مرثيه كتبها الشيخ / عبدالله محمد ابوشوارب العريفي في ابنه المغفور له عمر (توآق)

[صقر الخوالد]

بـــســـم اللهـ آلرحمن الرحــيـــم


هذه مرثيه كتبها الشيخ / عبدالله محمد ابوشوارب العريفي

في يوم الاربعاء 2\10|1429

أمنوا على ما فيها من دعاء ولا تنسوه من دعواتكم....




لا اله إلا أنـــــت يـــآرب الــعـــبـــآد=لا اله إلا انـــت يــــــآرب الـــبـــشــــر

لآ اله إلا انـــــت ذآ عــــلــــمٍ وكــآد=لآ اله إلا أنـــت والــجــآحــد كــــفـــــر

لآ اله إلا أنـــت فضـلــك في إزديــآد=لآ اله إلا أنـــت عـــبـدك لـك شــكــــر

أحـمـدك والحـمـد لـك والشـكـر زآد = حـمـدٍ أرجي مـنـه يـبـنـى لـي قــصــر

يبتـلي المـؤمـن حـسب مالله أفــآد=يـبتلي ويـآحـظ مـن يـقـوى الــــصـــبـر

خـــآتمــة شـهـر الصـيــآم والله أرآد=دنـــدن الجـــــوآل جــعـلــه للـــكســـر

قـلـت هـآت الـعلـم عجِــل بالمــرآد = قـآلوا إن { تـوآق } فـي حــآلة خـــطـــر

رآح فـيـصـل والـفـهــد والـخـوف زآد = وأكــــدوا عـــلـم الــــوفــآة بـــلآ حــــذر

هـلً دمعي وصرت أطآلع في سوآد= وأرتـفـع ضـغطـي وصرت أبكي عـــمـــر

وأتــجـــهــت لخـآلقي رب العــبــآد= أطـلـبــه مـــنَـه علـيـــــنـآ بـالـــــصــبـر

والله إنــك يـآ عــمـر عـنـدي جــوآد = والله إنــك فـي عـيــــونـي والـنــــظـــر

والله إن حبــك سكن وسط الفـــؤآد= وإن فـقـدك عـنـدي الـمــوت الـحــمـــر

كيــف أبنسى ضحكتك لي بإجتـهآد= وكيف أبـنـسى حـبـتـك رآسـي عـشـر

وكيف أبنسى شوفتك وسط المهآد= وكـيـف أبـنسى شوفتي لك في القـبـر

جـعـل قـبـرك روضـــه فـيـهـــآ زبــآد= ويـــوسـعـــه ربــي عــلـى مـد الـبـصـر

وجـعـل زوجــآتك من الـحـور الجـدآد= وفـي جـنـآن الـخـلـد يـــبـنى لك قـصــر

ويـصـلـح أخـوآنـك ويـرزقـهم سـدآد= والــخـــوآت يـمـن عـلـيـهـــن بالــسـتـر

والـخـتـم صـلَـوا عـلى هآدي العبآد =عــــدد الأحــــجـــآر وأورآق الــشـــجــر

[صقر الخوالد]

مرثيه من الخطيب في المرحوم / عمر عبدالله ابو شوارب


صبر جميل




ليت الزهيبي مآبعث لي رسآله = ولا جآبهآ الجوآل في ليلة العيد

عيد رمضان الي تبين هلالة =وهلال ربعي ضمنوه الملاحيد

نكره فراق الشهر والي مثاله= ونفرح بعيد ورحمة الرب لسعيد

اقرا الرسالة والنواظر همالة= والقلب كنك تبرده بالمباريد

حروفها كالهاوية من سلالة= ومضمونها للحال مثل العباريد

فيها خبر ميتة عمر وارتحالة= هلالنا الي غاب نسل الاماجيد

قد بان فيه النور وابدا جمالة= وغطاه غيم الحادثات المناكيد

حر صفالي لين قلبي صفاله=والحر له عادات للصيد والفيد

اختارني له صاحبن في مجاله= واخترت وده بين كل الاواليد

خلق وادب واللطف معه السهالة= وابعد عن العيات والمكر والكيد

فيه الكرم والجود فيه الشكالة= صاد التقى وفي مرتع الغي ماصيد

شب وترعرع مايعرف الميالة= مامال عن دربة سوات المقاريد

رباه ابوه الي وفا في عياله= من دون تفريط ومن دون تشديد

فيهم بذل جهده وحالة ومالة= لين استعدوا له سوات العناقيد

وصيب باخرها بجذة حبالة= مصيبتن والشيخ ماهوب رعديد

تحمل المكتوب والي جرا له= بإيمانه الي كسر الحزن والقيد

من عرف ربه ماغتوته الجهالة= بالصبر ماجور والى من شكر زيد

يامن لحمل الحزن نوخ وشاله=لاسباب فقده للقريبين وبعيد

اصبر وعز النفس في كل حالة=ولا الحدث والله يفت الجلاميد

ارجع لربك واجتهد في سؤالة=انه يمد القلب صبر وتوحيد

ومن العزا يضفي على الكل هالة= تمسح دموع الحزن جوز وتفاريد

هذي تعازي مخلصن والعزا له= معكم يشارك في نزول وتصعيد

ماهالكم والله من الخطب هالة= وماسركم سره ومن دون تفنيد

واثني العزا للي معه عاش داله= كبيرهم وصغيرهم والفراهيد

واقول للوالد والاخوان وآله=واقراب واحباب فعله شواهيد

صبر جميل وابشروا بالجمالة= الله عطا وان خذ رضا دون تنديد

هو ربنا الي له كمال العدالة= الي جعل للعمر مدة وتحديد

والموت ماخص الكبير الهلالة= من وقف يومه مات لوهو على الديد

والناس كلن قد جرا له عبالة= محدن على الدنيا سليم البواريد

دنيا الفنا كم سببت من كلالة= وكم كدرت من صافيات المواريد

وكم فاقدن لابنه وعمه وخالة= وامه وابوه ومن خوانه عواضيد

الله يجمعنا بهم في ضلالة= ضلال عفوة في جنان وتبريد

والله يعوض من فقدنا خصالة= جناة عدن الي بها كل تخليد

ويعضم اجر الوالدين بزوالة= ويلهمهم السلوان والصبر تضميد

ويبارك الله في خوانه بدالة= ويزيدهم بالعمر مهلة وتمديد

والله يحسن خاتمة من جمالة= قد بركت للشيل حولة ملابيد

والله يرحم من بقبرة لحالة= من ربعنا واخواننا بالاسانيد

وصلوا على المختار راعي الرسالة= عداد مابجبال مكه من الحيد


الخطيب 29/9/1429

[أبومحمد الخالدي]

{الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ }

الله يغفر له ويرحمه ويوسع مدخله وينقيه من الخطايا والذنوب كما ينقى الثوب الأبيض من الدنس
أسأل الله أن يجعل قبره روضة من رياض الجنة وأن يرزقه أهل خير من أهله وبيت خير من بيته
وأن يلهم أهله وذويه الصبر والسلوان.



أحر التعازي لوالد الفقيد و اخوانه وعائلة العريفي
الله يجبر مصابهم ويخلفهم في مصيبتهم خيرا ًمنها .

[مشكال]

{الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ }

الله يغفر له ويرحمه ويوسع مدخله وينقيه من الخطايا والذنوب كما ينقى الثوب الأبيض من الدنس
أسأل الله أن يجعل قبره روضة من رياض الجنة وأن يرزقه أهل خير من أهله وبيت خير من بيته
وأن يلهم أهله وذويه الصبر والسلوان.



أحر التعازي لوالد الفقيد و اخوانه وعائلة العريفي
الله يجبر مصابهم ويخلفهم في مصيبتهم خيرا ًمنها .

[صقر العماير]

أحر التعازي لوالد الفقيد و اخوانه وعائلة العريفي
الله يجبر مصابهم ويخلفهم في مصيبتهم خيرا ًمنها .