الشعر عبدالله بن سويلم الغامدي وسعد بن معيض المقاطي

[معدي الرجم]

هذه القصيده للشاعر عبدالله بن سويلم الرفاعي الغامدي شاعر المحاوره
وهي إهداء الى زميله وصديقه / سعد بن معيض المقاطي العتيبي

صوتيه

http://www.youtube.com/watch?v=hbmw6jzxHrc



الشاعر عبدالله بن سويلم الرفاعي الغامدي

سلام ياراعي النياق المغاتير

اللي كرم كفه يبين بحلاله

ذرب على شوفه نسوق التباشير

ورد السلام القصد مع كيف حاله

ليه يذكر حول خب المحيفير

اما جنوب العرق والا شماله

ودايم دلاله فوق ناره مباهير

يفرح ليا من المسير عناله

من فرحته لا شاف ظول المناعير

يطوح شماغه وطوح عقاله

راعي الجزاله مايهاب المخاسير

يمدها جزله وراعي جزاله

وانا عليه للمقاطي فواتير

رصيدها كله جميل وجماله

وإن قيل منهو قلت من دون تأخير

سعد معيض اللي ليا جا مجاله

كل ينعم به ومذكور بالخير

ياحظ عود جا سعد من عياله

على سعد بأطلق لقب سالم الزير

يسوى مية رجال عندي لحاله

من عزوة عتيبه سيوف بواتير

وأكبر فخر يوم ان خوالي خواله

ربعه عتيبه مكرمين الخطاطير

وخواله بقوم الكرم والشكاله

والنعم بالعتبان ستر الغنادير

أميرهم لو يثقل الحمل شاله

هذا وانا من عزوة شانها غير

غامد لها في كل عليا رساله

ربعي لياجات الليالي المعاسير

كل يقول الهم مالك وماله

وباقي القبايل نعم من دون تقصير

كل على هداج ورد حباله

وصلوا معي وعداد ماغرد الطير

على نبي صادق في مقاله

وسلامتكم

[ميدو العالم]

صح لسان ابن عمي بن سويلم ولا هنت يامعدي الرجم على كتابة القصيدة وعتيبة تستاهل المدح