يامرحبا ترحيبةٍ تقعد الرأس

[هب الريح]

قصيده تشرح واقع الحال
نسأل الله الهدايه لمن زل عن
وصايا الدين الحق واتّبع هواه

يامرحبا ترحيبةٍ تقعد الرأس=ببلاش مانبغي ورا عدها فلوس
كيف الذي لاوحى بها جاء له عماس=اللي يجي كيفه على بـنّ محموس
للي غلب بمودّته ساير الناس=اللي يشرفني وخـوّته ناموس
اللي يبادلني شعوري والأحساس=واعقـّب اللي قلوبهم سود ونجوس
ومنها ابستثني كذوبٍ وبـلاّس=اللي ورانا غاديً كنه الموس
ازرى مابين اهل الوفا ينثر خياس=مابينهم ينخر كما نخرة السوس
ومنها نعقـّب هافي الأصل نخّاس=من المراجل خالي وفاض ديـّوس
نفسه رديه للمواعين لحـّاس =من الردى نفسه تحده لدنفوس
والحاسد اللي لدغته قرص ندّاس=سمه ذحاح ورميته صنـّة القوس
نفسه خبيثه جعله الله للفأس=والا تحت تنكر ممدد ومهروس
انا احمد الله ما جعلناه مقياس=و بالمجتمع حنـّا نسميه فيروس

[سحايب العازمي]

الاخ هب الريح
صح وجدانك قصيده في قمة الجمال بارك الله فيك

ازرى مابين اهل الوفا ينثر خياس
مابينهم ينخر كما نخرة السوس

ومنها نعقّب هافي الأصل نخّاس
من المراجل خالي وفاض ديّوس

نفسه رديه للمواعين لحّاس
من الردى نفسه تحده لدنفوس

[سحر]

:
:
:

رااائع ياريح


قرأتها ومؤكد أني سأعوود

لمصافحتها من جديد


صح لســانك
وتعلا شانك


ودمت مبدعا

[صقر الخوالد]

مجاراة لقصيدة شاعرنا هب الريح عسى ربي يوفقه نزلت هالقصيدة المنقولة


بـأسم ربي ابتدينا بالكتابه=الله اللي خالق(ن) كل العبادي
كلنا نعبده نخشيه ونهابه=ربي اللي خالق(ن) حظر وبوادي
ارفع ايدي واشتكيلك يا الهي=تهدي العربان وانته خير هادي
الردى يزداد من عام(ن) لعامي=وكل صاحي كنه بحلم الرقادي
بعضنا يشوف الغلط لكن يسكت=من فعول الناس قد زاد الفسادي
كل من يسكت فهو شيطان (ن) اخرس=شاف درب (ن) ابيض وزاده سوادي
علموني يا عرب وين الذيابه=علموني وينكم ياهل المبادي
المعزه عندنا صارت مذله=اكثروا منهم يكبرون الوسادي
الثعل يزداد وكلن ما درابه=والذيابه مالقت ذيب(ن) سنادي
الردي ما يمشي الا بخيزرانه=بالعصا يمشي وبالظربه يقادي
يقطع الله كل من زاد البلاوي=يالله انك تقطعه يا خير هادي
كل شر ايزيد والخيرات تنقص=اولتها نار واخرها رمادي
ياسلامي للرجاجيل الكرامي=الحرار اللي مخالبهم حدادي
خاتمتها هالعمر يا ناس فاني=اولتها نار واخرها رمادي
منقوووووووووووووووووول

[المستشار]

الاخ الكريم هب الريح
السلام عليكم ورحمة الله وبركاته
اشكرك لهذا الابداع الرائع الذي نطق به لسانك وسطرته يمناك , فلقد امتعتنا بهذه القصيدة الجميلة التي تعالج سلوكيات وتصرفات بشرية حقيرة , لاهم لها الا بث احقادهم وسمومهم ضد الاخرين , وهؤلاء السفهاء لا يدركون ان قليل السفه يمحو كثير الحلم , وبالرجوع للقصيدة نجد انها احتوت على الايجاز والاطناب والكناية والتلميح , وهذا يدل على تمكن الشاعر وبقوة في تطويع الكلمات من اجل ايصال الفكرة والهدف للقراء , واقول لهؤلاء السفهاء : لقد قيل في الماضي : ماأدرك السفيه ثأرا ولا محا عارا . وليس لك أيهاالسفيه من دنياك الا مااصلح مثواك , ومع الاسف الشديد ان مثل هذه النوعية من البشر لا تدرك انه من صان لسانه نجا من الشر كله . وفعلا كما قال السلف : غنم من ادبته الحكمة وأحكمته التجربة , فشكرا لك ياابو احمد على هذا الطرح الجميل عبر هذه الابيات المعبرة والمؤثرة , والسلام عليكم

[هب الريح]

الاخوات

سحايب العازمي وسحر

مشكورين

لا هنتوا

[هب الريح]

ابو عبداللــــه

لاهنت على المرور المشرف

والف شكر على المداخله الطيبه منك يا طيب

[هب الريح]

مستشارنا الغالي

تشرفت بمرورك واسعدني تعليقك على الموضوع

واثمن لك اشادتك واطرائك يطول لي عمرك

يعجبني تحليلك للموضوع ويهمني رأيك

الله لا يحرمني منك وانت سالم وغانم

[اللورد]

والحاسد اللي لدغته قرص ندّاس

سمه ذحاح ورميته صنّة القوس




ابداع بمعنى الكلمة

شكراً هب الريح

[هب الريح]

اخي :-mansour_23

الروعه في تواصلكم بارك الله فيكم

الف شكر على المرور مقرون بالـــود

[ابراهيم العريفي]

هب الريح سلمت ودمت يالغالي على هذه القصيده التعبيريه والتي تشرح عن فيروسات

تعيش بيننا وهذه الظاهره موجوده بكثره ويجب الاحتراس منها واخذ الحذر والابعاد

عن هولاء الاشخاص والفيروسات المدمره التي لاتنفع معها برامج الحمايه....وصح لسانك


ولك تحياتـــــــــي,,,,,,,,,,

[هب الريح]

الاخ الغالي : ابراهيم العريفي

الله يسلمك ويبقيك يابن الاجواد

ويشرفني مرورك وتعليقك الاكثر من رائع وهذى والله ابرك الساعات

اللي نشوف فيها مشاركاتك الطيبه ولا خلا ولا عدم ... الف شكر

[م/ عايد الظفيري]

جزاك الله خير على هذه الوصايا

[هب الريح]

ويجزاك بالخير

شرفني مرورك

يالقرم.