قصيدة في جميع القبائل منقولة

[نايف الرويلي]

8 يالله ياخالق اراضين وابحار **** الواحد المعبود رازق عبيده

9 الخالق الغفار علام الاسرار **** وفرق شعوب الارض في كل يده

10 وابدي واسولف من عذيبات الاشعار **** ابيات شعر والمعاني وكيده

11 اشري وابيع واعرف كيف بختار **** واختار من جزل البيوت الفريده

12 وذ كرتراث وعز وامجاد وافخار **** قبائل تومن بدين وعقيده

13 وصلت حضارتنا على سطح الاقمار **** ابنا الجزير والجزيره مجيده

14 في ظل حكام لهم فعل واشوار **** ال السعود اللي تفك الضهيده

15 نسل الزعيم الحاكم العادل البار **** مجدد امجاد الجزيره بجيده

16 حتى اصبحت حره وحنا له انصار **** في ظل اخو نوره هنوف سعيده

17 وصارت لابو تركي بطوله وتذكار **** والفخر والامجاد تبقى شهيده

18 وخلف لنا املوك لهم فعل واخبار **** الشعب واحد والقياده رشيده

19 والامن بانينه على ساس وجدار **** وقرو على العابث عقوبه شديده

20 وحنا حماة الدار من كل غدار **** وما همنا بطشه وخبثه وكيده

21 قبائل مالحقناهم اوعار **** وعشنا بهذي الدار عيشه رغيده

22 والحمد لله نحمده سر واجهار **** شعب تكاتف من سنين مديده

23 ودون الوطن جيش على كل معبار **** لارفرف البيرق ونادى عقيده

24 بشرق البلاد وغربها دوم حضار **** وارض الشمال اللي نفوده مديده

25 وارض الجنوب اللي تخيضر بالاشجار **** جزيرة فيها القبايل عديده

26 ارض بها قحطان وافين الاشبار **** وياعز منهم بالشدايد بسيده

27 واذكر عتيبه يوم للطيب مغوار **** لا ثارت الهيجا وقرب ضديده

28 وشمر هل الطولات والجود مقدار **** اهل الكرم واهل الفعول الحميده

29 وقوم اعنزه مروين الاخصام الامرار **** اولاد وايل من عصور عهيده

30 ومطير قوم تكرم الضيف لا زرار **** وياويل خصم في حراهم وعيده

31 واذكر قبيلة حرب يانعم الاخيار **** وتاريخهم يحكي سطور مجيده

32 وسبيع نعم القوم ووجيه الاسفار **** زبن الدخيل ليا زبن من طريده

33 واذكر قبيلة يام والطيب يندار **** اهل العلوم الوافيه والرشيده

34 ثم الدواسر تجعل الخصم منهار **** عيال زايد عز منهم سنيده

35 ثم السهول اللي لها الطيب مدرار **** وعن منهج العادات ماهي محيده

36 ثم اذكر العجمان حماية الجار **** والمرجله والجاه فيهم عتيده

37 واذكر بني مره طويلين الاعمار **** ما ينقد المري ولا له نقيده

38 ثم الهواجر لابة تقدح النار **** اهل الركاب اللي خطاها بعيده

39 واذكر بني خالد قبيلة وامار **** قوم لهم في المجد قول ورصيده

40 وبني تميم اللي لها الطيب مصدار **** بني تميم وكل فعل تجيده

41 ثم الزعوب اللي بها الخصم يحتار **** شجعان ماترضى سوا ماتريده

42 العازمي وافي وفي الطيب بيطار **** روحه على كل المصاعب صميده

43 ثم الظفيري في المصاعيب جبار **** والطيب والامداح باصله وطيده

44 ثم اذكر الاشراف بجلال واكبار **** اهل الحجاز اللي تفك الزهيده

45 ثم الهذيلي له مواقف ومندار **** راعي الفخر راعي العلوم السديده

46 ثم البقوم اللي لهم جيش وامهار **** ريف الضيوف ليا لفاهم وليده

47 واذكر ثقيف اللي لهم مجد وآثار **** ومهما حسبنا من كلام نعيده

48 وبلحارث اهل العز بشهود واقرار **** ا لحارثي ياطيب فعله وجيده

49 والمالكي معروف لا صار ما صار **** في موقف اهل الطيب يبذل جهيده

50 واثني تحياتي عدد وبل الامطار **** على سليم وكل خصم تكيده

51 واذكر جهينه هل مواقيف وادوار **** تلقى الجهيني راسم الطيب بيده

52 واذكر بلي والمجدله فعل واظهار **** وتاريخهم يحكي فعول فريده

53 وبني عطيه في المواجيب حضار **** قوم بوقت الجد قوم عنيده

54 ثم الحويطي والكرامه له اشعار **** ثم الشراري له فعول مفيده

55 ثم الرشيدي في الصعيبات صبار **** على علوم الطيب فعله يزيده

56 وباقي جنوب الدار والقاف مادار **** باقي على قلبي كلام واشيده

57 زهران نعم القوم في وقت الاضرار **** والخصم عينه من لقاها سهيده

58 والغامدي معروف له عزم واصرار **** راعي المراجل والعلوم المفيده

59 وشمران قوم والجمايل لها اطوار **** وبلقرن سم للقلوب النكيده

60 والاكلبي والمحلفي مابعد بار **** والحارثي طيبه وفعله يشيده

61 وبني شهر وبني عمر سيف بتار **** قوم على الاخصام نار وقيده

62 والاسمري والاحمري صيتهم سار **** بين القبايل والمواقف شهيده

63 واذكر عسير الهول ذربين الاذكار **** وابها احتموها فالسنين الشديده

64 وادهم والصيعر على حد الاقطار **** يحمون حد الدار من اللي يريده

65 وامشي مع الساحل مع جمله افكار **** رسمتها والطير زان اتغريده

66 وانزل على جيزان تاريخ واديار **** ورجال فيفا والقبايل عديده

67 وارجوا العذر واهل المواجيب عذار **** الي نسيته مانذكر في القصيده

68 الواهبي عدد ابيوته بالادوار **** من شاعر ماشل قلبه حقيده

69 شهران ربعي هم هل المدح والكار **** واهل الكند واهل السيوف الجديده

70 يوم البلد مايامن الزند لاثار **** زيزومنا ابن مشيط نعم الوليده

71 فالجهل شجعان وفي السلم تجار **** من بطن بيشه للتهم لارفيده

72 حبيت ابين موقفي بين شعار **** وارجوا سموحتكم على ذا النشيده

73 ماحب انافق واتعنصر تعنصار **** ولا ني باطيع اهل العقول البليده

74 ما كل من طب البحر قيل بحار **** وما كل من شل الفشق جاب صيده

75 فالشعر بستان به ورد وازهار **** واللي تعداها بيوته فقيده

76 واقولها في الشعر تكرار وامرار **** ضرف بلا عنوان يلغى بريده

77 وبعض السوالف له مواقف ومحضار**** وشعر بلا معنى لزوم نبيده

78 وصلوا على المرسول شفاع الابرار**** محمد الهادي وقدوة عبيده

[راعي الهدلا]

تسلم يانايف على القصيدة العصماء الرائعة

لك الود والإحترام على كتابتها

[سحايب العازمي]

نايف الرويلي
اشكرك على نقل وصح وجدانك
ولاهنت

[نواف العنزي]

والله ونعم بهم كلهم

تسلم يا نايف على ما قمت به

دمت لنا

[نايف الرويلي]

راعي الهدلا دائما انت سباق بالاوله

سحايب ......... مشكور علئ المرور

نواف وانت نواف مشكور لك



نايف الرويلي

[م/ عايد الظفيري]

بصراحة أعجبتني


ألف شكر لك أخوي نايف على هذا النقل الرائع

[بني خالد]

مشكور يا نايف وما قصرت

[معشي الطرفا]

مشكووور يانابف

على القصيده وتسلم يمينك

بس بني لام وينهم

[اللورد]

مشكور حبيبي نايف الرويلي

ونعم بالجميع ألف نعم

وقبلهم ونعم بك

[طريف]

قصيدة في قمة الروعة
وهذا الترابط لقبائل مملكتنا الحبيبة.. سلالة ابناء صحابة رسول الله صلى الله عليه وسلم

و شكرا للاخ /نايف

اخوكم
طريف الشراري

[العثمان بني صخر]

و النعم بقبايل مملكة ال سعود ادامهم الله...........................

[جراح الشراري]

تسلم يمناك وراح اجيب قصيده بالقبائل

[ابوطارق]

تسلمون وتسلم يأخ جراح الشراري مقدما