وحيد الحب

[العلوي الحربي]

تفارقنا وفي عيني من أهـــداب الشـــــمس جمـــره=وفيني غصــة(ن) تفضح دمــوع(ن) ما تخلــيني

تـــمنيتــك معـــي تــــوفي وتخــلصـلي ولـــو مـــــره=خــســــارة مـت في جــوفـي مــثل ما مـاتت ســـنيني

تعلقت بهدب عــيني ، غبــــــار(ن) بس يا حســـره=سقطت بلحظة(ن) أذرف دموع(ن) من شرايـيني

تبي ترمـــيني انســان(ن) تحطـم في الهوى عمره=وترجـع لأجــل ما تســـرق من البــاقي كحــل عينـي

وباكر وسط هــالـــديرة بتفـــضــح قلــــبي وســـتره =وتنشــر قصـــتي عنـــدك ووســـــط الــهم ترمــيني

خلاص الحـــب كفـّــنته ودفــــنته في وســط حـــفره=وماتــت وردة (ن) حمرا نــمت ما بيــــنك وبـينــي

ومن غـــدرك ومــن ظــلمك تعــلم خاطــري يـــكره=يا ذيب(ن) فــي جــلد انســان يـغـدر بالسكــاكيني

لســـانك بالعســل ينـــطق وفي كل يـــوم له نبـــره=عســى لو ينـــقطع منـك و ألــــعب فيــه بيـــــديني

[سحر]

العلوي الحربي

صح لسانك والله لايهينك
حروف مليئة بالشموخ
وآخر بيت كان قاسِ شويتين


تحيااتي لك