العجاجي
05-11-2005, 03:08 AM
بسم الله الرحمن الرحيم
الحمد لله والصلاة والسلام على رسول الله وعلى آله وصحبه ومن والاه...وبعد:
الشريف بركات ، هو من أشراف مكة ، والذين ينسبون إلى الحسن بن علي -رضي الله عنهما- أحد سبطي الرسول صلى الله عليه وسلم من ابنته فاطمة الزهراء رضي الله عنها وعن أمها.
وكان بركات من أشهر أشراف مكة ، وهو شاعر مجيد ، وشعره ملئ بالحكمة والرجولة ،وأحببت أن أشارك في منتدى الأشراف الكرام بهذه القصيد والتي ينصح فيها ابنه مالك -رحمهما الله- :
يا الله يا اللي كل الأمات ترجيــك=يـا واحد مـا خاب حي ترجّاك
يا رب عبد ما مشى في معاصيــك=ولا يـمشي إلا في محبتك ورضاك
يا مرقب بالصبح ظلّيـت اباديـك=مـا واحـد قبلي خبرتـه تعلاّك
ولّيت ياذا الدهر ما اكثر بلاويـك=الله يـزودنا السلامة مـن اتلاك
يا اللي على العربان عمّت شكاويك=ولـّيت يا دهر الشقا ولّ مقواك
واليوم ها الكانون غـاد شبابيـك=تـلعب به الأرياح من كل شباك
يا مالك اسمع جابتي يوم أوصيـك=واعرف ترى يا بوك بآمرك وانهاك
وصيّة مـن والـدٍ طامـعٍ فيـك=تسبـق على السّاقه لسانه العلياك
أوصيك بالتقوى عسى الله يهديـك=لـها وتــدركها بتوفيق مولاك
الله برب أجدادك العزّ يعطيـــك=مـرضاته مـع ما تمنّى من مناك
احفظ دبشك اللّي عن الناس مغنيك=اللــي ليا بان الخلل فيك يرفاك
واعرف ترا مكّة ولاها بناخيــك=لو تشحذه خمسة ملاليم ما اعطاك
إجعل دروب المرجلة من معانيـك=واحــذر تميّل عن درجها بمرقاك
لا تنسدح عنها وتبغيني أعطيــك=جميــع ما يكفيك ما حاصل ذاك
أدب ولدك إن كان تبغيه يشفيـك=وان ضاقــت أمه لا تخلّيه يالاك
إمّا سمج واستسمجك عند شانيـك=ويفر من فعـله صديقك وشرواك
ولاّ بعد جهلـه ترا هـو بياذيـك=لـو زعـلت أمـه لا تخلّيه يالاك
واحذر تضيّع كل من هو ذخر فيك=معـروف لا تنسـاه واوفه بعرفاك
ترى الصنايع بين الأجواد تشريـك=إلـيا طـمعت بـغرسها لا تعدّاك
واحذر سرور بغبّة البحـر يرميـك=ولا عنده أفلس من تشكّيك وبكاك
وأوف الرجال حقوقها قبل توفيـك=لا توفِيـه بـالقـول فالحق يقفاك
وهرج النميمة والقفا لا يجي فـيـك=وإيـّاك عـرض الغـافل إيّاك إيّاك
تبدى حديـث للملا فيـه تشكيـك=وتـهيم عند الناس بالكذب واشراك
واليا نويت احـذر تعلـم بطاريـك=كـم واحدٍ تبغى به العرف و اغواك
واحذر شماتة صاحبٍ لك مصافيـك=ولـيا جـرى لك جاريٍ قال لولاك
ولا تـحسبـنَّ الله قطـوعٍ يخليـك=ولا تفـرح إن الله علـى الخلق بدّاك
الضيف قدّم له هـلا حيـن يلفيـك=ومـما تطولـه يـا فتى الجود يمناك
إحذر تلقّى الضيف مقرن علابيــك=خلـه مـحبٍّ لك صديقٍ إذا جاك
و اوصيك زلاّت الصديق إن عثا فيك=مـا زال يغطّاها الشَّعر فاحتمل ذاك
راعه ولو شفت إنه ما يراعـيك=عسـاك تكسر نيته عن معاداك
واحذر عدوك لو ظهر بى يصافيك=خـلّك نبيه وراقبه وين ما جاك
لا تأمنه واطلب من الله ينجِّيـك=ويكفيك ربّك شر ذولا وذولاك
شفني أنا يا بوك بآمرك وانهيـك=عن التعرض بين الأثنين حذراك
إذا حضرت طلابة مع شرابيـك=إسمع لهم بالصلح واللاّش يفداك
ابذل لهم بالطّيب ربك ينجيـك=ولا تجضع الميزان مع ذا ولا ذاك
أما الشهادة فأدها إن دعوا فيك=بيّن عمود الدين لا عميت أرياك
بالك تماشي واحدٍ لك يردّيـك=طالـع بني جنسك وفكِّر بممشاك
رابع أصيلٍ في زمانك يشاكيـك=لا شاف خِلاَّتك عن الناس غطّاك
واحذّرك عن طرد المقفِّي حذاريك=عليـك بالمقبل واترك اللّي تعدّاك
ثم العـن الشيطـان ليّـاه يغويـك=تــرى ان تبعته للشرابيك ودّاك
واوصيك لا تشكي عليـنا بلاويـك=أنت السبب طرفك عيونك بيمناك
واعرف ترا اللّي وطا الفعر واطـيك=ولاّ أنت أعز من الجماعة هذولاك
المسك يا راسي من الذل واخطيـك=واحـذر تكلَّم يا لساني حذاراك
والطف بجارك وقم من دون عانيـك=وافـطن لما يعنيك عن ربعة خواك
يا ذيب وان جتك الغنم في مفاليـك=فـاكمن إليـن ان الرّعايا تعدّاك
فيما مضى يا ذيـب تفرس بياديـك=واليوم جـا ذيبٍ عن الفرس عدّاك
يا ذيب عاهدني و اعاهدك ما ارميك=ما أرميك أنا يا ذيب لو زان مرماك
والنفس خالف رأيها قبل ترميــك=تـرى لها الشيطان يرمي بالاهلاك
ومن بعد ذا لا تصحب النذل يعديك=وعن صحبة الأنذال حاشاك حاشاك
ترى العشير النذل يخلف طواريك=وانا ارجي انّك ما تجي دون آباك
والهقوة انك ما تجي دون اهاليـك=ولا اظـن عود الورد يثمر بتنباك
والحُرّ مثلك يستحي يصحب الدّيك=وانّ صـاحبه قاقا مقاقاة الأدياك
لا تستمع قول الطّرف يوم يلقيـك=بالكذب يقضي حاجته كل ما جاك
من نمّ لك نمّ بك ولا فيه تشكيـك=و اليـاه قـد زرّى رفيقك وزرّاك
عندك حكي فينا وعندي حكي فيك=واصـبحت كارهنا وحنّا كرهناك
ما اخطاك ما صابك ولو كان راميك=واللّي يصيبك لو تتقّيت ما اخطاك
مير استمع منّـي عسـى الله يهديك=الــنصح يا مالك لك الله المولاك
عنـدي مظنّـة مـا تمثلتها فيـك=واطلب لك التوفيق من عند مولاك
تمت...والحمد لله.،
العجاجي
الحمد لله والصلاة والسلام على رسول الله وعلى آله وصحبه ومن والاه...وبعد:
الشريف بركات ، هو من أشراف مكة ، والذين ينسبون إلى الحسن بن علي -رضي الله عنهما- أحد سبطي الرسول صلى الله عليه وسلم من ابنته فاطمة الزهراء رضي الله عنها وعن أمها.
وكان بركات من أشهر أشراف مكة ، وهو شاعر مجيد ، وشعره ملئ بالحكمة والرجولة ،وأحببت أن أشارك في منتدى الأشراف الكرام بهذه القصيد والتي ينصح فيها ابنه مالك -رحمهما الله- :
يا الله يا اللي كل الأمات ترجيــك=يـا واحد مـا خاب حي ترجّاك
يا رب عبد ما مشى في معاصيــك=ولا يـمشي إلا في محبتك ورضاك
يا مرقب بالصبح ظلّيـت اباديـك=مـا واحـد قبلي خبرتـه تعلاّك
ولّيت ياذا الدهر ما اكثر بلاويـك=الله يـزودنا السلامة مـن اتلاك
يا اللي على العربان عمّت شكاويك=ولـّيت يا دهر الشقا ولّ مقواك
واليوم ها الكانون غـاد شبابيـك=تـلعب به الأرياح من كل شباك
يا مالك اسمع جابتي يوم أوصيـك=واعرف ترى يا بوك بآمرك وانهاك
وصيّة مـن والـدٍ طامـعٍ فيـك=تسبـق على السّاقه لسانه العلياك
أوصيك بالتقوى عسى الله يهديـك=لـها وتــدركها بتوفيق مولاك
الله برب أجدادك العزّ يعطيـــك=مـرضاته مـع ما تمنّى من مناك
احفظ دبشك اللّي عن الناس مغنيك=اللــي ليا بان الخلل فيك يرفاك
واعرف ترا مكّة ولاها بناخيــك=لو تشحذه خمسة ملاليم ما اعطاك
إجعل دروب المرجلة من معانيـك=واحــذر تميّل عن درجها بمرقاك
لا تنسدح عنها وتبغيني أعطيــك=جميــع ما يكفيك ما حاصل ذاك
أدب ولدك إن كان تبغيه يشفيـك=وان ضاقــت أمه لا تخلّيه يالاك
إمّا سمج واستسمجك عند شانيـك=ويفر من فعـله صديقك وشرواك
ولاّ بعد جهلـه ترا هـو بياذيـك=لـو زعـلت أمـه لا تخلّيه يالاك
واحذر تضيّع كل من هو ذخر فيك=معـروف لا تنسـاه واوفه بعرفاك
ترى الصنايع بين الأجواد تشريـك=إلـيا طـمعت بـغرسها لا تعدّاك
واحذر سرور بغبّة البحـر يرميـك=ولا عنده أفلس من تشكّيك وبكاك
وأوف الرجال حقوقها قبل توفيـك=لا توفِيـه بـالقـول فالحق يقفاك
وهرج النميمة والقفا لا يجي فـيـك=وإيـّاك عـرض الغـافل إيّاك إيّاك
تبدى حديـث للملا فيـه تشكيـك=وتـهيم عند الناس بالكذب واشراك
واليا نويت احـذر تعلـم بطاريـك=كـم واحدٍ تبغى به العرف و اغواك
واحذر شماتة صاحبٍ لك مصافيـك=ولـيا جـرى لك جاريٍ قال لولاك
ولا تـحسبـنَّ الله قطـوعٍ يخليـك=ولا تفـرح إن الله علـى الخلق بدّاك
الضيف قدّم له هـلا حيـن يلفيـك=ومـما تطولـه يـا فتى الجود يمناك
إحذر تلقّى الضيف مقرن علابيــك=خلـه مـحبٍّ لك صديقٍ إذا جاك
و اوصيك زلاّت الصديق إن عثا فيك=مـا زال يغطّاها الشَّعر فاحتمل ذاك
راعه ولو شفت إنه ما يراعـيك=عسـاك تكسر نيته عن معاداك
واحذر عدوك لو ظهر بى يصافيك=خـلّك نبيه وراقبه وين ما جاك
لا تأمنه واطلب من الله ينجِّيـك=ويكفيك ربّك شر ذولا وذولاك
شفني أنا يا بوك بآمرك وانهيـك=عن التعرض بين الأثنين حذراك
إذا حضرت طلابة مع شرابيـك=إسمع لهم بالصلح واللاّش يفداك
ابذل لهم بالطّيب ربك ينجيـك=ولا تجضع الميزان مع ذا ولا ذاك
أما الشهادة فأدها إن دعوا فيك=بيّن عمود الدين لا عميت أرياك
بالك تماشي واحدٍ لك يردّيـك=طالـع بني جنسك وفكِّر بممشاك
رابع أصيلٍ في زمانك يشاكيـك=لا شاف خِلاَّتك عن الناس غطّاك
واحذّرك عن طرد المقفِّي حذاريك=عليـك بالمقبل واترك اللّي تعدّاك
ثم العـن الشيطـان ليّـاه يغويـك=تــرى ان تبعته للشرابيك ودّاك
واوصيك لا تشكي عليـنا بلاويـك=أنت السبب طرفك عيونك بيمناك
واعرف ترا اللّي وطا الفعر واطـيك=ولاّ أنت أعز من الجماعة هذولاك
المسك يا راسي من الذل واخطيـك=واحـذر تكلَّم يا لساني حذاراك
والطف بجارك وقم من دون عانيـك=وافـطن لما يعنيك عن ربعة خواك
يا ذيب وان جتك الغنم في مفاليـك=فـاكمن إليـن ان الرّعايا تعدّاك
فيما مضى يا ذيـب تفرس بياديـك=واليوم جـا ذيبٍ عن الفرس عدّاك
يا ذيب عاهدني و اعاهدك ما ارميك=ما أرميك أنا يا ذيب لو زان مرماك
والنفس خالف رأيها قبل ترميــك=تـرى لها الشيطان يرمي بالاهلاك
ومن بعد ذا لا تصحب النذل يعديك=وعن صحبة الأنذال حاشاك حاشاك
ترى العشير النذل يخلف طواريك=وانا ارجي انّك ما تجي دون آباك
والهقوة انك ما تجي دون اهاليـك=ولا اظـن عود الورد يثمر بتنباك
والحُرّ مثلك يستحي يصحب الدّيك=وانّ صـاحبه قاقا مقاقاة الأدياك
لا تستمع قول الطّرف يوم يلقيـك=بالكذب يقضي حاجته كل ما جاك
من نمّ لك نمّ بك ولا فيه تشكيـك=و اليـاه قـد زرّى رفيقك وزرّاك
عندك حكي فينا وعندي حكي فيك=واصـبحت كارهنا وحنّا كرهناك
ما اخطاك ما صابك ولو كان راميك=واللّي يصيبك لو تتقّيت ما اخطاك
مير استمع منّـي عسـى الله يهديك=الــنصح يا مالك لك الله المولاك
عنـدي مظنّـة مـا تمثلتها فيـك=واطلب لك التوفيق من عند مولاك
تمت...والحمد لله.،
العجاجي