لغز قوي من يحله له بطاقة سوااااااا

[نجم الخوالد]

انشدك عن عود له سنون وضروس وابوه ما طاوع من الناس غيره ذا له سنين بين رايس ومريوس وابوه امين ولا يخالف ضميره
احذف من اسمه حرف واقراه معكوس يطلع لك اسم مشتهر بالجزيره

[المنغبن]

أن ماخاب ضني رمعتي ( حاتم الطائي )

[نجم الخوالد]

صح جوابك وابشر في بطاقة سوااااا

ومشكور على المشاركه بس شكلك ماك بسهل

تبي ارسل لك رقم البطاقه على بريدك

ولا كيف تبي تاخذهاااااااااا

[المنغبن]

مشكور يانجم لخوالد واللي مثلك وشرواك يهدي الأبل

حبينا المشاركة معكم في الألغاز

[ابو دريع]

الله لايهينك يانجم

والله لا يهينك يالمنغبن عز الله رمعه في محلها

انا راح تفكير بعيد مقريت الردود تحت قلت خلني اقراء ثم اشوف الردود

اثرك جبتها يالمنغبن

الله لايهينك يانجم ونعم والله

[نجم الخوالد]

المنغبن تسلم والله والله انك تستاهل كل خير

بس انا حطيت هذا الجائزه لانها بسيطه عشان

يشاركون الربع وتصير فيه شي جديد

ونا ربحت والله ردك الطيب الي يدل على اسلوبك الراقي

بالتعامل مع الناس


وابو دريع تسلم والله على المرور لاكن راحة عليك

جابها الرجال بسرعه

[المنغبن]

وتسلم وتبقى ياولد عمي

[سرحاني الجوف]

اخي نجم الخوالد الحل هو المفتاح وابوه هو القفل وليس الحل هو حاتم الطائي . ارجو ان ترجع لنص اللغز والله يحفظك

[المنغبن]

كيف الحال ياسرحاني الجوف أنت تقول الحل هو المفتاح وابوه هو القفل

مالك لوا الحل مفتاح أحذف منه حرف الفاء وقراه مكوس يطل ( حاتم ) هو الأسم المشتهر بالجزيزه ( حاتم الطائي )

أرجو أن تكون أوصلت المعلومه

[سرحاني الجوف]

اخي المنغبن الحل هو مفتاح وليس حاتم الطائي واما قولك ان الحل هو مفتاح وليس المفتاح هذا صحيح واوردت ال التعريف للمعرفة ولكن حلك انه حاتم الطائي ليس صحيح اطلاقا لانه يقول المثل وفسر الماء بعد الجهد بالماء وشكرا

[المنغبن]

سرحاني الجوف أنت تقول المفتاح وشقصدك فيه

طيب قلي وش الأسم المعني اللي طالبه في اللغز

يقولك في اللغز

له سنين بين الناس رائس ومرئوس وأبوه أمين ولايخالف ضميره

دلك على أنه شخص يقولك أحذف من حرف وقراه معكوس يطلع أسم مشتهر بالجزيره
وش هو الأسم المشتهر بالجزيزة اللي هو حاتم الطائي

[نجم الخوالد]

المنغبن الجواب الي قلته صحيح

هو مفتاح تحذف الفاء ةتعكسه يصير حاتم

سرحاني الجوف

اشكرك على المداخله لاكن نعتبر الحل هو ماقاله المنغبن

لانه لاتفرق ال لان لاتزيد بشي

[أبو عبدالله]

استفدنا كتــيـر

[نجم الخوالد]

جعلك دوم تستفيد يا بوعبدالله

[صقار زعب]

الله يعطيكم الف عافيه

[هقاوي]

يا سلام على هذا اللغز القوي