عائلة السعيري

[al_hnoon]

عائلة السعيري والسعران في الرياض إلى أي قبيلة يرجعون

[ولد الخضير الزعبي]

هلا و غلا بك اخووي

بالنسبه للسعيري مدري عنهم

اما السعران في الرياض هم من قبيلة زعب السُلميه
وان كان فيه غيرهم اتمنى الافاده

[الســـامر]

السعيري لقب تصغير لاحد ابناء سعران جد هالعائلة بارك الله فيك ..

سعران الرياض وجنوب الرياض يقولون انهم من فخذ قبيلة معروفة بوادي الدواسر وابناء سعران الي بالقويعية يقولون انهم زعوب والي يظهر لي انهم ابناء جد واحد ولكن انتقال بعضهم عن طريق القويعية والبعض الآخر عن طريق الافلاج كان سبب الاختلاف ..

[شماليه]

مادري....

تحياتي لك

[السعران]

عائلة السعيري والسعران في الرياض إلى أي قبيلة يرجعون

شوف مرجعهم وديرتهم لجل تعرف لايش ينتمون
بالنسبه لسعران اللي ساكنين بالرياض واصلهم من القويعية هم زعوب وانا واحد منهم
ولكن غيرهم ياخوي فيه من ينتمي لقبايل ثانيه وفيه اللي مهوب اصيل وعانين كثير من كذبهم علينا وانتسابهم لنا وسعران الزعوب اللي بالرياض عبارة عن عبدالله بن عبدالعزيز بن ناصر واولاده ((سعد.عبدالعزيز. عبدالرحمن. متعب))بجنوب غرب الرياض محمد بن عبدالعزيز بن ناصر السعران واولاده((عبدالرحمن. عبدالله. سعد. طارق. فراس)) بعد بجنوب الرياض وشمال الرياض هم سعد بن عبدالعزيز بن ناصر و اولاده((عبدالعزيز فقط)) وناصر بن عبدالعزيز واولاده((عبدالعزيز. عمر)) فقط هم السعران المنتسبين لقبيلة زعب بالرياض اتمنى قد افدتك بمعلوماتي عن اهلي وجاهز عن اي استفسار عن عائلة السعران المنتسبه لقبيلة زعب

[السعران]

السعيري لقب تصغير لاحد ابناء سعران جد هالعائلة بارك الله فيك ..

سعران الرياض وجنوب الرياض يقولون انهم من فخذ قبيلة معروفة بوادي الدواسر وابناء سعران الي بالقويعية يقولون انهم زعوب والي يظهر لي انهم ابناء جد واحد ولكن انتقال بعضهم عن طريق القويعية والبعض الآخر عن طريق الافلاج كان سبب الاختلاف ..

معلوماتك خاطئه ومافيها اي شي من الصحه بالنسبه لسعران القويعيه فهم من زعب وهم فقط ثلات عبدالعزيز بن ناصر السعران وعبدالرحمن بن ناصر السعران وسعد بن عبدالله السعران اخوين و ولد عمهم عبدالعزيز بقي بالقويعيه وابنائه واحفاده هم من يقطنون الرياض والقويعيه حالياً والجد عبدالعزيز توفي منذ ما يقارب السبع سنوات وعبدالرحمن بن ناصر ذهب الى قطر وتوفي فيها وهو صغير ولا يوجد له ذريه وبالنسبه لسعد بن عبدالله فسافر مع ابوه منذ صغره وهو وحيد والده الى الأحساء وابنائه واحفاده هم من يسكنون في المنطقه الشرقيه سعران الحريق والافلاج وغيرهم لا ينتمون الى سعران الزعوب بأي طريقه عائلة السعران عائلة محصوره ولقبو بهذا القب من قريب ويستطيع اي فرد من ابناء عمومتهم من زعب ان يحصيهم لك بالعدد فتثبت من معلوماتك جزاك الله خير قبل طرحها للعامه مشكور

[خالد بن جارالله]

في السعران بمدينة بـريـدة بالقصيـم من قبيلة عـنزه ،،،،،،،، وفيه السعران في الشماسية والربيعية بالقصيـم من قبيلة الدواسر

[صقر الخوالد]

معلوماتك خاطئه ومافيها اي شي من الصحه بالنسبه لسعران القويعيه فهم من زعب وهم فقط ثلات عبدالعزيز بن ناصر السعران وعبدالرحمن بن ناصر السعران وسعد بن عبدالله السعران اخوين و ولد عمهم عبدالعزيز بقي بالقويعيه وابنائه واحفاده هم من يقطنون الرياض والقويعيه حالياً والجد عبدالعزيز توفي منذ ما يقارب السبع سنوات وعبدالرحمن بن ناصر ذهب الى قطر وتوفي فيها وهو صغير ولا يوجد له ذريه وبالنسبه لسعد بن عبدالله فسافر مع ابوه منذ صغره وهو وحيد والده الى الأحساء وابنائه واحفاده هم من يسكنون في المنطقه الشرقيه

هذا المعلوم عندنا بارك الله فيك وهم اخوال بعض ابناء بني خالد حسب مافادوني الخوالد عن خوالهم.

[الســـامر]

شوف مرجعهم وديرتهم لجل تعرف لايش ينتمون
بالنسبه لسعران اللي ساكنين بالرياض واصلهم من القويعية هم زعوب وانا واحد منهم
ولكن غيرهم ياخوي فيه من ينتمي لقبايل ثانيه وفيه اللي مهوب اصيل وعانين كثير من كذبهم علينا وانتسابهم لنا وسعران الزعوب اللي بالرياض عبارة عن عبدالله بن عبدالعزيز بن ناصر واولاده ((سعد.عبدالعزيز. عبدالرحمن. متعب))بجنوب غرب الرياض محمد بن عبدالعزيز بن ناصر السعران واولاده((عبدالرحمن. عبدالله. سعد. طارق. فراس)) بعد بجنوب الرياض وشمال الرياض هم سعد بن عبدالعزيز بن ناصر و اولاده((عبدالعزيز فقط)) وناصر بن عبدالعزيز واولاده((عبدالعزيز. عمر)) فقط هم السعران المنتسبين لقبيلة زعب بالرياض اتمنى قد افدتك بمعلوماتي عن اهلي وجاهز عن اي استفسار عن عائلة السعران المنتسبه لقبيلة زعب

والنعم فيكم ياسعران القويعية

ماجانا منكم الا كل علم غانم

وكرم الشيخ عبدالرحمن نسمعه وحنا على مسافة اميال ومن زمن بعيد والي بينسب نفسه لكم فالفخر له

وبالنسبة للعوائل الي ذكرت وموجودين في الرياض فالثابت انهم من وادي الدواسر وانهم عيال سعران الي كان عايش قبل 250 سنة وله احفاد انتقلو من الوادي واستوطنو الافلاج والحريق والي بالرياض غالبيتهم عيال محمد الي جاء عن طريق القويعية وناصر الي جاء مع الخرج اما الباقي فنزلو في الاماكن الي ذكرتها سابقاً

كل هذا ثابت بصكوك موجودة اصولها عند عيال عمهم بالحريق وتؤكد تفرع العائلة من 250 سنة

اتوقع جدكم سعران قريب ومن غير المناسب تاريخيا ربط آل سعران الي ذكرتهم بكم

وثانياً المشتهر عندهم انهم دواسر و كذلك هي الحال بمعارفهم واقاربهم من حيث الزواج والقربى

مافي عائلة بهالحجم وانا اخوك تظهر من لاشيء ولكن بعض العوائل بوقت الجوع تتشتت ويرغمها الوضع الاجتماعي انها تنغمس حسب البيئة الي هي فيها وحتى بعد ظهور معلومات تفيد بان لهم اصل ومرجعية يبقى بعض الصعوبة من ناحية الاعتراف بهم او صعوبات من داخل العائلة من ناحية اختلاط الزواجات وغيرها

استمتعنا بالحوار معك يابن سعران وعسى الله يحفظ عليكم شيبانكم ويخلهم لكم ذخر

وبالمناسبة ودامه انطرح هالحوار فلنفي الاشتباه ياليت تخربنا عن تاريخ جدك سعران وعن درب بن سعران الي بالقويعية

تراكم اهملتو هالتاريخ