ابو دريع
05-29-2005, 12:41 PM
راعي الولع
هواية القنص بالصقور معروفة منذ القدم، وفي زماننا الكثير من الشعراء الذين يمارسون هذه الهواية، ومنهم الشاعر القدير خالد بن مدعث الدوسري الذي يعيش هاجس المقناص حتى في بداية فصل الصيف؛ حيث ترجم مشاعره في هذه القصيدة المعبرة.
انا ليا ضاق صدري واشتعل جاشي
داويت نفسي من هموم تناهشها
ضربت لي طرقة تصعب على اللاشي
وسريت رجلي ومسرى الليل ينعشها
ونحرت جو خلي يوحش أو حاشي
صحاصح البيد طب اللي يعايشها
خالي جنابه من العالم والأدباشي
قفر مرب الوحوش ومأمن اوحشها
عشيه سواة الحمى مهوب يناشي
لا راعي البل ولا الشاوي بنايشها
ما يقطعن فرجته حرار الابواشي
الضمر اللي وصوف الريم تلكشها
ما يسهجه غير جيب يطرب الماشي
مع واعر الارض ولا مع مفارشها
جيب يبعد عن معشاي مغباشي
اللي يقص الدروب اليا تناوشها
ما يسمع من المكينه غير وشواشي
ماكنها إلا الحيايا في توشوشها
لاقر من دوس رجلي صابه خراشي
فرة قطاة دوي الملح خارشها
يطيش من طيش سواقه ليا طاشي
نوب يخم الخطوط ونوب يقرشها
أبيه لابان نجم ونجم متلاشي
وشفت السويبع مع خوانه مداقشها
في ليلة وبلها هتان ورشاشي
وقلايد الوسم مرخيتن مراهشها
اليا ظمرن الفحول وجاهن طياشي
والارض في بطنها قرت هوايشها
وراعي الولع عقب موته له تنعواشي
طيره على الكف والدنيا مطنشها
ما عاد يطري له الا برق الارياشي
اللي على شانها البيداء يفتشها
وانا معي عاري مهوب بخياشي
لانل سيره على المقفي تفرشها
عديم واسمه عديم ما اسمه شلاشي
زرق الشوش لالحقها علق شوشها
ومن لا عرف لذة المقناص ما عاشي
ولعه بليا طماعه مير عايشها
يسلابها الخاطر اليا ضاق وانداشي
وترتاح في النوم عيني يوم اغلمشها
ما تسمع اذني صدى لجلاج وهواشي
الا السواري مع الظلما تخترشها
يا لايمي خلني أصد وانحاشي
عن شوف ناس مغير تلوي خششها
والله ليبطي مع المقناص مطراشي
لين المنيه اقابل وجه طارشها
هذا الدواء اللي يداوي حدب هشاشي
من هاجس لاتحرك قام يجرشها
خالد بن مدعث الدوسري
هواية القنص بالصقور معروفة منذ القدم، وفي زماننا الكثير من الشعراء الذين يمارسون هذه الهواية، ومنهم الشاعر القدير خالد بن مدعث الدوسري الذي يعيش هاجس المقناص حتى في بداية فصل الصيف؛ حيث ترجم مشاعره في هذه القصيدة المعبرة.
انا ليا ضاق صدري واشتعل جاشي
داويت نفسي من هموم تناهشها
ضربت لي طرقة تصعب على اللاشي
وسريت رجلي ومسرى الليل ينعشها
ونحرت جو خلي يوحش أو حاشي
صحاصح البيد طب اللي يعايشها
خالي جنابه من العالم والأدباشي
قفر مرب الوحوش ومأمن اوحشها
عشيه سواة الحمى مهوب يناشي
لا راعي البل ولا الشاوي بنايشها
ما يقطعن فرجته حرار الابواشي
الضمر اللي وصوف الريم تلكشها
ما يسهجه غير جيب يطرب الماشي
مع واعر الارض ولا مع مفارشها
جيب يبعد عن معشاي مغباشي
اللي يقص الدروب اليا تناوشها
ما يسمع من المكينه غير وشواشي
ماكنها إلا الحيايا في توشوشها
لاقر من دوس رجلي صابه خراشي
فرة قطاة دوي الملح خارشها
يطيش من طيش سواقه ليا طاشي
نوب يخم الخطوط ونوب يقرشها
أبيه لابان نجم ونجم متلاشي
وشفت السويبع مع خوانه مداقشها
في ليلة وبلها هتان ورشاشي
وقلايد الوسم مرخيتن مراهشها
اليا ظمرن الفحول وجاهن طياشي
والارض في بطنها قرت هوايشها
وراعي الولع عقب موته له تنعواشي
طيره على الكف والدنيا مطنشها
ما عاد يطري له الا برق الارياشي
اللي على شانها البيداء يفتشها
وانا معي عاري مهوب بخياشي
لانل سيره على المقفي تفرشها
عديم واسمه عديم ما اسمه شلاشي
زرق الشوش لالحقها علق شوشها
ومن لا عرف لذة المقناص ما عاشي
ولعه بليا طماعه مير عايشها
يسلابها الخاطر اليا ضاق وانداشي
وترتاح في النوم عيني يوم اغلمشها
ما تسمع اذني صدى لجلاج وهواشي
الا السواري مع الظلما تخترشها
يا لايمي خلني أصد وانحاشي
عن شوف ناس مغير تلوي خششها
والله ليبطي مع المقناص مطراشي
لين المنيه اقابل وجه طارشها
هذا الدواء اللي يداوي حدب هشاشي
من هاجس لاتحرك قام يجرشها
خالد بن مدعث الدوسري