(( ديوان ابو عقاب العريفي ))

[صقر الخوالد]

بسم الله الرحمن الرحيم
السلام عليكم ورحمة الله وبركاته
هذه القصيدة للشاعر ابو عقاب العريفي وقد قالها ردا على احد أصحابه وهو المسمى في القصيدة بأبي بكر عندما قال له ان يقول قصيده عن أحوال المسلمين





اثني علـى الله اوصافـا حميداتـي
وهـوا لعليـم بمـا حاكتـه نياتـي
مافيـه ربـا سـوى ربـي نقدسـه
سبحان من عرشه فـوق السماواتـي
امنن على عبدك العاصـي بمغفـرة
ياقابل التوب كفـر لـي خطيئاتـي
يامعطي المحسنيـن الخلـد واهبهـم
حورا حسانا فأجزل فـي العطياتـي
وبعد هذا الثناء العـذب قلـت لكـم
اهـدي تجـاه ابـي بكـر تحياتـي
نشكو الـى الله مـن احـوال أمتنـا
قتـل وغـدر وتشـريـد بآهـاتـي
ياربي فانصرشباب العـزّ فـي بلـد
عـز الجهـاد بأبطـال ورايـاتـي
الى متى الضيـم يـا حكـام أمتنـا
ام قد تعودتمـوا قاسـي الاهاناتـي
كم بالعراق وكم بالقدس مـن رجـل
يقول مـن ايكـم ابـدى مواساتـي
عاث الروافض والكفـار فـي بلـد
ابـدى التجلـد وقـت المدلهماتـي
مـن خـان امتنـا يومـا سنبغضـه
بغض الروافض من محض اعتقاداتي
ياطير هذا سلامي طر الـى رجـل
صـاب العلـوج بألـوان النكاياتـي
نريد حطيـن اخـرى يـا أسامتنـا
دع التواريـخ تحفـل بالبطـولاتـي
اقول يامسلمـون اليـوم لا عـرب
حان الجهاد على ارض الرسالاتـي
انـا المجاهـد لـو قطّعتنـي اربـا
فلن أهاب العـدا هـذي اعترافاتـي

[ابوعقاب العريفي]

بسم الله الرحمن الرحيم
هـذه الـقـصيـدة قـالـهـا/ابـوعـــقـاب الـعـريـفـي
وقد قلتها عندما علمت بأن الشيخ شويش بن سلطان والأخ
سعود الزيتـون والأخ محمد العريفي قد أنهوا ماحصل من
خـلا ف بين شباب الـمـنتدى من بني خالد أصـلحـهـم الله


مـبدى كـلامي بالـــسـلام وتـراحيـب=اهـدي تحـية والفـضا ماارتـحـبـهـا
هانت على ابوعــقاب رقي الـمراقيب=يـنظم بـيـوت سـكـّها وارتقبها
(اعنك) واهلها من هل الجود والطيب=وبل المطر والبرق ما اطفى حطبها
شويــش بن سـلـطان مافـيه تـعـتيب=يوم ان كـثير الـناس نبدي عتبها
شد الـمراجل والـسـنع بالـمـقاضيب=شيخ الـصـباحا والـشـياخة قضبها
عـز الله ان شويــش رجـل الـمـواجيب=صيـته مع الـعربان باقـصى عربها
انا اشـهد ان شـويـش صـقر بمخاليب=يـقبل على الفرسان لوما احتسبها
هو مـقـصد الـعـربان لاجو مـسـاليب=يـنـزع غـصـيبة قـوم ما يستلبها
الـيا حصـل فـي جـور الايـام تجذيب=عشـر بـكـار بـيـض لك يـجـتذبها
قولـي لـبو سلـطـان مـافـيه تعقيب=ماحـدن من الشـعّار جا يـعـتقبها
ياسعود بن زيـتون عنـدي مـطالــيب=وانته كـــفوا للي تجاهك طلبها
هرج السفاهة والــغلط له لواهـيـب=(وابوفـــــهد) معروف طفّى لهبها
سـعـود بن زيـتـون دوّن مــكـاتيـب=سلـمـت يـميـنـه مـع سطور كتبها
اما الـــــعريفي قلت مابه عذاريب=نفـسـه مـن الاصـلاح جاها تـعـبها
هذا ابن عمي يوم تلفي الـمعاصــيب=نفسه تـجـوّد يـوم ثـوّر عـصـبـها
ياخالد بن شـويـش عـداكـم الــعيب=يرحـمـك ربـي يـوم روحـك خـطبها
(ابورجا) يانـاس ذيـب ولـد ذيـــب=ذكراه لي والـمـوت مـاقـد قلبها
انـتم سـندنا يـوم تـكدر مـشاريـب=وحنّا سنـدكـم يـوم كـلـن شـربها
اقول (بآل صبيح) نعم الـمنـاسيــب=وحنّا قبــيلة تفــتخر فـي نسبها
كل الجبور الـيوم صفّوا مـنـاكـيـب=مـحـدن تـرى فـي صـفّ ربعه نكبها
يابن القريشي اليوم شاركني الطـيب=نفسي مـع الـشـعّار زايـد طـربها
ربـعـك تـراهم روس ماهم عـراقـيـب=فـرسان والـفـرسـان مـحدن قربها
حنا بنـــي خالد نكـبّ الـمـلاعـيـب=كان الـردي بـطبوع قـومـه لعبها





صح لسانك طال عمرك ولتسمحلي بتنسيقها.
اخوك النمر

[صقر الخوالد]

بسم الله الرحمن الرحيم
السلام عليكم ورحمة الله وبركاته
بيض الله وجهك يابو عقاب وهم رجال يستاهلون كل ماقيل فيهم وهم اهلنا وعزوتنا
بارك الله فيك

[العنود]

يابن القريشـي اليـوم شاركنـي الطيـب
نفسـي مـع الشـعّـار زايــد طربـهـا
ربعـك تراهـم روس ماهـم عراقـيـب
فرسـان والفـرسـان مـحـدن قربـهـا


والله والف نعم فيك وفي القريشي

[العنود]

ننتظر رد يالقريشي على القصيدة

[ابن سويحه]

يابن القريشـي اليـوم شاركنـي الطيـب=نفسـي مـع الشـعّـار زايــد طربـهـا

ربعـك تراهـم روس ماهـم عراقـيـب=فرسـان والفـرسـان مـحـدن قربـهـا







صح لسانك اخوي ابوعقاب
وعز الله يستاهلون
واسئل الله العلي العظيم ان يجلي قلوبنا من الزعل وان ينور للحق طريقنا

[ابوعقاب العريفي]

يامرحبا واليوم بالي هواوي
يم الوجيه البيض ياعيال عمي
الخالدي بالجوف ولا الحساوي
لحمي لحـمهم والدمامـين دمي

(*) #):

[ابوعقاب العريفي]

[size=5]بسم الله الرحمن الرحيم

هذه القصيدة قلتهاوهي طبعا مجرد تخيلات لاتمت إلى الواقع بصلة تحــكي
قصة شخص تركته من هو مغرم بها بسبب أقوال الوشاة






لي صاحب ياناس من دون هالناس=امكـــمل بالزين معه الحلاتـــــي

حبه بقلبي دوم ما حده قيـــــاس=ياكم عشـــقت سنين ريم الفلاتـــي

ياليتني ماشـفت واشين وانجــاس=ليتك حـــبيبي ماسمـــعت الوشاتي

يالله عسى الواشين في قبضةالياس=عليهم من الله عشر العـــــــــناتي

يالله عســــاه يذوق سم وسط كاس=ولا يجيه السيف عند الصــــــفاتي

يوم زعلـــتي فيه يوم به افــلاس=ياواخسار خدودك الـــناعمــــاتي

لامن ذكرتك صرت يازين منـــحاس=وعيني تمنى عيونك الناعســـــاتي

جيت متعلق فيك بخيوط الاحســـاس=ورضاك لي مقصود قـــــبل امنياتي

انت الوحيدة جالك الــقلب منداس=ياليتك تشوفــين طيب صــــــفاتي

خليت كل الناس لعـــــيون نبراس=مابه ترى مجـــــــنون سوى سواتي

مهما كشرتي اليوم والوجه عبـاس=بدعـــي لك بتوفيق مدة صـــــلاتي

لامن ذكرتك همت بالنفس هوجــاس=وابكي على صورتك في ذكريـــــاتي

اوتار حلـقي عود والشوق مـرواس=واســـــمك تفاخر فيه كل اغنياتي

جيت لبحور الضم ســـــباح غطاس=صدرك سفيــــــنة حب فيها نجـاتي

اسـمك ترى مكــتوب باوراق كراس=حتى طلع عـــــــــنوان لمذكراتي

خوذي عطرباريس مع ورد تكـــساس=واسقيه انا بالدمـــــع حتى وفاتي

دمعي حبر تعبير والــــخد قرطاس=تكتب رموش العين قصة حــــــياتي

لو جو جميع الناس والــجن حـراس=بطبع علـــــى الـخدين بوسة غلاتي

بعدالبنا ماصـار فيه الــوفاساس=ليه الصـــــدود وليه تبدي جفاتي

كانه طلع للـــكره انياب واضراس=لاتعلـــــــكين الحب والشوق عاتي

لا باس من نكران ذالـــحب لاباس=عني تســـــــائل دوم كل البناتي

مانيب اناندمان في طقم الالمـاس=لكن عتـــــــابي فيك من واجباتي

[ابوعقاب العريفي]

هذه القصيدة قلتها وهي على سبيل قصة محادثه بينه وبين فتاة اعجبته وهي طبعا ليست
حقيقية وانما حبل افكار امتد بعض الشيء



البـــــــــــــــــارحة ياناس ونيت مقهور=ليت الدلع والمـــــــــــلح كفي تطوله

القلـــــــــــــب منها ياهل الخير مسحور=ياملح الاسمـــــــر واعتداله وطوله

بهدي لهـــــــــا علبة بها ورود وزهور=الورد يهــــــــــدى للعيون الخجوله

من شاف ما شفــته صرخ قال معذور=تذوب له وان شفت جسمه وزوله

ان قــــــمت من نومي على العز ببكور=تشــوف ..............................

لوشـــــــــــــافها ياناس عدنان عرعور=بيخلّي الســــــــــــــقاف يطلق ذلوله

ماياصـــــف المزيون (احمد ومستور)=لو جا خـلـف ما جاب كل امعسوله

اللي جلس في حضنـها صار مســرور=رجله على القومـــــه تراها كسوله

حلفت انا بالله ومجنّــــــــــــــــب الزور=لوصايحت للجــــــيش عادت فلوله

ياليتني معــــــــــها وسط بيت معمور =والزين ما يهـــــــــوى ويطلب فهو له

وقّع سهـــــــــــمها وقع مخلب ودنقور=صرت التفت للزين وا طوف حوله

قلت الســــــــــــلام اسلام مايقبل الجور=قالت نياق القــــــــوم دوم امعقوله

لاتحـــــسب اني يابن الاجواد بالدور=انا ذهب ما كل واحد ينـــــــــــــوله

القلب صــــــوب الناس يازين مغرور=لكن انا وياك نصــــــــــــفين فوله

يالخـــــــــالدي شفتك على هامة السور=قلت ابشري بالعز واعظم بطوله

قالت نروح بعــــــــــــيد بسنين وشهور=قلت انتي بك تفكير ولاّ مهبوله

قالت غرامي فيــــــــــك والقلب مذعور=في سبّتك جا ورد عمري ذبوله

قلت ارحمـــــــــــــيني هاتي العلم والشور=قالت عذابي منــــك كلن يقوله

مافي يدي حيـــــــــله خذ الرقم مشكور=رقم الحبيب ان كان تبغى وصوله

قلت الوداع بخير والقلب مكـــــــــــسور=واللي بغيته منك ليت بحصـــوله

قالت غـــــــــــــــــلانا دوم ولا به افتور=قلت الولع من يوم عهد الطــفوله

الدمع جا محــــــــــوّل على الخد منثور=قالت وداع وخذ من الطيب توله

خل العـــــــــطر تذكار مع طلعة النور= الطيب عند الله سنة رســــــوله

[ابوعقاب العريفي]

فكري تهيض ولا فاضت به اشعاري=ياشين قلبن تحسر ماتت شجونه

امس العشاء رايحن باقضي مشواري=بالفيصلية شفت شيء تحبونه

وحده من بعيد مثل الكوكب الساري=وان اقربت لي بدا حسن ندرلونه

ان شفتها صرت من ثوب الحياعاري=ماهمني واشي لو شافت عيونه

قالت و ش اسمك بدر ولا مشاري=قلت اللي انتم ياهل الزين تبغونه

قلت الها ابن حامين بيض الحباري=جميع خلق الله بالكـــــــــون يدرونه

صايحت وين الزير ولا عجـــــاري=قلبي تقطع لها وامباح مكنونـــــه

قالت لي سير على بيتي وفي داري=اللي غرامه هواكم لا تلومونــه

هات الرقم لابغيت ارسل لك اخباري=قلت اعذريني ترى نيتس ملعونه

قامت تبسم وقالت لي وش الطاري=تراي احبك وانا لا الحين مصيونه

احذر تغلى تراك تشتت افكــــــاري=كانك وسيمن انا بالحيل مزيونــه

قلت اعزفي غردي شدي على اوتاري=قلبي يدور على صوتك مع الحونه

ثم اسرعي واجمعي نارك على ناري=قالت لي الحساد محدن يخلونــــه

ودي اتكلم وافضفض عندك اسراري=واحذر تقوله عند ناسن يذيعونه

امسك يديني وضم ايميني وايساري=بوّس تراني على التبويس مجنونه

قالت ياولفي ترى هذا هو تذكــــاري=سلسالي يرخص عشان الزين وعيونه

[ابوعقاب العريفي]

هذه أبيات بلا نقط وقد
ارسـلــتها إلى أحــد أصــحابــي
وهو الشاعر/مسلط بن ناصربن ملهي
القحطاني


سلام الله سلام الله عدد ماصاموا الـــصوام
على واحد وهو مسلط ولا واحد كسر عـوده

ورى علمك على رمحك علامك كاره اللوام
سواك محدر او طالع وراك حدود مــردوده

مطر ورعود ادورها ورى ودام المطرمادام
على العهد وعلى وعدك واردالماعلى سدوده

اصدّرها واورّدها ولو حطوا الحـــكم إعـدام
ولا واحد على الساحل مااصدّر كامل وروده

اطمّـح لك ولد عمك واطمـّح لك ولد وسّـام
وادوّر سـوره اهـدّه لـعـله واعســى وكـــودهوقد رد مسلط بهذه الأبيات

هلا والله هلا والله عدد ما طار حـرّ وحام
عدد ماطار حرّ وحام والأرصاد مرصــوده

سعى الدلال والسلعه حرام وسامها السـوام
سعى ساعه ورى ساعه وله سلعه ومحدوده

سمع حس الرعد والله على أمطارالسماعلاّم
سـماء والله ملاها ماء ولو ماسمعوا رعوده

كمل عمرك وحطولك علىصدرك عهدووسام
ومسلط كل عـمره راح لوسامه ولعــهوده

ولد وسّام حاكم صدّر أحكامه على الحكـام
حمى كل الحدود وحطّها سهلـه ومـمهودهأرجو أن تحوز علىإعجابكم وشكرا

[ابوعقاب العريفي]

[size=4] بسم الله الرحمن الرحيم


هذه الابيات قلتها ترحيبا بإخواني بني خالد من أهل الجوف



قد قلت انا من ربعنا من هل الجوف000قالو القراشا والربوع العريبه

تعجز وصوف الشعر لو كان بالــشوف000عن فرحتي لو كنت لاقي ذهيـــبه

لو كان قول الشعر تعبير بـــحروف000حرفي بقــول الشعر غطـّى نصيبه

يوم الخوالد عزوتي روّح الخــــوف000ياللي حميتو البيض ماهي غريبه

الطيب لاهل الطيب والطيب مـــعروف000والطيب لاهل الجوف لازم نجيــبه

يلزم علينا اليوم ياربعنا حــلوف000بعد اجتمعنا بالجبال الرقيـبه

حياكم الله دوم والخير معطــــــوف000بالمنتدى واليوم ياطيب طيــبه

[ابن سويحه]

يوم الخوالد عزوتي روّح الخــــوف000ياللي حميتو البيض ماهي غريبه

الطيب لاهل الطيب والطيب مـــعروف000والطيب لاهل الجوف لازم نجيــبه





صح لسانك اخي العزيز ابوعقاب

وماقلت الا صــــــــدق
يستاهلون ربعنا اهل الجوف

[ابو دريع]

لا هنت لا هنت يبو عقـــــــــــــــــــــــــــــاب

صح لا سانك وصح بدنك

ونعم المادح والنعم بالممدوح الله لا يهينك

واعذرني لتعديلي في القصيديه

وشكرااااااااااااااااا

[ابوعقاب العريفي]

[size=6]بسم الله الرحمن الرحيم

قلت هذه القصيدة وهي تعبر عن نفسها
وأرجو أن تحوز على رضاكم 00000




هل أسـمـــعتم غزلا راقي
من أشـــــعار للــعــــــشاقي

أو أسـمــــــعتم يوما حــبا
ينفخ أفـــــــــــواه الأبواقي

أوعن حب حلو مـــــــــــر
في مــــــخطوطات البــــولاقي

أشربت الحب بأكــــــــواب
ملئا من دمــــــــــع الأشواقي

في بستان غرامك طــعـــم
أحلى من شـــــتـّى الأذواقـــي

قلبي عند الشوق الحانـــي
يهــوي كالماء الـــمــــهراقي

سكين البعـد أزيلـــــــــــيها
عن أشـــــــلاء الــحب الباقي

لاترديـــني فـــــي أدغــــال
أخـــــشى من طول الإمـــلاقي

إن كنتي اليوم مصمـمـــــة
في جعل المــــوت استحـقاقي

اكسي صدري لونا حــــلوا
من ســـترات الحب الـــواقي

هاتي فحما لامستــــــــــيه
إن أمعنتي في إحـــــــراقي

لكن قلبي يخــــــشى دوما
خوفا يأتي من إشفـــــــاقي

أخشى غضبا يأكل شعري
أو أقـــــــــلامي أو أوراقي

أضحى نور لما ضحـــكت
من نور الثغر البـــــــراقي

إن أحببتي أن تلـــــــقيني
لن تحــــــتاجي في إرفــاقي

آتي فـــــــــــورا لا إمهال
في كفــــــين للعمــــــلاقي

مع عملاق عاتي قاســـي
أعطي عـــهدي مع ميــــثاقي

من أجل الحب وجــــــنته
أنسى آلاما بالســـــــــاقي

أوصاف الحسن وروعته
فيها من شتـــــى الأعراقــي

حين احتالت سرقت قلبي
أمضى من كل الســــــراقي

برد قاسي أو في صيف
أو إظلام أو إشـــــــراقي

أو من بعد أو من قـــرب
أو في رعــــــــد أو إبراقي

أقسم أني في محبـــوبي
أهدي قبلا ً من أشــــــداقي

قومي هيا واعطــي حبا
واهدي ضمّـا بالإغـــــداقي

حبي شيء زاهي غالي
إذ لم يوجد بالأســــــــواقي

حبي مثل في عــــــفته
من مأثورات الأخـــــــلاقي

[ابو دريع]

الله لا يهينك يبو عقاب

لا هنت لا هنت يالغالي

قصيده رائعه بالغه العربيه الفصحى , لغه العرب والتي انزل بها القران

لا هنت يالغالي

[ابن سويحه]

هل أسمعتم غزلا راقـي
مـن أشعـار للعشاقـي

أو أسمعتـم يومـا حبـا
ينفـخ أفـواه الأبواقـي

أوعن حـب حلـو مـر
في مخطوطات البولاقـي

أشربت الحـب بأكـواب
ملئا من دمـع الأشواقـي

في بستان غرامك طعـم
أحلى من شتّى الأذواقـي

قلبي عند الشوق الحانـي
يهوي كالمـاء المهراقـي

سكيـن البعـد أزيليـهـا
عن أشلاء الحب الباقـي

لاتردينـي فـي أدغـال
أخشى من طول الإملاقي

إن كنتي اليـوم مصممـة
في جعل الموت استحقاقي

اكسي صدري لونا حلـوا
من سترات الحب الواقي

هاتـي فحمـا لامستيـه
إن أمعنتي فـي إحراقـي

لكن قلبي يخشـى دومـا
خوفا يأتي مـن إشفاقـي

أخشى غضبا يأكل شعري
أو أقلامـي أو أوراقـي

أضحى نور لما ضحكت
من نور الثغـر البراقـي

إن أحببتـي أن تلقيـنـي
لن تحتاجي في إرفاقـي

آتـي فـورا لا إمـهـال
فـي كفيـن للعمـلاقـي

مع عملاق عاتي قاسـي
أعطي عهدي مع ميثاقـي

من أجل الحـب وجنتـه
أنسـى آلامـا بالساقـي

أوصاف الحسن وروعته




صح لسااااااااااااااااااااااااانك



ياابوعقاااااااااااب
:))

[ابوعقاب العريفي]

اشكركم على المرور ياشباب
ولكم تحياتي

[غريب زمانه]

لا هنتوا الي يعرف عن قصايد ابو عقاب شي لايبخل علينا بها