقر بن سالم العرجاني القحطاني مع قبيلة زعب منذ زمن بعيد وسكنوا هجرة الحسي ... وهذة قصيدة للشاعر يمدح بها الشيخ عبدالله بن فيصل السحوب شيخ زعب ورئيس مركز الحسي ويمدحون جماعته لما وجدوه من طيب معشر وحسن معاملة :


تحية وفا نبدي بها مع سلام ٍ حار= لمنهو حضر في الحفل واللي لفوا صوبه
وأبثني التحية مع سلامي للأمير الدار=إمارة وشيخة زعب للقرم منسوبه
أخذ شيخته من راس عودٍ حكيم أفكار=أسلوب الوفا والطيب دايم هو أسلوبه
عسى شايب خلفك يغفر له الغفار=وعسى من يخلف مثلكم تغفر أذنوبه
وأنا بامدح الطيب ومدح السنافي كار=ومدح في ابن سحوب جا وقت ماجوبه
أربوعه زعوبٍ لهم في القديم أذكار=يردون دون الجار لاكبرت الشوبه
ياما سيق دون الجار من غاليات أمهار=وبغاه الشريف وجار زعب تواصوا به
تواصوا هل الحيزا وكل عليها غار=وردّو شريف القوم مانال مطلوبه
أقوله وأنا من روس قوم طوال أشبار=فعايل اربوعي في التواريخ مكتوبه
صناديد عرجان ٍ ثنوا دون حسك أوبار= وكم من عقيد دونها الربع ضحوا به
وسلامتك واسلم ياولد مكرم الخطار=تشرف مكان ٍ يالسنافي تجي صوبه

للشاعر / سالم بن صقر بن سالم العرجي القحطاني

[آل ربيع الغانمي]

أخذ شيخته من راس عودٍ حكيم أفكار
أسلوب الوفا والطيب دايم هو أسلوبه
عسى شايب خلفك يغفر له الغفار
وعسى من يخلف مثلكم تغفر أذنوبه

ما قصرررت

صصح لسااانك يا خوي عــز العرب وصح لسان شااااعررررهاااااا

[خيال زعب]

الاخ عز العرب
،
،
الله يبيّض وجهك
،
،
وتسلم يداك علي نقل القصيده الرائعه
،
،
وصح الله لسان الشاعر وبانتظار المزيد
،
،
ولاهنت يالذيب وقصيدة جزاله ويستاهل الشيخ عبدالله السحوب
،
،

تقبلوا تحياتي


خيال زعب

[المجذمي]

عــز الـعــرب

مرحبا ومسهلا

ولاهنت يالغالي

وصح لسان الشاعر

وقصيدة جزاله وبيض الله وجهك علي نقلها

ويستاهل ابن سحوب

أخي لاتحرمنا من مشاركاتك الطيبه

دمتــ بعــز ومعــــزه

[زعبي والراس عال]

دائما مميز ياعز العرب والله يقويك وصح لسان سالم

ويستاهل ابومحمد

[أبن نابت]

صح لسان الشاعر والله لايهينك اخوي ع الطرح وتقبل مروري اخوك/أبن نابت