من الرثاء في الشيخ سعود بن صقر

[ابو دريع]

من رثاء الشيخ ( سعود بن صقر العريفي )

وهو من مواليد 1240تقريبا

هذا من رثاء الشاعر ابو هويشل في الشيخ سعود بن صقر العريفي من اهل بلده مزعل
______________________________________________




ياركب يالي جا من البعد وانكف =من ينتصون اهل الركـاب المواجيـف

اللي تبون تحتيه راح وازلف=الخير اللـي يدهلـه ضيـف و ضعيـف

ياطول ما في سوقه الهجن وقـف =يـرده كمـا ورد القطـا للطاطيـف

ينتصون بيته ما يبون الموصف=الى بغـو كبـش مـن الحيـل و الكيـف

صلوا عليه العصر صف ورا صف =ودموعهم تجري كما ما طر الصيف

شيخ بكاة الغرس ومخضب الكف =والجار يبكي والجماعه مـع الضيـف

من عاد بي تنصون ياهل الردف =ما للنضا في السـوق عقبـه تواقيـف
__________________________________________________ _

1/ ينتصون : يقصدون للضيافه _ الواجيف / ضرب من السير
2/ اللي تبون / الذي تريدون _ ازلف / ذهب موليا _ يدهله / يرتاد بيته
3/ الهجن _ مطايا الركبان _ الطفاطيف / او شال الماء العذبه الصافيه
4/ ينصون : يقصدون _ ما يبون الموصف / ما يريدون دليلا الى بيته فهو معروف بشهرته
5/ ماطر الصيف / يراد به مطر الربيع الغزير
6/ بكاه الغرس / يعني نخله _ مخضب الكف / النساء والجار و الجماعه بكوه مع الضيوف
7/ من عاد _ من ذا ؟ _ المردف جمع مردفه وهي الناقه اذا ركبها اثنان معا
النضا / الابل _ الواحده نضو_ عقبه / بعد موته

[المشوبش الفريجي]

صح لسانك اخوي ابو دريع
وشكرا على المعلومات الرائعه
تحياتي لك ...