الحب ما يبذر بأرض صباخي

[صقر الخوالد]

الحب ما يبذر بأرض صباخي =والشبرمة ما جت بتينة وخوخة

والحبل لو شدِّيت لابد راخي =والقدر من حره يطوّح ببوخه

يقول لك أهلاً وسهلاً وياخي =مادام له حاجة ويحبل فخوخه

وباكر إلى منه قضا بالصراخي =ياقبلك والله يكافي طخوخه

مدري اختلاف الناس وإلا المناخي =أنشد رجال العرف وأنشد شيوخه

وراسي من اللي شفت صدَّع وداخي =ولا فادني طب الطبيب ومروخه

وأنشدك ياللي شاب راسه وشاخي =أنشدك شف الطير همل فروخه

وأقول لك ونا نذير وناخي =ولدك لا يمشي دروب الدلوخه

ولا تفرح ليا شفت فيه انتفاخي =جسم بلا عقل مذلة ودوخه

ولا يشغلك مال وجاه ومناخي =ودش مثاني اللي يلفظ وصوخه

وأصحى السفر لديار لين ورخاخي =وولدك بالحارة يمارس طروخه

درب الردى ذلة وفيه التباخي =والطيب لأهل العز باب وخوخه

مثايل سارت مسير الطخاخي =ومسيرها ما به كلوفه وصوخه

وعط الخطا من هجر حتى كلاخي =صلوا على اللي عزنا في شموخه



منقوووووووووول لشاعر مجهول

[سحايب العازمي]

الاخ صقر الخوالد

منقول في قمة الجمال بارك الله فيك


مدري اختلاف الناس وإلا المناخي
أنشد رجال العرف وأنشد شيوخـه

[ابن مرداس]

مثايل سارت مسير الطخاخي= ومسيرها مابه كلوفه وصوخه


حكم صحيحة في قمة الروائع, صح لسان قايلها, وطول الله عمر ناقلها
يعطيك الف عافيه على هذا النقل الطيب.


تقبل تحياتي...............