علمك بحر

[ابن اطعيميس]

سلام ربي تعداد وبل الامطار = تعداد ما هبت من الشرقي هبوب
سلام ربي تعداد ورق الاشجار = تعداد ما سارت ناس بالدروب
من الي لك عندهم معزة ومقدار = تسكن وسط الحشا وجوف القلوب
طلابك الي علمتهم معنى الصرار = وكل منهم ماخذ من اسلوبك اسلوب
وعلمك بحر من ضمن عدة ابحار = وكل ماخذله من العلم مشروب
يرتوي منه العقل بزينات الافكار = ويتباهابه يوم كل بفكرة مهيوب
يلي بطلتك تشرق سمانا بالانوار = وشمسنا بغيبتك تعلن لنا غروب
ودامك عطيتنا العلم من دون انكار = نعطيك المحبة ولابها من عيوب
ومن شرب من البحر ما يرميبه حجار = وكل منا في بحر علمك يجوب
عسا ربي يعطيك الاصحاب الاخيار = وعسا ربي يجنبك شينين الدروب
عسا دربك مفروش بورود وازهار = وعسا بدنياك محد عنك ينوب
عسا عمرك من طويلين الاعمار = وعسا بطول عمرك تغفر لك الذنوب
دكتورنا الي سقتلة زينات الاشعار = يشهد اللة ما بحروفها حرف مغصوب
جاتك حلالك مثل ما السيل مدرار = تفوح ابياتها بريحة الهيل مصبوب
هذي دعاوي من لك عندهم مقدار= دونتها لك وسط شعري المكتوب
طلابك الي علمتهم معنى الاصرار = وكل منهم ماخذ من اسلوبك اسلوب
سلام ربي تعداد وبل الامطار= تعداد ما هبت من الشرقي هبوب
__________________

[محمدفهد]

موفق بإذن الله ... لك مني أجمل تحية .