المجالسي

[صقر بجيله]

مجالسي/كلمات الشاعر / زايد المالكي




الا يا الله دعيتك يـا مجيـب == دعيتك وانت من قلبي قريـب
وروحي في مناجاتك تطيـب== تسيرني على قـول الثباتـي
الا يا الله طلبتـك يـا كريـم == طلبتك وانت رحمـن رحيـم
طلبتك وانت عن حالي عليـم== ولا تخفى عليـك الخافياتـي
الا يا الله يا مبـدي النجـوم == الا يا الله يا مجلـي الهمـوم
الا يا الله في حـظ(ن) يقـوم== ولا يشمت بنا راع الشماتـي
الا يا الله في تقـوى وديـن== وتجعلنا هـداة(ن) مهتديـن
على سنـة محمـد مقتديـن == وتجعلنا من اهـل الحسناتـي
تجمعنا عسى ذالجمـع خيـر== عسى يشمل كبيره والصغيـر
وندعي الله فاولهـا واخيـر== يجنبنا الهـروج المخطياتـي
بعدهـا ودي اتمثـل واقـول== اقول اللي يبي الدنيا جهـول
ترى الدنيا وما فيهـا يـزول== ولا بعد الحيـاه الا المماتـي
تفكر في جوابـي يـا مثيـل== ومقل فـي كلامـي يامقيـل
وفكـر فالنهايـه والحصيـل== وفكـر فاللحـود المظلماتـي
ذكرت الله وانا عابـر سبيـل== ذكرت الله في عدل(ن) وميـل
وبالله ما يبي يعمـى الدليـل== ولا يخطي العلـوم الطيباتـي
ترى الدنيا دوايرهـا تـدور== ترى الدنيا وما فيها غـرور
ومن يخلط حلاهـا بالمـرور== يفكر فالقـرون الماضياتـي
ولا تسأل عن الدنيـا طبيـب== اسال اللي مجرب يـا لبيـب
ومن يسعى ويقنع بالنصيـب== ويومن بالقضـا والحاكماتـي
تبون الصدق والعلـم المفيـد== لا نقصـا ولا علمـا يزيـد
وجود الموت في حبل الوريـد== من ايات الالـه المحكماتـي
انا شاعر وقاسيت الظـروف== وعديت النوايب والصـروف
لقيت الناس فالدنيا ضعـوف== تشوف ازوال من تحت العباتي
نهار الخير يا كثـر الحلـول== وكلا قام فـي جنبـك مثـول
تقـل ذولا يوفـون الاصـول== وانا جنب الرجال اللي ثقاتـي
صحيح اللي تمثل يـا رجـال== تمثل من تجارب يـوم قـال
الى مالت ومال الدهـر== ماحد حولك نهـار النايباتـي
في الدنيا ترانـا وش نقـو ل== تمعن في كلامـي يـا مثـول
ترى الدنيـا مقرتهـا تهـول== سواة اللنش فوق الموج باتي
ان بنصحك يا زيـن الشبـاب== ترى الايام مجراهـا شبـاب
لكن احذر يجي لـلاش بـاب== صديق اللاش ما يهنا المباتي
لا بد المرء ما ياخذ صديـق== لحيث انه من الوحده يضيـق
لكنه يحتـذر غـدر الرفيـق== ولو انـه كريمـا بالصفاتـي
ولا كذبتني شف وش يصيـر== شف العالم في الوضع الخطير
تناحـر واشتباكـات وغيـرك== كبار القوم والنخبـه جناتـي
تعاهدنـا وبالله مـا نخـون== مـع قايـد مسيرتنـا نكـون
ابو متعـب تعـداه الظنـون== حزاة الخصم لطـام العداتـي
ودون المملكه يبـدي رجـال ==رجالا مـا يهابـون القتـال
وفاهم يـوم يشتـد النضـال== يروون السيوف المرهفاتـي
الا يـا الله تحمينـا وكــا ن== وتكفينا حواديـث الزمـان
تمكنـا علـى دينـك مكـان== وجنبنا الـدروب الموثماتـي
ختام القول يا زيـن الختـام== على اللي ناض من مكه وقام
صلاتي عالنبي سيـد الانـام== نبي الخير واتباعـه هداتـي

صح لسانك يازايد بن عوض...وشكرا لك