قناص
05-01-2005, 03:27 AM
السلام عليكم ورحمة الله وبركاته وبعد
هذه قصيدة للشاعر /فرحان بن قيران العنزي بعنوان
ياخوف قلبي
يامل عين تهامل تقل مطروفة=نوبات ارد الدموع ونوب تقواني
سمعت للناي تال الليل معزوفه=والناي صوته حزين ويبعث أشجاني
كن المحاني بحدالسيف منصوفه=حسبي على اللي فتح جرحي وخلاني
والحال من ماتشوف العين منحوفه=بري القلم قامت الشدات تبراني
اشوف الادرع يدوج ومعجبه صوفه=والجوع يطوي ضلوع الذيب سرحاني
واشوف ناس لجمع المال ملهوفه=على الردى كل واحد يطردالثاني
ياخوف قلبي من المجهول ياخوفه=زيف الحقايق يعزز حجة الجاني
القصد معروف والنيات مكشوفه=غلطان ياالمنتظر خسران ياالعاني
يانفس منتي ورى المقفين مكلوفه=ماعاد ينفعك لاقاصي ولاداني
من صدعني ضعينه قلت ذالوفه=لامنه زودي ولا بيديه نقصاني
عواطفي تقل بالبارود منسوفه=مشاعري سمدت واهتزت اركاني
اللي يمينه عن الطولات مكفوفه=وش فايدة رجعته لوهو حدا اخواني
كانه نسي واجبي ماهمني شوفه=والله لورَيه نسيانه ونسياني
اللي يبيني يدل البيت ويشوفه=قلبه دليله ولايحتاج عنواني
لودوني الناس منتشره ومرصوفه=ينشد ويرجع وينشد لين يلقاني
لو العراقيل في ممشاه مصفوفه=يصبر لها ويتخطاها على شاني
والياتعذر عن المسيار بظروفه=وقفت ركض الحياة ورحت له عاني
كانه تجاوز خطايه شفت معروفه=مايرصداخطاي كود قلوب عدواني
ومن لابغاني لو الطوفه على الطوفه=تروح الايام لاجيته ولاجاني
ياصار باللون الاسود صابغ جوفه= ماتصنع الود بيبانه وبيباني
وسلامتكم
هذه قصيدة للشاعر /فرحان بن قيران العنزي بعنوان
ياخوف قلبي
يامل عين تهامل تقل مطروفة=نوبات ارد الدموع ونوب تقواني
سمعت للناي تال الليل معزوفه=والناي صوته حزين ويبعث أشجاني
كن المحاني بحدالسيف منصوفه=حسبي على اللي فتح جرحي وخلاني
والحال من ماتشوف العين منحوفه=بري القلم قامت الشدات تبراني
اشوف الادرع يدوج ومعجبه صوفه=والجوع يطوي ضلوع الذيب سرحاني
واشوف ناس لجمع المال ملهوفه=على الردى كل واحد يطردالثاني
ياخوف قلبي من المجهول ياخوفه=زيف الحقايق يعزز حجة الجاني
القصد معروف والنيات مكشوفه=غلطان ياالمنتظر خسران ياالعاني
يانفس منتي ورى المقفين مكلوفه=ماعاد ينفعك لاقاصي ولاداني
من صدعني ضعينه قلت ذالوفه=لامنه زودي ولا بيديه نقصاني
عواطفي تقل بالبارود منسوفه=مشاعري سمدت واهتزت اركاني
اللي يمينه عن الطولات مكفوفه=وش فايدة رجعته لوهو حدا اخواني
كانه نسي واجبي ماهمني شوفه=والله لورَيه نسيانه ونسياني
اللي يبيني يدل البيت ويشوفه=قلبه دليله ولايحتاج عنواني
لودوني الناس منتشره ومرصوفه=ينشد ويرجع وينشد لين يلقاني
لو العراقيل في ممشاه مصفوفه=يصبر لها ويتخطاها على شاني
والياتعذر عن المسيار بظروفه=وقفت ركض الحياة ورحت له عاني
كانه تجاوز خطايه شفت معروفه=مايرصداخطاي كود قلوب عدواني
ومن لابغاني لو الطوفه على الطوفه=تروح الايام لاجيته ولاجاني
ياصار باللون الاسود صابغ جوفه= ماتصنع الود بيبانه وبيباني
وسلامتكم