قصيدة تطالب بعدم مشاركة السهول مع سبيع

[سهلي وربي الله]

قصيده للشاعر


المبدع / غانم بن بداح المنجلي السهلي


مسندها الى رجل المواقف والفزعه والحميه
الشيخ/ تركي بن خزيم بن لحيان


الله على اللي صنعوها الخواجات = بعد ثمان سنين من عام الالفين
حطو على كرته ضمان وكفالات = للغطرسه والزين هي قمة الزين
بي ام والبي ام مركب فخامات = مركب رجالن ماشكت هاجس الدين
فيها من الكشخه رموز وعلامات = اموثقه وامثبته بل براهين
هيه لحال اقولها بختصارات = كنها هنوفن يوم جمع الفريقين
شامت لبن لحيان شيخ البرازات = شيخن لذكره يخضعون السلاطين
ماجبتها الا عقب تأمين واثبات = وحبة خشم والحلف يقفاه حلفين
اني لمشيها دروبن سهالات = واني لداريها سوات المحبين
قم تلها ياسعود راع المهمات = معادبه يالذيب بكره وبعدين
ماهيب تتعبنا فجوج ومسافات = حنا على قطع الخرايم مظرين
ومنصاك تركي طير حوران بالذات =تركي من اسمه يرجحن الموازين
امير ولد امير مابه مراوات = شيخن تسلسل من شيوخن مسمين
يامير شفنا سبيع بثة دعايات=وحطو اسمنا معهم وكنا مساكين
وحنا رجال ولارضينا الاهانات = ويشهد لنا من حد نجران لصين
ارسل خطاب وقد سبق لك خطابات = وفك اسمنا اللي صار من بين قوسين

[السهلي]

صح لسانك ولسان غانم المنجلي ويستاهل الشيخ تركي بن لحيان
من يسند عليه مثل ذا القصايد لان مواقفه مع القبيلة مشرفه
وترفع الراس وسبيع بني عمنا ونعمن بهم لكن حنا ياالسهول
لنا شيوخنا الله يطول عمارهم واذا بغوا سبيع ان السهول
يشاركونهم لازم يخاطبون شيوخ القبيلة ويكون المزاين
بينهم في كل شيء ماهيب المسأله خذوه فغلوه ، تكتبون
مزاين سبيع والسهول بالجرايد والقنوات علشان تبون
السهول يشاركون معكم ، الامور اللي مثل ذي لها
سلوم وامور ما تجهل .