قصة الفــــــــارس: ناصر بن داغان الشــــــــــــلوي واخوة منصور

[الشلوي الخالدي]

بسم الله الرحمن الرحيم


ناصر ومنصور من الدواغين من الطفله من ذوي حطاب ومن الفرسان المعدودين في القبيله الشلاوى الذي يقول فيهم الشاعر:





ابا تنصى دار ناصـر ومنصـور=
سعد الرفيق اليا حد ته الضهـودي
ناصر اليا ذل الردي يحتمي الخور=
من القوم يفك اللقـاح الضمـودي
ويكفى حياض مسهفة كل حنجـور=
اليا نشب هرج اللاش بين الزغودي
ومنصور فـي المعاييـر مذكـور=
مثل العسل حلو(ن) يداوي الكبودي
وينسل عقال مكبرة كـل جمهـور=
ويكسب اللي عند اهلهـم اقعـودي



جرت هذه القصه عندما ذهب منصور ابن داغان ومعه ربعه للغزو على ناس في نجد.
فأغاروا على الابل وذبحوا عدد من الفرسان الذين عند الابل وأخذوا الكسب وعادوا إلى ديارهم.
وبينما هم بالقرب من ديار القوم الذين أخذوا حلالهم وفي الليل ارادوا ان ينامون حول ديار أعدائهم فلم يعقل منصور ذلوله وفي الصباح لم يجدها لانها ( اروحت ريح البل فسرت فالليل) فقال منصور: ابا اروح ادور فلانه فقالوا اخوياه: بيذبحونك القوم خلها تروح قال: والله ما اخلي فلانه تروح ان ذبحت وان سلمت. فذهب للبحث عنها.
فرجع اصحابه لديارهم بالكسب فلما وصلوا قالوا لاخيه ناصر: اخوك راح يدور ذلوله وبيذبحونه القوم..
فقال احد ربعه لا والله اخوك ذبحوه القوم . فلما سمعه ناصر تمثل بهذه الابيات :







ناصر تهيض فطـوال المراقيـب=
عطشان ميبسته هبـوب السمايـم
اقولها فاطـراف الفطـر الشيـب=
ومانيب عن حلوات الالبان غايـب
سبر(ن) لهنه من بعيـد المغاييـر=
شغل الانقليز موسعـة الضرايـب
مار اخوي باتوع(ن) قليل العذاريب=
صارومتن للقـوم لوكـان سايـب
ويفجّر المرحان ويجري كما الذيب=
ويقطع الخيفـات فـوق الركايـب
الله يجيبـه مـن بعيـد المغاييـب=
اكل شبابه لوكان الـراس شايـب
يوم ان خطو اللاش متكن كنه الفيل=
تلقى علومه عند منسعات الذوايـب






فعاد منصور ابن داغان الشلوي بعد عشرين يوم وقيل بعد شهر