الشــعـــــر ظلى فــي قديـمـات الازمــان

[العلوي الحربي]

ياعناد ليل البارحـة يذهـل الجـان=حتى رجال العرف صاروا مجانيـن

ليله غريبه لمـت افـراح واحـزان=واحترت منها كيف راحوا صديقيـن

عفت الشعر يابوك راضـي وقنعـان=خلـه لشعـارٍ جـدد وارد ألفـيـن

لاجر صوته كنـه الذيـب سرحـان=حصني ولو يرمل سواة السراحيـن

والمعرفه بأنظارهم رصـف قيفـان=والمعرفه مهره تخـوض المياديـن

مهره أصيله فوقها سـرج وعنـان=وخيالها يسرج بهـا يسـار ويميـن

والخيل تعرف لو على السرج فرسان=ومن لايطوعها رمت به على الطين

ياعناد ياحر ٍ سكـن روس ضلعـان=حـر ٍ ويعُـرف لاكفـخ بالجناحيـن

حر ٍ ومخلابه لـه الصيـد برهـان=وليا رقى ماعـاد ينشـاف بالعيـن

إخذ الكتاب اللي له الصدق عنـوان=خـط ٍ كتبتـه للرجـال الحشيميـن

إخـذه ووده يافتـى لإبـو ريــان=حمد عزيز ومن رجـال ٍ عزيزيـن

من عزوة ٍ تعرف لها الطيب سيسان=آلاد السواط اللي على الطيب ضارين

تبشر ليا جيتـه بترحيـب وسمـان=في حلة ٍ بالجود تزهر مـن سنيـن

وسلم عليه إعـداد همـال الأمـزان=وعـداد ماكبـر وصلـى المصليـن

وقله تراني لشوفتـه حيـل شفقـان=ولمقابل هل العرف أشفـق ملاييـن

الشعر ظلى فـي قديمـات الأزمـان=سلاح القبايـل ولجوابـي براهيـن

واليوم صار بضاعـةٍ وسـط دكـان=كل ٍ طمع يشريه بعشـره وعشريـن

عفتـه وكبيتـه يغنـيـه سفـهـان=حصيلهم في المعرفه صاع صاعيـن

واقبل عزايه فيـه ياطيـر حـوران=واقبل جواب ٍ ناظمه بيـن حرفيـن

الشطر الاول ناظمـه ينتهـي بـان=والشطر الأخر ناظمه ينتهـي بإيـن

منقول للشاعر العنيد

[سحايب العازمي]

العلوي الحربي
اشكرك على هذي القصيده الجميله
واشكرك على نقل

[المستشار]

الاخ الكريم العلوي الحربي
السلام عليكم ورحمة الله وبركاته
اشكرك من كل قلبي على حسن اختيارك لهذه القصيدة الجميلة , وصح لسان قائلها , والشاعر بدأها بالشكوى من الليل , ومااقسى الليل على الشاعر ففيه تتفتح قريحته ليعبر عما يختلج في داخله فرحا او حزنا . ثم تطرق الشاعر الى تركه للشعر الذي اصبح من وجهة نظره سلعة تباع وتشترى في هذا الزمان من قبل بعض المنتفعين . بعد ذلك تطرق الشاعر الى حنينه لمقابلة صديقه ابو ريان لانه من الرجال الذين لهم حشمة ومقدار كبير في قلبه . القصيدة في مجملها مؤثرة ومعبرة . تتميز بالوضوح وقافيتها موزونة في جميع ابياتها . اسلوبها البياني واضح كما ان القافية من القوافي التي يستخدمها معظم الشعراء لان لها وقعا ممتعا على الاذن , ايضا القصيدة تتميز بالترابط اللفظي بين الابيات , لايوجد في ثنايا القصيدة اي تشويش او تعقيد , لقد شدني فعلا ابياتها , وهذا يدل على تمكن الشاعر وتطويعه للقافية, شكرا لك يالعلوي الحربي مرة اخرى والسلام عليكم

[صقر الخوالد]

الله لايحرمنا منك اخي المستشار ونقدك للقصائد يساعد الشباب في انزال قصائدهم ويتصف نقدك بارك الله فيك بالموضوعية والدقة فلك منا الشكر الجميل . ولا عدمناك طال عمرك.
اخوكم صقر الخوالد