هذه المحاوره جرت بين الشاعرين سعد بن جدلان الأكلبي و الشاعر ظافر بن سعود السهلي ..

[الهبوب الباردة]

ظافر بن هندي :

يالاكلبي قرّب لعلّك ما تهـون=
عندي علومٍ يا عسى تفطن لها
الله يا علـمٍ لفـا بالتيلفـون=
خلاّ جنون الشعر تحضر كلهـا

سعد بن جدلان

اللي يمون انقول له قلّط تمـون=
واحدٍ نقل يا ذيـب زلّ وخلّهـا
انتو عوارف تسمعون وتنظرون=
واللي يبـرّك للحمـول يشلّهـا

ابن هندي

خل الميانه مير لـدّ إلـيّ العيـون=
من شان نفرق دقهـا مـن جلّهـا
يا شعيل شيل الحمل من فوق المتون=
ساعه بساعـه والـدروب اندلهـا

ابن جدلان

لا تحصرون الدر في ديس اللبون=
فك الصرار احسن لكم واحسن لها
الطيّبـون القالطـون القالطـون=
قلنا لمن يتقـن صلاتـه صلّهـا

ابن هندي

انته توصي وانت للبضعه زبون=
ناسٍ كما حضرتك ويش اعملّها
للناس لون ولك يبن جدلان لون=
حنا نعرف اهل الوفا من دلّهـا

ابن جدلان

السابقون انتو وحنا اللاحقون=
من رز له خيمه يجي في ظلّها
عزالله انكم كلبوكـم طيّبـون=
لكن ما اعرف دقها من جلّها

ابن هندي

اثرك تتبّعنا ونحـن غافلـون=
ياملّ عينٍ غافلـه يـا ملّهـا
ظنيت بالفارس وخابن الظنون=
ماهوب لاقي ديـرةٍ يحتلّهـا

ابن جدلان

انتو برازات السهول المؤمنون=
بعض المراضا عندكم طبٍ لها
نبغي نختمّها بخير وتسلمـون=
يا عزوةٍ جابي لها حـبٍ لهـا

ابن هندي

ان كان صايبكم من الدنيا جنون=
حنا نحشـر اجنونكـم ونعلّهـا
ان مات ابويه ما كليته بالسنون=
ياللي سكاكينك عليـه اتسلّهـا وسلامتكم

[بادبيان النوّحي]

صحة السنة الشعار
وسلمت يد الناقل
اشكرك اخوي الهبوب الباردة على هذا النقل الطيب

[عزوتي الوايليه]

مشكور على النقل بصراحه روعه موفق بإذن الله ... لك مني أجمل تحية .

[الباشاني]

شكرا للك على الموضوع الاكثر من رائع وبارك الله فيك

[الوحيشي البلوي]

شـكــ وبارك الله فيك ـــرا لك ... لك مني أجمل تحية .