قصة وقصيدة قديمة لمشوط ال محيميد السهلي و رحيل العنزي

[دمي سهلي]

بسم الله الرحمن الرحيم
هذا مما قال الشاعر : رحيل بن سودان الخمشي العنزي عندما قام برحلة إلى النفود مع بعض أصحابة ووصلوا إلى بلدة أم رجوم وقاموا بتعبئة سياراتهم من محطة البنزين في نفس البلدة فقابلهم صاحب المحطة / مشوط أبو غصين المحيميدي السهلي وكان ذلك الوقت في ليلة باردة فقال لهم وهو لم يعرفهم ولم يسبق ان شاهدهم ، يا جماعة تفضلوا عندي عن البرد والمطر ولزم عليهم كثيرا حتى وافقوا ودخلوا عنده ليشربوا القهوة ففاجئهم بدخوله عليهم ومعه راس ذبيحتهم وأكرمهم في تلك الليلة وباتوا عنده حتى الصباح

فقال الشاعر/ رحيل هذه الأبيات




يا لله عسى أم رجوم للسيل واغيوم=سحب ورى سحب تروي تراهـا
ديرة هل المعروف لاجيت ملـزوم=دار بها ابو غصين يـذري ذراهـا
ذباح جل الضان والعقـر الكـوم=كم حايل للضيف ينثـر دماهـا
جيناه في ليل به البـرد مسمـوم=عساك يابو غصين تلقـا جزاهـا
الضيف عندك يافتى الجود محشـوم=عاشـت يميـن عارفيـن نداهـا
تنشرلك البيضاء على كل مزمـوم=تزهاك يابو غصين مكـرم لحاهـا
والله ماعرفه يوم جينا هاك اليـوم=لاشك نفسـه للمراجـل قواهـا
وهذا الفخر ماهي سواليف وعلوم=ولا المعرفـه بـيـن مستـواهـا
كل يسير ويلبس البشت وهـدوم=مير الفخر باللي حـدوده حماهـا
الطيب لاهل الطيب ساس ومرسوم=وكل على مجنـاه يرقـا إعلاهـا
تم الجواب اللي على البال مفهـوم=واهدي سلامي عد ماطر سماهـا
تمت وصلوا عد من يدر ج الحـوم=علـى نبـي سنـة الله مشـاهـا