البنك لولا لوحتـه مـا عرفنـاه

[صقر الخوالد]

أنقل لكم هذه القصيدة التي تعبّر عن معاناة بعض أفراد المجتمع مع الفقر وظروف الحياه الصعبة
وهي للشاعر المعروف/ سعود بن جمعان
أتمنى أن تحوز على رضاكم واستحسانكم . .






ياهل الوظايف قولـوا الحمـد الله=على معيشتكم ولودربهـا ضنـك

انا ومثلي دخلنـا لـو وصفنـاه=حوذ الحنك ما فيه زود عن الحنك

لا طاح قرش ٍ في يدينا قرشنـاه=ودايم طفارا الله يجيرك ويامنـك

البنك لولا لوحتـه مـا عرفنـاه=من قل ما ندخل على موظف البنك

ما غير نقـرا لوحتـه ونتعـداه=وان قيل هذا البنك قلنا اتركه عنك

لا واهنيـك يالغنـاوي هنـيـاه=ترقـد وحنـا بالدراهـم نمونـك

نفرح ليا من المعـاش استلمنـاه=ويهـج منـا قرشنـا ويتزبنـك

مكسبك من ناتج تعبنـا ضمنّـاه=كنا على جمع الدراهـم نعاونـك

والله لو تصرف ربع ما صرفنـاه=ليصيبك السكر مع الضغط والتنك

ولولا جهدنا وجهدنا اللي بذلنـاه=ما تنفخ اذروبك وتملا مخازنـك

مير المقدر ما لنا غيـر نرضـاه=مرزقك منا وسقمت ارقابنا منـك

[نجم الخوالد]

صقر مقدر اقول الى انها معبره