ابو دريع
04-06-2005, 04:51 PM
ذهبت بعد عصر الخميس الماضي لروضة التنهات للاستمتاع بهدوء وربيع وجمال وصفاء جو التنهات كما عهدتها، ولكن عندما اقتربت منها فإذا بسحابة من الغبار تغطيها... تعجبت!!! من وين جا الغبار والهواء واقف والمكان اللي أنا فيه صافي ما فيه ريحة غبار.
المهم أكملت طريقي وعندما وصلت تبين لي السبب وهو أني قد جئت وقت النفرة وإذا بسيل من السيارات القادمة باتجاهي تتوطى أي شيء بطريقها وكأنها في سباق الفورميولا. قلت ياولد جنب على جنب وانتظر حتى ينتهي هذا السيل. دخلت داخل العقم جنوب الروضة وتذكرت دخولي لمواقف الحجاج في مكة المكرمة:
http://www.mekshat.com/pix/upload/images7/mk3629_100_3024.JPG
ولكن الفرق إن الناس هنا اللي مطير طيارة واللي يطرطع طراطيع واللي يشتري آيسكريم من سيارات الآيسكريم المنتشرة بكثرة والشباب اللي رافع المسجل على أعلى شيء ويرقص والبنات اللي يتمشن وكأنهن في حوش بيتهن.
قلت في نفسي بحل والله الثمامة عند التنهات.
وانتظر... وانتظر... والسيارات كل مالها تزود قلت ما فيه حل إلا أطلع على عرق التنهات وأجيها من الخلف
وهذي الصورة من فوق الطعس
http://www.mekshat.com/pix/upload/images7/mk3629_100_3034.jpg
ونزلت على الروضة من الجهة الشمالية الشرقية ولم أستطع أن أجد مكانا أوقف فيه سيارتي لالتقاط بعض الصور حيث كان المكان ممتلىء بالسيارات واضطررت أن أدور حول الروضة حتى وصلت للجهة الغربية فإذا بي أجد منطقة مجاورة لسور الروضة طولها تقريباً 300 متر لا يوجد بها سيارة واحدة.
http://www.mekshat.com/pix/upload/images7/mk3629_100_3037.JPG
قلت يا ولد هذي كرامة من ربي واسفط الموتر على جنب واجهز الكاميرا وافتح الباب وأهم بالنزول إلا وهالريحة اللي أنتم خابرين تلفعني بوجهي مير أرجع وأصك الباب وقلت والله ثم والله منيب محرك إلا وأنا ماخذ صور لأخواني في موقع مكشات، واتلطم وانزل مهرولا إلى داخل الروضة والتقطت لكم هذه الصور
http://www.mekshat.com/pix/upload/images7/mk3629_100_3045.JPG
http://www.mekshat.com/pix/upload/images7/mk3629_100_3046.JPG
وعدت مسرعا إلى السيارة وأحركها على عجل فالهريبة أم المراجل على قولت بعض الناس وانا ماشي أطامر بهالحفر والجفر سقط علي واحد من سرعته وغبرته ما قدرت أشوفه، قلت في نفسي لو أنا بالرياض فهذه السقطة لا تعدو أن تكون سقطة ليموزين ويوم انجلى الغبار وتبينت الأمور شوفوا وش طلع:
http://www.mekshat.com/pix/upload/images7/mk3629_100_3054.JPG
ما كذب ظني!!!
وهذا منظر غروب الشمس من خلف غبار عرفات............ آسف قصدي التنهات
http://www.mekshat.com/pix/upload/images7/mk3629_100_3052.JPG
من المنتدى المتميز ( مكشات )
المهم أكملت طريقي وعندما وصلت تبين لي السبب وهو أني قد جئت وقت النفرة وإذا بسيل من السيارات القادمة باتجاهي تتوطى أي شيء بطريقها وكأنها في سباق الفورميولا. قلت ياولد جنب على جنب وانتظر حتى ينتهي هذا السيل. دخلت داخل العقم جنوب الروضة وتذكرت دخولي لمواقف الحجاج في مكة المكرمة:
http://www.mekshat.com/pix/upload/images7/mk3629_100_3024.JPG
ولكن الفرق إن الناس هنا اللي مطير طيارة واللي يطرطع طراطيع واللي يشتري آيسكريم من سيارات الآيسكريم المنتشرة بكثرة والشباب اللي رافع المسجل على أعلى شيء ويرقص والبنات اللي يتمشن وكأنهن في حوش بيتهن.
قلت في نفسي بحل والله الثمامة عند التنهات.
وانتظر... وانتظر... والسيارات كل مالها تزود قلت ما فيه حل إلا أطلع على عرق التنهات وأجيها من الخلف
وهذي الصورة من فوق الطعس
http://www.mekshat.com/pix/upload/images7/mk3629_100_3034.jpg
ونزلت على الروضة من الجهة الشمالية الشرقية ولم أستطع أن أجد مكانا أوقف فيه سيارتي لالتقاط بعض الصور حيث كان المكان ممتلىء بالسيارات واضطررت أن أدور حول الروضة حتى وصلت للجهة الغربية فإذا بي أجد منطقة مجاورة لسور الروضة طولها تقريباً 300 متر لا يوجد بها سيارة واحدة.
http://www.mekshat.com/pix/upload/images7/mk3629_100_3037.JPG
قلت يا ولد هذي كرامة من ربي واسفط الموتر على جنب واجهز الكاميرا وافتح الباب وأهم بالنزول إلا وهالريحة اللي أنتم خابرين تلفعني بوجهي مير أرجع وأصك الباب وقلت والله ثم والله منيب محرك إلا وأنا ماخذ صور لأخواني في موقع مكشات، واتلطم وانزل مهرولا إلى داخل الروضة والتقطت لكم هذه الصور
http://www.mekshat.com/pix/upload/images7/mk3629_100_3045.JPG
http://www.mekshat.com/pix/upload/images7/mk3629_100_3046.JPG
وعدت مسرعا إلى السيارة وأحركها على عجل فالهريبة أم المراجل على قولت بعض الناس وانا ماشي أطامر بهالحفر والجفر سقط علي واحد من سرعته وغبرته ما قدرت أشوفه، قلت في نفسي لو أنا بالرياض فهذه السقطة لا تعدو أن تكون سقطة ليموزين ويوم انجلى الغبار وتبينت الأمور شوفوا وش طلع:
http://www.mekshat.com/pix/upload/images7/mk3629_100_3054.JPG
ما كذب ظني!!!
وهذا منظر غروب الشمس من خلف غبار عرفات............ آسف قصدي التنهات
http://www.mekshat.com/pix/upload/images7/mk3629_100_3052.JPG
من المنتدى المتميز ( مكشات )