ابو عبدالعزيز حياك للملعبه

[هب الريح]

يامرحبا يأهل الوجيه السفيره=يامن لهم بالقلب حشمه ومقدار

واخص حر(ن)شاقني في مطيره=طير الوحش ماهد من كف صقـّار

[ابراهيم العريفي]

حياك الله ياهب الريح وابشر بما يسرك

واستلم لاهنت


اهلاً هلا بك والتحيـه كبيره= عداد ماتنزل هماليل الامطار
وانته ياهب الريح قايد مسيره= طويل باعٍ نستقي منك الاشوار

[هب الريح]

حي نباك ياغالي ... تفضـّل.

وابك البقاء واللي لقى من يشيره=بالراي ما تيـّه دليله ولا حار

ولمن استشرت اقدم وبالأمر خيره=والعقل عند الرجل ديره ورادار

[ابراهيم العريفي]

استلم لاهنت


وش صار قلي في اجتماع العشيره= عسى الخبر يالقرم من يمكم سار
مادري عن الموضوع وشهو مصيره= حنا نترقب من سعادتك الاخبار

[هب الريح]

لاهنت .. استلم يالقرم

العلم تاه بحلقةٍ مستديره=كل(ن) على جهده يدلي بالافكار

دام الأمـور بيد ناسٍ صغيره=ماتـنـتـهي حتى يتولونها كبار

[ابو مشاري]

جينا نتفرج لعب اهل القصيدة
جينا نشوف اشعار شعار(ن) كبار

اساتذة بالشعر والكلمة الحميدة
نوابغة بالقول وبالرأي شطار

اعذروني اساتذتي على المداخلة. بس حبيت ارحب

[هب الريح]

يامرحبا بك ابو مشاري

الله يحييك ياغالي شرفتنا

وارجع اقول لك لنت مشروع شاعر

يبقى عليك الأحتكاك وبتشوف بعدين.

تقبل مني كل الود .

[ابراهيم العريفي]

مرحبابك يابو مشاري وشرفتنا

استلم ياهب الريح


يالله عسى في تالي الامرخيره= ويصبح زمام الامر في يدين الاخيار
واللي ثنا بالسيف قدم المغيره=ياجعل عمره مع طويلين الاعمار

[هب الريح]

اســتلم يـابـــو عــبـدالـعـزيــز


اللي تصدى للأمور العسيره=رجلٍ على ميل الدهر صلف جبـّار

رايه سديد وما بخس رآي غيره=وما يندم اللي شــار وافين الأشبار

[ابو دريع]

اللي تصدى للأمور العسيره
رجلٍ على ميل الدهر صلف جبّار

رايه سديد وما بخس رآي غيره
وما يندم اللي شار وافين الأشبار


اللي تصدى للأمور العسيره
رجلٍ على ميل الدهر صلف جبّار

رايه سديد وما بخس رآي غيره
وما يندم اللي شار وافين الأشبار


معكم ياربع معكم

[ابراهيم العريفي]

ابو دريع مرحبا بك ويشرفنا حضورك.......

واستلم ياهب الريح



علم مدير القصر والا وزيره=اللي يشب النار لايدفن النار
واللي سبح وسط البحور الغزيره=جاب الجواهر حص لولو ومحار

[هب الريح]

حياك الله ابو دريع شرفتنا طال عمرك

تفضـّـل ابو عبد العزيز.


صحيح . بس اللي يغوص البحيره=ما عيـّن الا طينة كنـّها القار

ناسٍ غدت مثل البقر بالحظيره=عقالها يثنى لها قيد واهجـار

[ابراهيم العريفي]

استلم ياهب الريـــــــح


الحمل ماشاله ترى الا بعيره= وقصرٍ بليا ساس لابد ينهار

والمساله راحت علينا خطيره= شبيهةٍ فـي لعبة القط والفار

[هب الريح]

لاهنت ... استلم ياغالي .


عين ٍ بصيره والأيادي قصيره=وأمور تدعي راعي العقل يحتار

واللي على اليمنى حسبته ذخيره=عوّد على زندك يحشّه بمنشار

[ابراهيم العريفي]

استلم باهب الريح


علمك لقيته في قناة الجزيره=وتبثه الشاشات في كل الاقطار
والاوله ماهيب مثل الاخيره= والفرق واضح في خطا قحص الامهار


وصح لسانك وشرف لي اللعب معك ياهب الريح ودمت بخير وصحه وسلامه

[هب الريح]

جملك اللــه

وانا اللي لي الشرف يالغالي

الف شكر لك يالقرم والسموحه من القصور.

تقبل مني فائق الود . يطول لي بعمرك.