قصيدة للشاعر ماجد بن محمد الصبيح الزعبي

[الزعبي]

مافات فات ولايفيد الرجوعي=ومن لاأغتنم وقته ترى الوقت خدّاع

ومن لايفك الذود وقت الجموعي= مايعتبر عند العرب قرم وشـــــجاع

ومن لايشير ويستشير الربوعي=هذاك عدّه من قبيلة (بني ضــاع)

ومن لايحب الجمع طبعه قطوعي=مثل السفينه دون مجداف وشــــــراع

تقفيبه الأرياح ولابه رجووعي=لامحصلٍ مسنع ولاهو بمسناع

جبت المثايل يوم فكري قنوعي= مما تشوف العين من بعض الاوضاع

وانا على بعض المواقف جزوعي=اصبر وجازي راعي الصاع بالصاع

ياما صواديف الدهر بي تلوعي=وليا طغت اكتم ولاني بمــــــــذيـــاع

وتنطحني اهمومٍ على كل نوعي=وانا ابتليت وطحت في قشر الانواع

وقامت تصافق في محاني ضلوعي=مثل البرد لا من تصافق على القاع

لو جيت اوصف قلت شيٍ يروعي=ما قدر على وصفه ولاني بلكاع

حيث الرجل عيَت تمشى بطوعي=وما عاد لي بالعلم مدخل ومطلاع

والحنظله في كل يومٍ قدوعي= ومن ذوقها كني على المر طماع

ابدعي الرحمـــــن حزة ركوعي=انه يسهلــــها عـــلى كـــل ملتــاع




المصدر :

http://www.zaub.com/vb/showthread.php?t=2576

[عز العرب]

ومـــن لايـشـيــر ويسـتـشـيـر الـربـوعــي .............هــذاك عــدّه مــن قبـيـلـة (بـنــي ضـــاع)

والله بيت روعه ويستحق التمعن والله يسلم قائلها وصح لسان بن صبيح على القصيده الجزله

[محمد بن سحوب]

صح لسان ابو تركى وصراحه حكمه هذا البيت ولاهنت يالعز وواصل بالمشاركات والردود الطيبه

أخوك / محمد