ملاعب بالاسنه
04-15-2011, 05:31 PM
::: السلام عليكم ورحمة الله وبركاته :::
:
:
::::::::::::::::::::::::::::::::::::::::::
كان دغش الغزيلي الثوري السبيعي قصيرا للشيخ لحزام بن حثلين شيخ قبيلة العجمان
وكان صاحب ابل كثيرة ....
وبعد مدة من الوقت اراد العودة الى اهله وقبيلته سبيع فأ ستاذن من قصيره الشيخ ابن حثلين في الرحيل ..... فاذن له ...
وسار دغش بابله متجها الى العارض ولم ابتعد عنهم نوخ ابله ليلا ليسرح في الصباح الباكر.
ولكن العجمان ارادو اخذ ابله ..... وطلبوا من الشيخ السماح لهم وكثروا الهرج على زعيمهم وكان الشيخ / حزام رجل صدوق ويصدق قالوا له هالسبيعي جانا فقير وهالحين بيروح لربعه معه هاالبل اللي مالها عدد فهموا في نهب قصيرهم أخيرآ وافق ابن حثلين معهم الرآى.
وركبوا خيلهم في الليل وحولوا على دغش وابله ممسيه عنده فانكر منهم وحس انهم أثروا على ابن حثلين
ولكن لم يبدي لهم شي وكانه لم يعرف شي وهمس في اذن حزام قال ياعم ياحزام هذولاء سرقان العجمان ولايشبغهم مشبع وهالحين خلهم يولون لاأهلهم وبتعشى انا وانت خريف صغير واللي عندي لك البل أبلك وانا ولدك ولايخاشرونا في حلالنا هاالمهبل أطردهم ولااصبح الصبح شف وش تبي من البل على ضوح النهار واعزله لو تبيها كلها ونوسمها لك والخيل أختر اللي تبي منها وذولاء ويقصد العجمان مالك فيهم حاجة بكره كل ماعزلتلك ناقة أستحذوكياها خلهم يولون ومغير انا وانت.
(( وكان الشيخ مشهورا بحب المال والابل ))
وقال له :ـــ ياعم الابل لك ولعيالك ..... وخل العجمان يعودون الى اهلهم
فأ مر ابن حثلين على قومه بالرجوع والانصراف ...... فرجعوا
وقام دغش وذبح له خروف لكي يطمئن الشيخ ..... ولما ابتعد االعجمان قال ياحزام تعشيت قال نعم قال تبي البل قال الله الله فرد عليه دغش جعلك فداها هات رجلك قال ويش قال هااللي تسمع رجلك حطها في القيد والا والله ماتشوف اللي خلافك قال خنتبي . قال أنا مانخون بقصيرنا يابن حثلين ولاناخذه لاشد عنا هذا مهوب طبعنا. طبعكم أنتم فلما ادرك حزام ان الامر منتهي مد رجله وطق دغش القيد فيها واركبه على ذلول وركب فرسه وشد من ليله . حتى وصل الى حدود ديار سبيع وشاهد بيوت بني عامر .
ولما اقبل دغش على على بني عامر قرب رماح والشيخ معه مقيد .....
طلب الشيخ ابن حثلين من دغش ان يفك القيد لكي يتوضأ ويصلي .....
وفك دغش قيد الشيخ وقال الغزيلي هذه الابيات المشهورة :ـ
ياحزام صل ودوك بالرجل طبليـن
عقب الكرامة عفر الوجـه بغبـار
ذكرت ربعي يوم شفت الخطا الشين
ربعي بني عامر بعيديـن الاذكـار
عوامر(ن) يـردون ورد المحيميـن
عوامر(ن) دايم على الحـرب صبـار
حلفت ماجلس فالمجالس نهاريـن
ولا اقطع الآريا لعمسين الابصـار
يافاطري حقك على الراس والعيـن
وحقي عليك اليا تـرد(ن) الاسعـار
وعاد ابن حثلين الى قبيلته .........ونزل الغزيلي بين قومه سبيع عند العماني وأكرموه على فعله وان محل تقدير من الجميع
لاأنه تصرف تصرف ذكي وحافظ على حسن الجوار عندما لم يحسن بها شيخ العجمان وهذه ممن يميز سبيع عن غيرها وبهذا العمل أصبح الغزيلي مضرب مثل
بالفطنة ....... والحكمة ........ والدهاء ....... وحسن التصرف وتتفاخر به عموم القبيلة لاأنه لم ياسر رجل عادي بل أسر شيخ قبيلة ولا أهانه
:
:
::::::::::::::::::::::::::::::::::::::::::
كان دغش الغزيلي الثوري السبيعي قصيرا للشيخ لحزام بن حثلين شيخ قبيلة العجمان
وكان صاحب ابل كثيرة ....
وبعد مدة من الوقت اراد العودة الى اهله وقبيلته سبيع فأ ستاذن من قصيره الشيخ ابن حثلين في الرحيل ..... فاذن له ...
وسار دغش بابله متجها الى العارض ولم ابتعد عنهم نوخ ابله ليلا ليسرح في الصباح الباكر.
ولكن العجمان ارادو اخذ ابله ..... وطلبوا من الشيخ السماح لهم وكثروا الهرج على زعيمهم وكان الشيخ / حزام رجل صدوق ويصدق قالوا له هالسبيعي جانا فقير وهالحين بيروح لربعه معه هاالبل اللي مالها عدد فهموا في نهب قصيرهم أخيرآ وافق ابن حثلين معهم الرآى.
وركبوا خيلهم في الليل وحولوا على دغش وابله ممسيه عنده فانكر منهم وحس انهم أثروا على ابن حثلين
ولكن لم يبدي لهم شي وكانه لم يعرف شي وهمس في اذن حزام قال ياعم ياحزام هذولاء سرقان العجمان ولايشبغهم مشبع وهالحين خلهم يولون لاأهلهم وبتعشى انا وانت خريف صغير واللي عندي لك البل أبلك وانا ولدك ولايخاشرونا في حلالنا هاالمهبل أطردهم ولااصبح الصبح شف وش تبي من البل على ضوح النهار واعزله لو تبيها كلها ونوسمها لك والخيل أختر اللي تبي منها وذولاء ويقصد العجمان مالك فيهم حاجة بكره كل ماعزلتلك ناقة أستحذوكياها خلهم يولون ومغير انا وانت.
(( وكان الشيخ مشهورا بحب المال والابل ))
وقال له :ـــ ياعم الابل لك ولعيالك ..... وخل العجمان يعودون الى اهلهم
فأ مر ابن حثلين على قومه بالرجوع والانصراف ...... فرجعوا
وقام دغش وذبح له خروف لكي يطمئن الشيخ ..... ولما ابتعد االعجمان قال ياحزام تعشيت قال نعم قال تبي البل قال الله الله فرد عليه دغش جعلك فداها هات رجلك قال ويش قال هااللي تسمع رجلك حطها في القيد والا والله ماتشوف اللي خلافك قال خنتبي . قال أنا مانخون بقصيرنا يابن حثلين ولاناخذه لاشد عنا هذا مهوب طبعنا. طبعكم أنتم فلما ادرك حزام ان الامر منتهي مد رجله وطق دغش القيد فيها واركبه على ذلول وركب فرسه وشد من ليله . حتى وصل الى حدود ديار سبيع وشاهد بيوت بني عامر .
ولما اقبل دغش على على بني عامر قرب رماح والشيخ معه مقيد .....
طلب الشيخ ابن حثلين من دغش ان يفك القيد لكي يتوضأ ويصلي .....
وفك دغش قيد الشيخ وقال الغزيلي هذه الابيات المشهورة :ـ
ياحزام صل ودوك بالرجل طبليـن
عقب الكرامة عفر الوجـه بغبـار
ذكرت ربعي يوم شفت الخطا الشين
ربعي بني عامر بعيديـن الاذكـار
عوامر(ن) يـردون ورد المحيميـن
عوامر(ن) دايم على الحـرب صبـار
حلفت ماجلس فالمجالس نهاريـن
ولا اقطع الآريا لعمسين الابصـار
يافاطري حقك على الراس والعيـن
وحقي عليك اليا تـرد(ن) الاسعـار
وعاد ابن حثلين الى قبيلته .........ونزل الغزيلي بين قومه سبيع عند العماني وأكرموه على فعله وان محل تقدير من الجميع
لاأنه تصرف تصرف ذكي وحافظ على حسن الجوار عندما لم يحسن بها شيخ العجمان وهذه ممن يميز سبيع عن غيرها وبهذا العمل أصبح الغزيلي مضرب مثل
بالفطنة ....... والحكمة ........ والدهاء ....... وحسن التصرف وتتفاخر به عموم القبيلة لاأنه لم ياسر رجل عادي بل أسر شيخ قبيلة ولا أهانه