سلم الوفا

[ابو دريع]

سلم الوفا




الثنا بين الخلايق ما ينوله

كود منهو فالمواقف بان طيبه

ولا ينقص في مقام ابن الحموله

كود لا من سار في دربٍ يعيبه

والمثل ما هوب انا كلٍ يقوله

لا جهلت الرجل فانظر في صحيبه

لا يغرك حسن منطوقه وزوله

لين حتى تبخصه ويبين غيبه

ان تبع سلم الوفا شفت محصوله

وان تردي شفت به شكٍ وريبه

من تخلا عن مناهيج الرجوله

ذاك من يرضي لنفسه بالغليبه

ودك ان الرجل لا عدت فعوله

فيه دين وفيه لين ومنه هيبه
محمد بن محسن بن حشفل

[سحايب العازمي]

الاخ ابو دريع
نشكرك على هذا الابداع رائع
وتقبل مني كل تقدير

[علي الشدوي]

ابو دريع


يا هلابك


صح لسان الشاعر




تحياتي

[ابراهيم العريفي]

الاخ ابو دريع سلمت ودمت على هذا النقل للقصيده الراعيه بروعة معانيها

وصح لسان قائلها وشكراً لانتقائك الرائع..لاهنت


ولك تحياتــــــــي,,,,,,,,